VIDEO : ગિલે સદી ફટકારી, પણ ડગઆઉટમાં નેહરાએ એવું કર્યુ કે જોઈને ચાહકો ગુસ્સે ભરાયા

                                                                         Image Source: Twitter

- સોશિયલ મીડિયા પર ફરી એક વખત નેહરાના ગુસ્સાની ચર્ચા થવા લાગી 

નવી દિલ્હી, તા. 16 મે 2023, મંગળવાર

હૈદરાબાદ સામે મેચમાં શુભમન ગિલે શાનદાર 58 બોલમાં 101 રન ફટકાર્યા હતા. પોતાની ઈનિંગમા ગિલે 13 4 અને 1 સિક્સ ફટકાર્યો હતો. ગિલની IPLમાં આ પ્રથમ સદી છે. ગિલે જ્યારે આ સદી ફટકારી ત્યારે ખાસ અંદાજમાં તેનો જશ્ન મનાવવામાં આવ્યો. ગિલે સદી ફટકારીને ડગઆઉટમાં બેઠેલા પોતાના ખેલાડીઓને જોઈને તેનો જશ્ન મનાવ્યો અને નમીને તેઓનું અભિવાદન પણ ઝીલ્યુ હતું. એક તરફ જ્યાં ગિલ સદી ફટકારીને ફેન્સનું દિલ જીતી લીધુ ત્યારે બીજી તરફ એક ખાસ કારણે ફેન્સ ગુસ્સે ભરાયા હતા.

Shubman Gill In 2023 :-
~ Double Hundred In ODI .
~ Century In T20I .
~ Century In Test .
~ Century In IPL .#GTvSRHpic.twitter.com/LUZPph6hWG

— Priyanshu (@PriyanshuVK18K) May 15, 2023

ઘટના એવી હતી કે, જ્યારે ગિલે સદી ફટકારી ત્યારે ડગઆઉટમાં બેઠેલા તમામ ખેલાડીઓએ તાળી પાડી તેમની સેન્ચ્યુરીનો જશ્ન મનાવ્યો હતો પરંતુ બીજી તરફ ટીમના કોચ આશિષ નેહરાએ ગિલની સેદી પર કોઈ પણ પ્રકારનું રિએક્શન નહોતુ આપ્યુ અને ગિલની સદી બાદ ચૂપચાપ બેઠેલો નજર આવ્યો. હવે સોશિયલ મીડિયા પર આ વીડિયો વાયરલ થઈ રહ્યો છે. ફેન્સ તેના પર ખૂબ જ રિએક્ટ કરી રહ્યા છે. ફેન્સનું માનવું છે કે, નેહરાએ આવું વર્તન ન કરવું જોઈએ. તેમણે સદી પર કમ સે કમ તાળી તો પાડવી જોઈએ.

આ ઉપરાંત મેચમાં ગુજરાતની ઈનિંગ દરમિયાન જ્યારે ભૂવીએ ઘાતક બોલિંગ કરી અને તે ઓવરમાં ગુજરાતના 4 બેટ્સમેન આઉટ થયા તો કેચ નેહરા પોતાના ખેલાડીઓથી ખૂબ નારાજ નજર આવી રહ્યા હતા. સોશિયલ મીડિયા પર ફરી એક વખત નેહરાના ગુસ્સાની ચર્ચા થવા લાગી છે.

ગિલે IPL 2023માં અત્યાર સુધીમાં કુલ 576 રન બનાવ્યા છે. ગિલ આ સિઝનમાં શાનદાર ફોર્મમાં છે. એક સદી ઉપરાંત તેણે 4 અડધી સદી પણ ફટકારી છે. ગિલની સર્વશ્રેષ્ઠ ઈનિંગ્સે તેને પ્લેયર ઓફ ધ મેચનો ખિતાબ અપાવ્યો હતો. ગુજરાતે આ મેચમાં હૈદરાબાદને 34 રને હરાવી ટુર્નામેન્ટમાં તેમની 9મી જીત નોંધાવી અને IPL 2023માં ક્વોલિફાય થનારી પ્રથમ ટીમ પણ બની છે.