હાર બાદ ભાવુક થયો રોહિત, આંખમાંથી આસુ આવી ગયા, કોહલી પણ થયો નિરાશ

અમદાવાદ,તા.10 નવેમ્બર 2022, ગુરુવાર

ટી20 વર્લ્ડકપમાં ભારતની શરમજનક હાર થઈ છે. આ વર્લ્ડકપમાં ભારતીય ટીમની સફર સમાપ્ત થઈ ગઈ છે. ઈંગ્લેન્ડની ટીમે સેમીફાઈનલની મેચમાં ભારતને 10 વિકેટે હાર આપી છે. આ હાર થતાં જ ભારતીય ટીમ વર્લ્ડકપમાંથી બહાર થઈ ગઈ છે. જોકે આ મેચમાં હાર મળ્યા બાદ સુકાની રોહિત શર્મા, વિરાટ કોહલી સહિતની આખી ટીમ નિરાશ થઈ હતી. રોહિત શર્માના આંખમાંથી આસું પણ સરકી ગયા હતા. જ્યારે ડગ આઉટનો સમય આવ્યો ત્યારે રોહિત ભાવુક થયો હતો અને તે પોતાના આંસુ લુછી રહ્યો હતો. મેચ પૂર્ણ થયા બાદ ભારતના ખેલાડીઓ ઈંગ્લેન્ડના ખેલાડીઓને હાથ મિલાવીને પોતાના ડગઆઉટમાં જઈ રહ્યા હતા ત્યારે રોહિત શર્મા ખુબ જ ભાવુક થયો હતો.

રોહિત શર્મા થયો ભાવુક

રોહિત શર્મા રાહુલ દ્રવિડ સાથે વાતચીત કરતો જોવા મળ્યો હતો. બંને વચ્ચે થોડો સમય સુધી વાતચીત થઈ અને તુરંત જ રોહિત શર્મા ભાવુક થયો હતો. આ સમયે રાહુલ દ્રવિડે રોહિત શર્માને સાત્વના આપી હતી.

કોહલી પણ નિરાશ થયો

આ વર્લ્ડકપ દરમિયાન કોહલીએ શ્રેષ્ઠ પરફોર્મન્સ કરતો નજરે પડ્યો હતો. આજની મેચમાં પણ તેણે અડધી સદી ફટકારી હતી. જોકે અંતે હાર થયા બાદ કોહલી શર્મા ખુબ જ નિરાશ થયો હતો.