શ્રેયસ ઐય્યરનો ગર્લફ્રેન્ડ સાથેનો વીડિયો વાયરલ, દિવાળી પાર્ટીમાં સાથે જોવા મળ્યાની ચર્ચા

Shreyas Iyer: ભારતીય ક્રિકેટ ટીમના સ્ટાર બેટ્સમેન શ્રેયસ અય્યરે હાલના વર્લ્ડ કપ 2023માં ખરાબ શરૂઆત કરી હતી. પરંતુ, જેમ જેમ ટુર્નામેન્ટ આગળ વધતી ગઈ તેમ તેમ તેનું શાનદાર પ્રદર્શન રહ્યું હતું. છેલ્લી ચાર મેચમાં શ્રેયસે એક પછી એક જોરદાર ઈનિંગ્સ રમીને હલચલ મચાવી દીધી છે. ટૂર્નામેન્ટમાં તેમણે 500થી વધુ રન બનાવ્યા છે. તેના મેદાન પરના પ્રદર્શનની સાથે, ઐયર મેદાનની બહારના કારણોસર પણ ચર્ચામાં આવ્યો છે. અય્યર સાથે એક મિસ્ટ્રી ગર્લનો ફોટો સોશિયલ મીડિયા પર વાયરલ થઈ રહ્યો છે.

ટીમ ઇન્ડિયા સાથે પણ જોવા મળી મિસ્ટ્રી ગર્લ 

હાલ સોશિયલ મીડિયામાં વાઈરલ મિસ્ટ્રી ગર્લ ટીમ ઇન્ડિયાની મેચો દરમ્યાન સ્ટેડીયમમાં પણ જોવા મળી હતી. જેમાં તે રોહિત શર્માની પત્ની રીતિકા સાથે બેઠેલી જોવા મળી હતી. આ સિવાય ટીમ ઇન્ડીયાના દિવાળી સેલિબ્રેશનમાં પણ આ મિસ્ટ્રી ગર્લ જોવા મળી હતી. તે ગ્રુપ ફોટોમાં શ્રેયસ અય્યર સાથે ઉભેલી જોવા મળી હતી. તેમજ શ્રેયસ અય્યર સાથે ડીનર પર પણ તે જોવા મળી હતી. આ પરથી એવા અનુમાન લગાવવામાં આવે છે કે તે શ્રેયસ અય્યરની ગર્લફ્રેન્ડ છે. 

આખરે કોણ છે આ મિસ્ટ્રી ગર્લ?

રિપોર્ટ્સ અનુસાર આ મિસ્ટ્રી ગર્લનું નામ ત્રિશા કુલકર્ણી હોવાનું કહેવાય છે. તે લાઈમલાઈટથી દુર રહે છે અને તેનું ઇન્સ્ટાગ્રામ એકાઉન્ટ પણ પ્રાઇવેટ છે. આથી તેના વિષે વધુ માહિતી મળી શકતી નથી. પરંતુ તેને શ્રેયસ અય્યર પણ ફોલો કરે છે અને અય્યરની બહેન શ્રેષ્ઠા પણ તેને ફોલો કરે છે. આ સિવાય થોડા દિવસો પહેલા બંને  શાર્દુલ ઠાકુર અને તેની પત્ની સાથે ડિનર કરતા જોવા મળે છે. જેના કારણે બંનેના રિલેશનશિપની વાતો થઇ રહી છે.