2024માં ટીમ ઈન્ડિયા માટે T20માં સૌથી વધુ રન આ બેટરે બનાવ્યાં, સૂર્યકુમાર રહી ગયો પાછળ

Most T20 Runs For India: ક્રિકેટ માટે 2024મું વર્ષ અનેક રોચક ઘટનાઓનું સાક્ષી રહ્યું છે. વર્ષ 2024માં ટીમ ઈન્ડિયાએ T20 વર્લ્ડ કપ જીતીને આઈસીસી ટ્રોફી પોતાના નામ કરી હતી.  જો કે, ત્યારબાદ તરત જ ચાહકોએ આ ફોર્મેટમાંથી વિરાટ કોહલી, રોહિત શર્મા અને રવિન્દ્ર જાડેજાની વિદાય પણ જોઈ. આવો જાણીએ આ T20માં ભારત માટે સૌથી વધુ રન બનાવનાર બેટ્સમેન વિશે...

તિલક વર્માએ પણ ટોપ-5 બેટર

તિલક વર્માએ સાઉથ આફ્રિકા સામે વર્ષની છેલ્લી T20 સિરિઝમાં માત્ર 5 મેચમાં બેક ટુ બેક સદી ફટકારીને આ યાદીમાં પોતાનું સ્થાન બનાવ્યું છે. તિલકે આ વર્ષે 102ની એવરેજથી 306 રન બનાવ્યા છે.

ચોથા નંબર પર હાર્દિક પંડ્યા

ઓલરાઉન્ડર હાર્દિક પંડ્યા 352 રન સાથે આ યાદીમાં ચોથા સ્થાને છે.

આ પણ વાંચોઃ ટીમ ઈન્ડિયામાં રમી ચૂકેલો ખેલાડી હવે શ્રીલંકાની ટીમનો બન્યો કેપ્ટન, ધોની સાથે તુલના થતી હતી

રોહિત શર્મા ત્રીજા સ્થાને

રોહિત શર્માએ T20 વર્લ્ડ કપ બાદ T20માંથી નિવૃત્તિ લીધી હતી, પરંતુ તે હજુ પણ ટોપ-5 બેટરમાં ત્રીજા સ્થાને છે. વર્ષ 2024માં પૂર્વ ભારતીય કેપ્ટને 42ની એવરેજથી 378 રન બનાવ્યા છે.

સૂર્યકુમાર યાદવ બીજા ક્રમે

આ યાદીમાં ભારતીય કેપ્ટન સૂર્યકુમાર યાદવ 429 રન સાથે બીજા ક્રમે છે. સાઉથ આફ્રિકા સામેની છેલ્લી સિરીઝમાં તેણે કોઈ ખાસ પ્રદર્શન કર્યુ  ન હતું. વર્ષના અંતે તે બીજા સ્થાને રહ્યો હતો.

સંજુ સેમસન ટોપ બેટર

સંજુ સેમસને વર્ષની છેલ્લી 5 મેચમાંથી ત્રણ મેચમાં સદી ફટકારીને આ યાદીમાં પ્રથમ સ્થાન મેળવ્યું છે. સેમસને 2024માં પોતાના બેટથી 43.60ની એવરેજથી 436 રન બનાવ્યા હતા.