RCBના ફાસ્ટ બોલર હર્ષલ પટેલની બહેનનુ નિધન, બાયોબબલ તોડીને ઘરે જવા રવાના

નવી દિલ્હી,તા.10.એપ્રિલ.2022

આઈપીએલમાં રોયલ ચેલેન્જર્સ બેંગ્લોર વતી રમી રહેલા ઝડપી બોલર હર્ષલ પટેલને એક અંગત ઝાટકો વાગ્યો છે.

હર્ષલ પટેલની બહેનનુ નિધન થઈ ગયુ છે અને આ ખબર મળતા જ તે બાયો બબલ તોડીને પોતાના ઘરે રવાના થઈ ગયા છે.શનિવારે મુંબઈ ઈન્ડિયન્સને આરસીબીએ હરાવ્યુ હતુ અને તેમાં હર્ષલે શાનદાર બોલિંગ કરી હતી.

એક ન્યૂઝ એજન્સીને મળેલી જાણકારી પ્રમાણે પરિવારના એક સભ્યના નિધનના કારણે હર્ષ આઈપીએલ છોડીને ઘરે રવાના થયા છે.છેલ્લી બે સિઝનથી હર્ષલ શાનદાર દેખાવ કરી રહ્યો છે.આઈપીએલના સૂત્રે કહ્યુ હતુ કે, બહેનના નિધનના કારણે તેને અધવચ્ચે ટીમની બહાર જવુ પડ્યુ છે.