વાહ બાપુ વાહ... રાજકોટમાં રોહિત બાદ જાડેજાએ રંગ રાખ્યો, સદી ફટકારી તલવારની જેમ બેટ ફેરવ્યું

Ravindra Jadeja Century IND vs ENG 3rd Test : ભારત અને ઇંગ્લેન્ડ વચ્ચે 5 મેચની ટેસ્ટ સીરિઝની ત્રીજી મેચ રાજકોટમાં રમાઈ રહી છે. આ મેચમાં રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ ભારતની શરૂઆત સારી ન રહી અને ભારતે 33 રનના સ્કોર પર 3 વિકેટ ગુમાવી હતી. આ પછી કેપ્ટન રોહિત શર્મા અને રવિન્દ્ર જાડેજાએ ભારતની ઇનિંગ સંભાળી હતી. રોહિત શર્મા રાજકોટમાં તેના ટેસ્ટ કરિયર 11મી સદી ફટકારી હતી. આ પછી હવે રવિન્દ્ર જાડેજાએ પણ સદી ફટકારી છે.

Test Hundred on his home ground!

A hard fought 4th Test ton and second in Rajkot from @imjadeja 👏 👏#INDvENG @IDFCFIRSTBank pic.twitter.com/osxLb6gitm

— BCCI (@BCCI) February 15, 2024

રોહિત શર્મા સાથે મળીને 204રનની ભાગીદારી કરી

કેપ્ટન રોહિત શર્માએ રવિન્દ્ર જાડેજા સાથે મળીને ચોથી વિકેટ માટે 204 રનની ભાગીદારી કરી હતી. આ પછી રોહિત શર્મા 131 રનની ઇનિંગ રમીને આઉટ થયો હતો, પરંતુ જાડેજાએ અડગ રહીને સદી ફટકારી હતી. રવિન્દ્ર જાડેજાએ ભારત તરફથી બેટિંગ કરતા 198 બોલમાં સદી ફટકારી છે. આ દરમિયાન તેણે 7 ચોગ્ગા અને 2 છગ્ગા પણ ફટકાર્યા હતા.

ઇંગ્લેન્ડ સામે બીજી સદી ફટકારી

ઇંગ્લેન્ડ સામે રવિન્દ્ર જાડેજાની આ બીજી સદી છે. જયારે તેના ટેસ્ટ કરિયરની આ ચોથી સદી છે. રવિન્દ્ર જાડેજાએ આ મેચની પ્રથમ ઈનિંગમાં કેપ્ટન રોહિત શર્મા સાથે 200થી વધુ રનની ભાગીદારી કરી હતી, તો તેણે સરફરાઝ ખાન સાથે પાંચમી વિકેટ માટે 77 રનની ભાગીદારી કરી હતી. આ પછી સરફરાઝ ખાન 62 રન બનાવીને રનઆઉટ થયો હતો.