VIDEO: રન લેવા દોડતા કોહલીને ચહરે છંછેડ્યો, પછી શું... વિરાટે ધક્કો મારી બેટ વડે ફટકાર્યો

Virat Kohli-Deepak Chahar: IPL 2025નો પ્રારંભ થઇ ગયો છે. ત્યારે પહેલી મેચ રોયલ્સ ચેલેન્જર બેંગ્લોર અને ચેન્નઈ સુપર કિંગ્સ વચ્ચે રમાઈ હતી. બંને ટીમો વચ્ચેની મેચ ખૂબ જ રોમાંચક રહી હતી, જેમાં ચેપોકમાં CSKએ 6 વિકેટથી જીત મેળવીને RCBની જીતની આશાઓ પર પાણી ફેરવી દીધું હતું. આ મેચ દરમિયાન વિરાટ કોહલી અને ચેન્નઈના ફાસ્ટ બોલર દીપક ચહર વચ્ચે મેદાન પર બોલાચાલી પણ જોવા મળી હતી. જે હાલ સોશિયલ મીડિયા પર વાયરલ થઈ રહી છે.

વિરાટ કોહલીને ચહરે છંછેડ્યો

CSKનો ફાસ્ટ બોલર દીપક ચહર જાણી જોઈને વિરાટ કોહલીને છંછેડતો જોવા મળ્યો હતો. બંને વચ્ચે આ ઘટના રોયલ ચેલેન્જર્સ બેંગ્લોરની ઇનિંગ્સ દરમિયાન બની હતી, જ્યારે દીપક ચહર બોલિંગ કરવા આવ્યો હતો. વિરાટ તેની ઓવરોમાં રન બનાવવા દોડી રહ્યો હતો. તે દરમિયાન ચહરએ મજાકમાં કોહલીને ધક્કો માર્યો. સામે જવાબમાં કોહલીએ પણ રન પૂરો કરીને ચહરને પાછળ બેટ માર્યું હતું. જો કે આ બંને ખેલાડીઓ ખાલી મજાક કરતા હતા. જેથી બંને હસવા લાગ્યા. આ સમગ્ર ઘટના કેમરામાં કેદ થઈ હતી અને હાલ વાયરલ છે. 

બંનેની આ મસ્તીથી ફેંસ નારાજ 

જો કે, વિરાટ કોહલીના ફેન્સ દીપક ચહરના મજાકથી ખુશ નથી. આ જ કારણ છે કે આ વીડિયો સોશિયલ મીડિયા પર ખૂબ ચર્ચામાં છે. ચાહકોનું કહેવું છે કે વિરાટ અહીં રન આઉટ થઈ શક્યો હોત. એમાં પણ જયારે ટીમની શરૂઆતની વિકેટો પડી ચૂકી છે. આવી સ્થિતિમાં વિરાટનું આઉટ થવું ભારે પડી શકે એમ હતું.