કોહલી, ધોની કે રોહિત નહીં પણ આ ખેલાડી છે મારો 'હીરો', 20 કરોડના બોલરે કર્યો ખુલાસો

Pat Cummins on his favorite Indian Cricketer: ઓસ્ટ્રેલિયાના કેપ્ટન અને સનરાઈઝર્સ હૈદરાબાદના કેપ્ટન પેટ કમિન્સે (Pat Cummins) ક્રિકેટ જગતમાં પોતાના ફેવરિટ ક્રિકેટર તરીકે સચિન તેંડુલકરનું નામ લીધું છે. કમિન્સને કોહલી, ધોની કે શર્મા નહિં પરંતુ ક્રિકેટના સુપર હીરો સચિન તેંડુલકરનો પ્રશંસક હોવાનો ખુલાસો કર્યો છે.

પેટ કમિન્સને તેના ફેવરિટ ક્રિકેટર વિશે પૂછવામાં આવતાં તેણે જણાવ્યું છે કે, મારા બે ભારતીય ક્રિકેટર ફેવરિટ છે, એક સચિન તેંડુલકર અને બીજા અનિલ કુંબલે... સચિન તેંડુલકરે 1989માં ક્રિકેટર તરીકે કારકિર્દી શરૂ કરી હતી. જે કોહલી, રોહિત શર્મા જેવા અનેક દિગ્ગજ ખેલાડીઓના રોલ મોડલ છે. સચિન પાસેથી પ્રેરણા લઈને જ આ ખેલાડીઓએ ક્રિકેટ રમવાની શરૂઆત કરી હતી.

આઈપીએલ 2024માં 20 કરોડ રૂપિયામાં પેટ કમિન્સને સનરાઈઝ હૈદરાબાદે ખરીદ્યો હતો. આઈપીએલ 2024ના પોઈન્ટ્સ ટેબલમાં પેટ કમિન્સની કપ્તાની હેઠળ સનરાઈઝર્સ હૈદરાબાદ હાલ ત્રીજા ક્રમે છે. અપેક્ષા છે કે, હૈદરાબાદની ટીમ ટોપ-4માં સ્થાન જાળવી રાખશે. કમિન્સે આ ઈન્ટરવ્યૂમાં વિશ્વાસ દર્શાવ્યો છે કે, આ વખતે આઈપીએલનો ખિતાબ તેમની ટીમ હાંસલ કરશે. પ્રથમ વખત આઈપીએલમાં કમિન્સ કપ્તાની કરી રહ્યા છે.

તદુપરાંત વનડે અને ટેસ્ટ ટીમની કપ્તાની કરતાં કમિન્સ ઓસ્ટ્રેલિયાના વનડે વર્લ્ડ કપનો ખિતાબ અને ટેસ્ટ ચેમ્પિયનશીપ ટ્રોફી હાંસલ કરવામાં સફળ રહ્યો છે. ઉલ્લેખનીય છે, ટી-20 વર્લ્ડ કપમાં આ વખતે ઓસ્ટ્રેલિયાની કપ્તાની મિચેલ માર્શ કરી રહ્યા છે. કમિન્સ ઝડપી બોલર તરીકે ટીમનો હિસ્સો છે.