RCBમાં હવે ‘યુનિવર્સલ બોસ’થી આગળ કોહલી, KKR સામે 83 રન બનાવી વોર્નરને પણ પછાડ્યો

Updated: Mar 30th, 2024

‌

RCBમાં હવે ‘યુનિવર્સલ બોસ’થી આગળ કોહલી, KKR સામે 83 રન બનાવી વોર્નરને પણ પછાડ્યો 1 - image

Image:IANS

Virat Kohli Hits Most Sixes For RCB : IPL 2024ની 10મી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે રમાઈ હતી. આ મેચમાં KKRએ RCBને 7 વિકેટે હરાવ્યું હતું. આ દરમિયાન RCBના સ્ટાર બેટર વિરાટ કોહલીએ 59 બોલમાં 4 છગ્ગા અને 4 ચોગ્ગાની મદદથી અણનમ 83 રન બનાવ્યા હતા. કોહલીની આ ઇનિંગના આધારે RCBનો સ્કોર 182 રન પર પહોંચ્યો હતો. આ સિઝનમાં કોહલીની આ સતત બીજી ફિફ્ટી હતી. આ શાનદાર ઇનિંગ સાથે કોહલીએ ક્રિસ ગેલ અને ડેવિડ વોર્નરનો રેકોર્ડ તોડ્યો હતો.

કોહલીએ તોડ્યો ગેલનો રેકોર્ડ

RCB તરફથી ક્રિસ ગેલ એવો બેટર હતો જેણે કોહલી પહેલા IPLમાં સૌથી વધુ છગ્ગા ફટકાર્યા હતા, પરંતુ કોહલીએ KKR સામે 4 છગ્ગા ફટકારીને તેના છગ્ગાની સંખ્યા 241 પર પહોંચાડી દીધી હતી અને ગેલને પાછળ છોડી દીધો હતો. ગેલના નામે 239 છગ્ગા છે. આ યાદીમાં એબી ડી વિલિયર્સ 238 છગ્ગા સાથે ત્રીજા સ્થાને છે જ્યારે મેક્સવેલ 67 છગ્ગા સાથે ચોથા સ્થાને છે.

IPLમાં RCB માટે સૌથી વધુ છગ્ગા

241 - વિરાટ કોહલી

239 - ક્રિસ ગેલ

238 - એબી ડી વિલિયર્સ

67 - ગ્લેન મેક્સવેલ

50 - ફાફ ડુ પ્લેસિસ

35 - દિનેશ કાર્તિક

31 - રોસ ટેલર

30 - રોબિન ઉથપ્પા

કોહલી વોર્નરને પછાડી બીજા સ્થાને પહોંચ્યો

વિરાટ કોહલીએ KKR સામે અણનમ 83 રનની ઇનિંગ રમી હતી. આ સાથે IPLમાં સૌથી વધુ વખત 80થી વધુ રન બનાવનાર બેટરોની યાદીમાં કોહલી ડેવિડ વોર્નરને પછાડી બીજા સ્થાને પહોંચી ગયો છે. આ લીગમાં કોહલીએ 16મી વખત 80થી વધુ રન બનાવ્યા છે, જયારે વોર્નરે 15 વખત 80થી વધુ રન બનાવ્યા છે. ક્રિસ ગેલ સૌથી વધુ 17 વખત 80થી વધુ રનની ઇનિંગ્સ રમી પ્રથમ સ્થાને છે.

IPLમાં સૌથી વધુ 80+ રન બનાવનાર બેટર

17 – ક્રિસ ગેલ

16 – વિરાટ કોહલી

15 – ડેવિડ વોર્નર

12- શિખર ધવન

11 – જોસ બટલર