હવે તો પાક્કું થઈ ગયું! જાસ્મિનના બિકિનીવાળા ફોટોમાં લોકોએ શોધી કાઢી હાર્દિકની નિશાની

Jasmin walia Hardik pandya photo: ભારતીય ક્રિકેટર હાર્દિક પંડયાના નતાશા સ્ટેન્કોવિકથી છૂટા પડ્યાની જાહેરાત બાદ બરોડાના ક્રિકેટર અને બ્રિટિશ સિંગર અને ટેલિવિઝન આર્ટિસ્ટ જાસ્મિન વાલિયા એકબીજાને ડેટ કરી રહ્યા હોવાની ચર્ચા સોશિયલ મીડિયામાં શરૂ થઈ છે. હવે જાસ્મિનના એક ફોટોના કારણે આ ચર્ચાએ જોર પકડયું છે.

એક રીતે કહીએ તો જાસ્મિનના આ ફોટોએ પુષ્ટિ કરી છે કે તે હાર્દિક પંડ્યાને ડેટ કરી રહી છે ભારતીય ક્રિકેટ સ્ટાર હાર્દિક પંડ્યાએ તેની પત્ની નતાશા સ્ટેનકોવિકથી અલગ થવાની જાહેરાત કર્યાના એક મહિના પછી બ્રિટિશ સિંગર જાસ્મિન વાલિયા સાથે ડેટિંગની અને વિદેશમાં ટુર પર હોવાની અફવાઓ સોશિયલ મીડિયામાં લોકોનું ધ્યાન ખેંચી રહી છે.

હાર્દિક અને જાસ્મિન ગ્રીસમાં એકસાથે વેકેશન માણી રહ્યા હોવાની ચર્ચા શરૂ થયા પછી નેટીઝન્સની અંદરનો એસીપી પ્રદ્યુમન જાગી ઉઠ્યો છે. એકસરખા લાગતાં બંનેના ફોટાઓ દેખીતી રીતે પુષ્ટિ કરે છે કે તેઓ કોઈ એક જ સ્થળે પહોંચ્યા છે. આટલું જ નહીં લોકોની નજર હજુ તેજ ચાલી રહી છે.

હવે એક Reddit પોસ્ટમાં દાવો કરવામાં આવ્યો છે કે જાસ્મિન દ્વારા શેર કરાયેલ ફોટામાં હાર્દિકનો ટેટૂવાળો હાથ દેખાયો હતો. હાલમાં વાયરલ થયેલા ફોટામાં, જાસ્મિન સેલ્ફી લેતી વખતે બિકીનીમાં જોવા મળી હતી. ફોટોમાં હાર્દિકના હાથની જેમ જ ટેટૂ કરાયેલ હાથ પણ દેખાઈ રહ્યો  હતો. 

જો કે હજુ આ ફોટોની સત્યતા ચકાસી શકાય એમ ન હોવાથી ચોક્કસ રીતે ન કહી શકાય કે આ હાથ હાર્દિકનો જ છે. જો કે, આ ફોટોએ માઇક્રોબ્લોગિંગ સાઇટ પર તોફાન મચાવી દીધું છે, ચાહકો તેને એક પુરાવા તરીકે માને છે કે આ જોડી ડેટિંગ કરી રહી છે. 

થોડા દિવસ પહેલા જ જાસ્મિન અને હાર્દિક પંડ્યાએ ઇન્સ્ટાગ્રામમાં શેર કરેલ ફોટોઝ અને વીડિયોઝમાં એકસરખો પુલ અને ગ્રીસનું બેકગ્રાઉન્ડ દેખાતા લોકોએ સોશિયલ મીડિયા પર બંનેના ડેટિંગ અંગેની ચર્ચાઓ શરૂ દીધી હતી. હાર્દિક સાથે છૂટાછેડાની જાહેરાત બાદ નતાશા બંનેના દીકરા અગત્સ્યને લઈને પોતાના વતન સર્બિયા પહોંચી ગઈ છે. તેણે પણ અગત્સ્યના જન્મદિવસ પર બંનેના ફોટોઝ શેર કર્યા હતા.