VIDEO : કોહલીની RCBની ઠેકડી ઉડાડી ભારતીય સ્પીનરે, કહ્યું - 'તમને તો ટ્રોફીની જરૂર છે...'

Kuldeep Yadav on RCB : આગામી IPL 2025ની શરુઆત 21 માર્ચથી થશે. આ IPLની સિઝનમાં કુલદીપ યાદવ દિલ્હી કેપિટલ્સની ટીમ તરફથી રમતો જોવા મળશે. ફ્રેન્ચાઇઝીએ તેને રિટેન કર્યો હતો. બોર્ડર-ગાવસ્કર ટ્રોફીમાંથી બહાર રહ્યા બાદ હવે કુલદીપને આગામી ચેમ્પિયન્સ ટ્રોફી માટે ભારતીય ટીમમાં સામેલ કરવામાં આવ્યો છે.

ચાહકે પૂછ્યો અનોખો સવાલ

આ દરમિયાન કુલદીપ યાદવનો એક વીડિયો ખૂબ વાયરલ થઈ રહ્યો છે. જેમાં તેણે ટ્રોલ કરી રેહેલા એક ચાહકને જડબાતોડ જવાબ આપ્યો હતો. હકીકતમાં રોયલ ચેલેન્જર્સ બેંગલુરુ(RCB)ના મેનેજમેન્ટનને લઈને ચાહકે સવાલ પૂછ્યો હતો કે, 'કુલદીપભાઈ RCBમાં આવી જાઓ, એક ગોલકીપરની જરૂર છે.'    

આ પણ વાંચો : રન બનાવે તેને જ ટીમમાં નથી લેતા... ટીમ ઈન્ડિયાના સિલેક્ટર્સ પર ભડક્યો હરભજન સિંહ

કુલદીપે આપ્યો જડબાતોડ જવાબ

આ પછી કુલદીપે આપેલા જવાબને સાંભળીને હાજર વ્યક્તિ પણ હસવા માંડ્યો હતો. કુલદીપે વળતો જવાબ આપતાં કહ્યું હતું કે,' તમને તો ગોલકીપરની નહીં, ટ્રોફીની જરૂરત છે મારા ભાઈ, ગોલકીપરનું તું શું કરીશ?' કુલદીપ યાદવનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. RCBની ટીમ ત્રણ વખત(વર્ષ 2016, 2011, 2009) IPLની ફાઇનલમાં પહોંચી હતી. જે તેમનું અત્યાર સુધીનું સર્વશ્રેષ્ઠ પ્રદર્શન રહ્યું છે.