ICC ટેસ્ટ રેન્કિંગમાં રિષભ પંતને ફરી ઝટકો, પાકિસ્તાની ખેલાડીએ લગાવી લાંબી છલાંગ

ICC Test rankings : ઇન્ટરનેશનલ ક્રિકેટ કાઉન્સિલ (ICC) એ નવી ટેસ્ટ રેન્કિંગ જાહેર કરી છે. આ વખતની યાદીમાં ટોપ બેટરોના સ્થાનમાં કોઈ પણ ફેરફાર થયો નથી. પરંતુ ભારતીય ટીમના સ્ટાર બેટર રિષભ પંતને ઝટકો લાગ્યો છે. તે ફરી એકવાર ટોપ-10માંથી બહાર થઇ ગયો છે. પાકિસ્તાની ખેલાડીએ તેને પાછળ છોડી દીધો છે. જેણે એકસાથે ત્રણ સ્થાનની છલાંગ લગાવી છે. 

જો રૂટ ટોચના સ્થાન પર યથાવત 

આ ટેસ્ટ રેન્કિંગ પહેલા પાકિસ્તાન અને વેસ્ટ ઇન્ડીઝ વચ્ચે ટેસ્ટ મેચ રમાઈ હતી. પરંતુ આ ટેસ્ટ મેચના લીધે ટેસ્ટ રેન્કિંગમાં ઘણો બદલાવ થયો હતો. હાલની રેન્કિંગમાં ઇંગ્લેન્ડનો જો રૂટ ટોચના સ્થાન પર યથાવત છે. તેની હાલની રેટિંગ 895 છે. ઇંગ્લેન્ડનો હૈરી બ્રૂક ICC ટેસ્ટ રેન્કિંગમાં બીજા સ્થાન પર છે. તેની રેટિંગ 876 છે. જયારે ન્યુઝીલેન્ડના કેન વિલિયમ્સને આ યાદીમાં ત્રીજું સ્થાન જાળવી રાખ્યું છે. તેની રેટિંગ 876 છે. ભારતનો યશસ્વી જયસ્વાલ 847 રેટિંગ સાથે 4 નંબર પર અને 772 રેટિંગ સાથે ટ્રેવિસ હેડ 5માં નંબર યથાવત છે.

સાઉદ શકિલે ત્રણ સ્થાનની છલાંગ લગાવી

દક્ષિણ આફ્રિકાનો કેપ્ટન ટેમ્બા બાવુમાં આ યાદીમાં છઠ્ઠા સ્થાન પર છે. તેની રેટિંગ 769 છે. શ્રીલંકાનો કામેંદુ મેન્ડીસ 759 રેટિંગ સાથે સાતમાં સ્થાન પર છે. હવે આઠમાં સ્થાન પર પાકિસ્તાની ખેલાડી સાઉદ શકિલનો કબજો થઇ ગયો છે. તેણે રેન્કિંગમાં ત્રણ સ્થાનની છલાંગ લગાવી છે. તેનું રેટિંગ વધીને હવે 753 થઇ ગયું છે. તેણે વેસ્ટ ઇન્ડીઝ સામેની મેચમાં શાનદાર પ્રદર્શન કર્યું હતું, જેનો તેને રેન્કિંગમાં ફાયદો થયો હતો.  

આ પણ વાંચો: ચેમ્પિયન્સ ટ્રોફીની જર્સી પર 'પાકિસ્તાન' વિવાદમાં ICCનું રિએક્શન, શું ભારતને નડશે આ નિયમ?

રિષભ પંતને થયું નુકસાન

સાઉદ શકિલે રેન્કિંગમાં લગાવેલી છલાંગનું સીધું નુકશાન સ્ટીવ સ્મિથ અને રિષભ પંતને થયું હતું. સ્મિથ એક સ્થાન ગગડીને નવમાં સ્થાન પર પહોંચી ગયો છે. તેની રેટિંગ 746 છે. જયારે રિષભ પંતને પણ એક સ્થાનનું નુકસાન થયું છે અને હવે તે 739 રેટિંગ સાથે 10માં સ્થાને પહોંચી ગયો છે. ન્યુઝીલેન્ડનો ડેરિલ મિચેલને એક સ્થાનનું નુકસાન થતા તે ટોપ-10માંથી બહાર થઇ ગયો છે. તેની રેટિંગ 725 છે.