સામે ગમે તેવી ટીમ હોય.. અમારી પાસે..: સેમીફાઈનલમાં હાર બાદ પણ રાશિદ ખાનનો આત્મવિશ્વાસ

Image Source: Twitter

Rashid Khan After Lose Semifinal vs SA T20 WC 2024: દક્ષિણ આફ્રિકાએ T20 વર્લ્ડ કપ પહેલા સેમિ ફાઈનલમાં અફઘાનિસ્તાનને નવ વિકેટથી હરાવીને પ્રથમ વખત ફાઈનલ(SA First Tome ever in Final of T20 WC 2024)માં એન્ટ્રી મારી લીધી છે. આ પહેલા દક્ષિણ આફ્રિકાએ બોલિંગનું ઉત્તમ ઉદાહરણ રજૂ કરતા T20 વર્લ્ડ કપની પ્રથમ સેમીફાઈનલમાં અફઘાનિસ્તાનને માત્ર 56 રન પર આઉટ કરી દીધું હતું. માર્કો જેન્સને 16 રન આપીને ત્રણ વિકેટ ઝડપી હતી જ્યારે કાગિસો રબાડાએ 14 અને એનરિચ નોર્કિયાએ સાત રન આપીને 2-2 વિકેટ ઝડપી હતી. બીજી તરફ પાવરપ્લેમાં અફઘાનિસ્તાનનો સ્કોર પાંચ વિકેટ પર 28 રન હતો અને આખી ટીમ 11.5 ઓવરમાં આઉટ થઈ ગઈ હતી. અફઘાનિસ્તાનનું પ્રથમ વખત વર્લ્ડ કપની ફાઈનલ મેચ રમવાનું સપનું શરૂ થતા પહેલા જ ખતમ થઈ ગયું. દક્ષિણ આફ્રિકાના ફાસ્ટ બોલરોએ તો કહેર વરસાવ્યો જ પરંતુ અફઘાનિસ્તાનના બેટ્સમેનો પણ ભૂલ કરતાં જ રહ્યા. 

અફઘાનિસ્તાને આફ્રિકાને માત્ર 56 રનનો ટાર્ગેટ આપ્યો હતો

પ્રથમ બેટિંગ કરતા અફઘાનિસ્તાને આફ્રિકાને માત્ર 56 રનનો ટાર્ગેટ આપ્યો હતો. આ રન ચેઝ કરતા આફ્રિકાએ 9 વિકેટ બાકી રહેતા મેચ જીતી લીધી હતી. આ પહેલા જ પોતાની ટીમ દ્વારા આફ્રિકાને આપવામાં આવેલા ટાર્ગેટથી રાશિદ ખાન ચિંતિત નજર આવ્યો હતો અને મેચ દરમિયાન તે જોનાથન ટ્રોટ સાથે માથા પર હાથ મૂકીને ઊભેલો નજર આવ્યો હતો.  

Chin up, Skipp! You've given us the World this event! 🙌@RashidKhan_19#AfghanAtalan | #T20WorldCup | #GloriousNationVictoriousTeam pic.twitter.com/jFu6SO2vmX

— Afghanistan Cricket Board (@ACBofficials) June 27, 2024

હાર બાદ ભાવુક થયો રાશિદ ખાન

સેમીફાઈનલમાં હાર બાદ અફઘાનિસ્તાના કેપ્ટન રાશિદ ખાને કહ્યું કે, એક ટીમ તરીકે અમારા માટે આ ઘણું મુશ્કેલ હતું. અમે વધુ સારું પ્રદર્શન કરી શક્યા હોત, પરંતુ પરિસ્થિતિએ અમને એ કરવાની મંજૂરી ન આપી જે અમે કરવા માગતા હતા. T20 ક્રિકેટ આવી જ છે, તમારે દરેક પરિસ્થિતિ માટે તૈયાર રહેવું જોઈએ. મને લાગે છે કે દક્ષિણ આફ્રિકાએ ખૂબ જ શાનદાર બોલિંગ કરી. મને લાગે છે કે અમને આ ટૂર્નામેન્ટમાં સારી સફળતા મળી કારણ કે ફાસ્ટ બોલરોએ ખરેખર સારી બોલિંગ કરી. તમને સારી શરૂઆતની જરૂર પડે છે. મને લાગે છે કે અમે મુજીબની ઈજાના કારણે કમનસીબ રહ્યા પરંતુ અમારા ફાસ્ટ બોલરો અને નબીએ પણ નવા બોલથી શાનદાર બોલિંગ કરી. તેના કારણે સ્પિનરો તરીકે અમારું કામ સરળ બન્યું.

અમારે વધુ મહેનત કરવી પડશે

અમે આ ટુર્નામેન્ટનો આનંદ માણ્યો. અમે સેમીફાઈનલ રમવાનું અને દક્ષિણ આફ્રિકા જેવી ટોચની ટીમ સામે હારવાનું સ્વીકારીશું. અમારા માટે આ માત્ર શરૂઆત છે, અમારી પાસે કોઈપણ ટીમને હરાવવાનો આત્મવિશ્વાસ અને વિશ્વાસ છે. અમારે માત્ર અમારી પ્રક્રિયાને ચાલુ રાખવાની જરૂર છે. આ અમારા માટે શીખવાનો એક શાનદાર અનુભવ રહ્યો છે. આપણે સ્પર્ધામાંથી જે શીખીએ છીએ તે આત્મવિશ્વાસ છે. અમે જાણીએ છીએ કે અમારી પાસે આવડત છે, તે માત્ર મુશ્કેલ પરિસ્થિતિઓ, દબાણની પરિસ્થિતિઓને હેન્ડલ કરવા વિશે છે. ખાસ કરીને મિડલ ઓર્ડરમાં ઈનિંગ્સને આગળ લઈ જવા માટે કેટલાક કામ કરવાની જરૂર છે. જે મેં કહ્યું તેમ અમારી ટીમ માટે આ હંમેશા શીખવાની વાત છે અને અમે અત્યાર સુધી સારા પરિણામો મેળવ્યા છે પરંતુ અમારે વધુ મહેનત કરવી પડશે, ખાસ કરીને બેટિંગ વિભાગમાં.