T20ની એક જ ઈનિંગમાં 344 રન, એક સાથે 10 રેકોર્ડ સર્જાયા, ટીમ ઈન્ડિયા પણ થઈ પાછળ

Gambia vs Zimbabwe T20I: ઝિમ્બાબ્વેએ 23 ઓક્ટોબરે T20 ક્રિકેટમાં સૌથી મોટા સ્કોરનો રેકોર્ડ તોડ્યો હતો, જ્યારે તેણે ગામ્બિયા સામે T20 ઇતિહાસમાં સૌથી મોટી જીત પણ નોંધાવી હતી.  મેન્સ ટી20 વર્લ્ડ કપ આફ્રિકા સબ રિજનલ ક્વોલિફાયર ટુર્નામેન્ટમાં ઝિમ્બાબ્વેએ ગામ્બિયા સામે 4 વિકેટે 344 રન બનાવ્યા હતા. 

ઉલ્લેખનીય છે કે ટીમ ઈન્ડિયા હવે આ યાદીમાં ત્રીજા ક્રમે આવી ગઈ છે. બાંગ્લાદેશ સામે ટીમ ઈન્ડિયાએ તાજેતરમાં જ 297 રનનો વિશાળ સ્કોર નોંધાવ્યો હતો. જ્યારે બીજા ક્રમે નેપાળની ટીમ આવી ગઈ છે જેણે 314 રનનો મસમોટો સ્કોર બનાવીને રેકોર્ડ બનાવ્યો હતો. જે હવે તૂટી ગયો છે.

નેપાળનો રેકોર્ડ તોડ્યો 

આ દરમિયાન સિકંદર રઝાએ માત્ર 33 બોલમાં સદી ફટકારી હતી. જે આ ફોર્મેટમાં ઝિમ્બાબ્વે તરફથી પ્રથમ સદી હતી. રઝાએ 15 છગ્ગા ફટકારીને 133 રન બનાવ્યા બાદ અણનમ રહ્યું હતું. આ મેચમાં ઝિમ્બાબ્વેએ વધુ 12 સિક્સર ફટકારીને રેકોર્ડ સર્જાયો હતો. અત્યાર સુધી આ રેકોર્ડ નેપાળના નામે હતો, જેણે એક ઇનિંગમાં સૌથી વધુ સ્કોર (314) અને સૌથી વધુ સિક્સર (26) હતી. બદલામાં, ગામ્બિયા 54 રનમાં આઉટ થઈ ગયું, આમ ઝિમ્બાબ્વેએ T20માં તેની અત્યાર સુધીની સૌથી મોટી જીત (રનોની દ્રષ્ટિએ) નોંધાવી હતી.

57 ચોગ્ગા ફટકારીને ટી20 રેકોર્ડ સર્જ્યો 

બુધવારે નૈરોબીના રુઆરકા સ્પોર્ટ્સ ક્લબ ગ્રાઉન્ડમાં રમાયેલી આ મેચમાં પાવરપ્લે સમાપ્ત થાય તે પહેલા જ ઝિમ્બાબ્વેએ સેન્ચુરી ફટકારી દીધી હતી. સિકંદર રઝાએ તેની ઈનિંગમાં કુલ 57 ચોગ્ગા માર્યા હતા, જે ટી20 રેકોર્ડ પણ છે.

ઝિમ્બાબ્વેના ચાર બેટરે પચાસથી વધુ રન બનાવ્યા

આમાં ઝિમ્બાબ્વેના ચાર બેટરે પચાસથી વધુ રન બનાવ્યા, આ પણ બીજો રેકોર્ડ હતો. બ્રાયન બેનેટે 26 બોલમાં 50 રન અને ક્લાઇવ મેન્ડેન્ડે 17 બોલમાં 53 રન ઇનિંગના છેલ્લા બોલ પર સિક્સર ફટકારીને આઉટ કર્યા હતા.

સિકંદર રઝાએ T20I ક્રિકેટમાં બીજી સૌથી ઝડપી સેન્ચુરી ફટકારી

આ મેચનો સૌથી મોટો સ્ટાર સિકંદર રઝા હતો, તે સાતમી ઓવરના અંતે બેટિંગ કરવા આવ્યો હતો, જ્યારે પાવર પ્લે પૂરો થયો હતો અને ફિલ્ડિંગ પણ ફેલાઈ ગઈ હતી, પરંતુ તેનાથી તેને કોઈ ફરક પડ્યો ન હતો. તેણે ત્રીજા બોલ પર જ સિક્સર ફટકારી અને પછી તેનું બેટ રન મશીન બની ગયું, આ દરમિયાન સિકંદર રઝાએ T20I ક્રિકેટમાં બીજી સૌથી ઝડપી સેન્ચુરી પણ ફટકારી. જે 33 બોલમાં જ ફટકારી હતી. 

સિકંદર રઝાએ ફેબ્રુઆરી 2024માં નેપાળ સામે નામીબિયા માટે જોન નિકોલ લોફ્ટી-ઈટનના રેકોર્ડની બરોબરી કરી હતી. T20 ઈન્ટરનેશનલમાં સૌથી ઝડપી સેન્ચુરી ફટકારવાનો રેકોર્ડ સાહિલ ચૌહાણના નામે છે, જેણે એસ્ટોનિયા vs સાયપ્રસ વચ્ચેની મેચમાં માત્ર 27 બોલમાં આ સિદ્ધિ હાંસલ કરી હતી.

મુસા જોરબાતેહ T20માં સૌથી વધુ રન બનાવનાર ખેલાડી 

ગામ્બિયા આફ્રિકા ખંડનો સૌથી નાનો દેશ છે, જે પશ્ચિમમાં સ્થિત છે. તે ઝિમ્બાબ્વેની ઇનિંગ્સ પર બ્રેક લગાવી શક્યો ન હતો. મુસા જોરબાતેહ ચાર ઓવરમાં 93 રન ફટકારીને T20માં સૌથી વધુ રન બનાવનાર ખેલાડી બન્યો હતો. તે પોતાના સ્પેલમાં 50 કે તેથી વધુ રન આપનાર પાંચ બોલરોમાંથી એક હતો. ગામ્બિયા હજુ પણ આફ્રિકા સબ રિજનલ ક્વોલિફાયર્સમાં તેની પ્રથમ જીતની શોધમાં છે.

આ પણ વાંચો: યુવરાજ સિંહ વિવાદમાં ફસાયો, બ્રેસ્ટ કેન્સર વિશે જાગૃતિ ફેલાવતી વખતે લગાવ્યા ચોંકાવનારા પોસ્ટરો

ગામ્બિયા vs ઝિમ્બાબ્વે આંતરરાષ્ટ્રીય મેચમાં 10 મોટા રેકોર્ડ બનાવ્યા

344 - T20 ક્રિકેટમાં ટીમનો હાઈએસ્ટ સ્કોર

290 - T20 મેચમાં સૌથી વધુ માર્જિનથી વિજય

27 - T20 ઇનિંગ્સમાં સૌથી વધુ સિક્સર

30 – T20 ઇનિંગ્સમાં સૌથી વધુ ચોગ્ગા (સંયુક્ત રીતે)

57 - T20 ઇનિંગ્સમાં સૌથી વધુ બાઉન્ડ્રી

4 - T20 ઇનિંગ્સમાં 50થી વધુનો સર્વોચ્ચ સ્કોર

33 – T20માં બીજી સૌથી ઝડપી સદી (સિકંદર રઝા, 33 બોલમાં)

17 - T20I માં સૌથી વધુ પ્લેયર ઓફ ધ મેચ પુરસ્કાર (સિકંદર રઝા)

93 – T20 ઇનિંગ્સમાં બોલર દ્વારા આપવામાં આવેલા સૌથી વધુ રન (મુસા જોરબાતેહ)

5 - T20 ઇનિંગ્સમાં 50 થી વધુ રન આપનાર સૌથી વધુ બોલરો