રોહિત શર્મા વર્લ્ડકપ ફાઈનલ બાદ પહેલીવાર જાહેરમાં જોવા મળ્યો, પરિવાર સાથે વિદેશમાં રજાઓ ગાળીને ભારત પરત ફર્યો

Rohit sharma spotted At Airport : ભારતીય ક્રિકેટ ટીમનો નિયમિત કેપ્ટન રોહિત શર્મા વિદેશમાં પરિવાર સાથે રજાઓ ગાળ્યા બાદ ભારત પરત આવી ગયો છે. આજે રોહિત તેની દીકરી અને પત્ની સાથે મુંબઈ એરપોર્ટ પહોંચ્યો હતો. જેનો એક વીડિયો સોશ્યલ મીડિયા પર ખુબ વાયરલ થઇ રહ્યો છે. ODI World Cup 2023 બાદ રોહિત શર્મા સહિત ઘણાં સિનિયર ખેલાડીઓને આરામ આપવામાં આવ્યો હતો. રોહિત શર્મા, વિરાટ કોહલી,કે.એલ રાહુલ અને રવિન્દ્ર જાડેજા જેવા ખેલાડીઓ ઓસ્ટ્રેલિયા સામે રમાયેલી T20 સિરીઝનો ભાગ ન હતા. 

હાર બાદ રોહિત ફેન્સની નજરોથી દૂર રહ્યો હતો

રોહિત શર્માના નેતૃત્વમાં ભારતીય ક્રિકેટ ટીમને ODI World Cup 2023ની ફાઈનલમેચમાં ઓસ્ટ્રેલિયા સામે હારનો સામનો કરવો પડ્યો હતો. જે બાદ રોહિત ફેન્સની નજરોથી દૂર રહ્યો હતો. જો કે થોડા સમય પહેલા રોહિત શર્માએ ઈન્સ્ટાગ્રામ પર દીકરી અને પત્ની સાથે તસવીર શેર કરી હતી.

ટુર્નામેન્ટમાં સૌથી વધુ રન બનાવનાર બીજો બેટ્સમેન

રોહિત શર્માએ ODI World Cup 2023માં શાનદાર બેટિંગ કરી હતી. તે ટુર્નામેન્ટમાં સૌથી વધુ રન બનાવનાર બીજો બેટ્સમેન હતો. જો કે ભારતીય ટીમને ફાઈનલમાં હારનો સામનો કરવો પડ્યો હતો. આ ફાઈનલ મેચમાં ઓસ્ટ્રેલિયાએ ભારતને 6 વિકેટથી હરાવ્યું હતું. પરંતુ સમગ્ર ટુર્નામેન્ટમાં ભારતીય ટીમનું પ્રદર્શન શાનદાર રહ્યું હતું. ટીમે સતત 10 મેચ જીતી હતી.