'મને પાકિસ્તાન જવામાં...', ભારત-પાકિસ્તાન સીરીઝ પર કેપ્ટન રોહિત શર્માની ચોંકાવનારી વાત

IND vs PAK Match : ભારત અને પાકિસ્તાન બે એવા દેશ છે જેમની ક્રિકેટ મેદાનમાં ટક્કર આખી દુનિયાને હચમચાવી દે છે. ભારત-પાકિસ્તાન મેચ દરમિયાન સ્ટેડિયમ ખીચોખીચ ભરેલું હોય છે અને ટીવી પર લાઈવ દર્શકોની સંખ્યા કરોડોમાં હોય છે. આ બંને ટીમો છેલ્લા દોઢેક દાયકાથી માત્ર આઈસીસી ટૂર્નામેન્ટ્સમાં જ આમને-સામને આવી છે. બંને વચ્ચે સીરીઝ 2007-2008ના સમયે રમાઈ હતી. અંદાજિત ભારતીય ખેલાડી બંને દેશો વચ્ચે કોઈ સીરીઝ થવાના સવાલથી બચતા નજરે આવે છે. પરંતુ કેટલાક સમય પહેલા ભારતીય ક્રિકેટ ટીમના કેપ્ટન રોહિત શર્માએ ભારત-પાકિસ્તાન સીરીઝને લઈને મૌન તોડ્યું હતું.

રોહિત શર્માનું કહેવું હતું કે, સીરીઝ અને મેચોના નિર્ણય ક્રિકેટ બોર્ડના હાથમાં હોય છે. રોહિતે જણાવ્યું કે, કોઈ સીરીઝ નક્કી કરવાનું તેમનું કે અન્ય ખેલાડીઓનું કામ નથી. તેના માટે જે ટૂર્નામેન્ટ નક્કી કરવામાં આવે છે, તેઓ તેને રમતા ત્યાં પહોંચી જાય છે. ભારતીય કેપ્ટને કહ્યું કે, 'જો ભારતીય ક્રિકેટ બોર્ડ (BCCI) મંજૂરી આપે છે તો તેમને પાકિસ્તાનમાં જઈને ક્રિકેટ રમવામાં કોઈ સમસ્યા નથી.'

ભારતે પોતાની ટીમને પાકિસ્તાન મોકલવાની ના પાડી હતી

જણાવી દઈએ કે, એશિયા કપ 2023ની યજમાની પાકિસ્તાન સામે હતી, પરંતુ BCCIએ એશિયા કપ માટે પોતાની ટીમને પાકિસ્તાન મોકલવાની ના પાડી હતી. તેવામાં ભારતીય ટીમની મેચ શ્રીલંકામાં યોજાઈ હતી, તો બાકીની ટીમોની મેચ પાકિસ્તાનમાં જ રમાઈ હતી. એશિયા કપની ફાઈનલમાં ભારતે શ્રીલંકાને 10 વિકેટથી હરાવ્યું હતું. આ સિવાય 2025 ચેમ્પિયન્સ ટ્રોફી પણ પાકિસ્તાનમાં થવાની છે, પરંતુ હજુ સુધી કંઈ નક્કી નથી કે ભારત પોતાની મેચ રમવા પાકિસ્તાન જશે કે નહીં.

હું પાકિસ્તાન સામે રમવાનું પસંદ કરીશ : રોહિત શર્મા

આ અગાઉ રોહિત શર્માએ પાકિસ્તાન ટીમને લઈને મોટું નિવેદન આપ્યું હતું. રોહિત શર્માને પૂછવામાં આવ્યું હતું કે, શું ભારત અને પાકિસ્તાન વચ્ચે નિયમિત રીતે મેચ હોવી એ ટેસ્ટ ક્રિકેટ માટે ફાયદાકારક રહેશે? આના પર રોહિતે જવાબ આપ્યો હતો કે, હું માનું છું કે તે સારી ટીમ છે. બંને ટીમો વચ્ચે છેલ્લી ટેસ્ટ 2007-08માં રમાઈ હતી. હું પાકિસ્તાન સામે રમવાનું પસંદ કરીશ. બંને ટીમો વચ્ચે શાનદાર મુકાબલો થાય છે. અમે તેની સામે ICC ટૂર્નામેન્ટમાં રમીએ છીએ. તેની સામે નિયમિતપણે ક્રિકેટ રમવાનું પસંદ કરીશ.

વર્લ્ડ કપમાં થશે ટક્કર

ભારત અને પાકિસ્તાનની આગામી ટક્કર ટી20 વર્લ્ડ કપ 2024માં થશે. ટી20 ક્રિકેટનો વર્લ્ડ કપ વેસ્ટઈન્ડીઝ અને યૂએસએમાં 1 જૂનથી શરૂ થવાનો છે. ભારતીય અને પાકિસ્તાન ટીમને ગ્રુપ-એમાં રાખવામાં આવી છે અને બંને વચ્ચે ટક્કર 9 જૂને ન્યૂયોર્કમાં સ્થિત નસાઉ કાઉન્ટી કાઉન્ટી ઇન્ટરનેશનલ ક્રિકેટ સ્ટેડિયમમાં થશે. ટી20 વર્લ્ડ કપમાં આજ સુધી ભારત અને પાકિસ્તાન 7 વખત આમને-સામને આવી છે, જેમાંથી પાકિસ્તાન ટીમ માત્ર એક વખત જીત્યું હતું.