IPL મેગા ઓક્શનમાં 17 દેશોના 1574 ખેલાડીઓ, કેટલાની ચમકશે કિસ્મત? જાણો ઓક્શનની તમામ માહિતી

Updated: Nov 5th, 2024

‌

IPL મેગા ઓક્શનમાં 17 દેશોના 1574 ખેલાડીઓ, કેટલાની ચમકશે કિસ્મત? જાણો ઓક્શનની તમામ માહિતી 1 - image

IPL-2025 Mega Auction : આઈપીએલ 2025ના મેગા ઓક્શનની જાહેરાત કરી દેવામાં આવી છે. ગત વર્ષે સંયુક્ત આરબ અમીરાત (UAE)ના દુબઈમાં મિની ઓક્શનમાં આયોજન કરવામાં આવ્યું હતું, ત્યારે ભારતીય ક્રિકેટ કંટ્રોલ બોર્ડ (BCCI)એ આ વખતે સાઉદી અરેબિયાના જેદ્દામાં મેગા ઓક્શન યોજવાની જાહેરાત કરી છે. દર વર્ષની જેમ આ વખતે પણ બે દિવસ મેગા ઓક્શન યોજાશે. બીસીસીઆઈની જાહેરાત મુજબ 24 અને 25મી નવેમ્બરના રોજ ઓક્શન યોજાશે. આઈપીએલ-2025 માટે ભારત સહિત 17 દેશોના કુલ 1574 ખેલાડીઓએ રજીસ્ટ્રેશન કરાવ્યું છે, જેમાંથી 204 ખેલાડીઓની જ કિસ્મત ચમકશે.

ઓક્શનમાં કેટલા ભારતીયો અને કેટલા વિદેશી ખેલાડીઓ

બીસીસીઆઈએ મંગળવારે (5મી નવેમ્બર) મેગા ઓક્શન અંગેની તમામ વિગતોની જાહેરાત કરી છે. આઈપીએલની એક પ્રેસ રિલિઝમાં કહેવાયું છે કે, તા.24 અને 25 નવેમ્બરના રોજ જેદ્દામાં મેગા ઓક્શન યોજાશે. ખેલાડીઓ દ્વારા રજીસ્ટ્રેશન કરાવવાની તારીખ ચોથી નવેમ્બર હતી, ત્યારબાદ બીસીસીઆઈએ પાંચમી નવેમ્બર એટલે કે આજે આ જાહેરાત કરી છે. ઓક્શનમાં 1165 ભારતીય ખેલાડીઓ અને 409 વિદેશી ખેલાડીઓ સહિત કુલ 1574 ખેલાડીઓ ભાગ લેશે.

આ પણ વાંચો : ક્રિકેટ રસિયાઓ માટે ખુશખબર... IPL-2025 માટે ઓક્શનની તારીખ જાહેર, જાણો ક્યાં અને ક્યારે યોજાશે

કેપ્ડ અને અનકેપ્ડ ખેલાડીઓનું ગણિત

આ વખતે 1574 ખેલાડીઓએ ઓક્શન માટે રજીસ્ટ્રેશન કરાવ્યું છે, જેમાંથી 320 ‘કેપ્ડ પ્લેયર્સ’ છે. ‘કેપ્ડ પ્લેયર્સ’ કોને કહેવાય, તે અંગે વાત કરીએ તો જે ખેલાડીએ ઈન્ટરનેશનલ ક્રિકેટ રમેલી હોય છે, તેને કેપ્ડ ખેલાડી કહેવામાં આવે છે. આવી જ રીતે જે ખેલાડીઓએ ઈન્ટરનેશનલ મેચોમાં ડેબ્યૂ કર્યું નથી, તેમને ‘અનકેપ્ડ પ્લેયર્સ’ કહેવામાં આવે છે. આ વખતના ઓક્શનમાં 1224 અનકૈપ્ડ ખેલાડીઓ ભાગ લેશે. આ ઉપરાંત યુએઈ, અમેરિકા, સ્કોટલેન્ડ, નેધરલેન્ડ, કેનેડા અને ઈટાલીમાંથી એસોસિએટ ટીમના 30 ખેલાડીઓ પણ ભાગ લેશે.

ભારતના કુલ 48 કેપ્ડ પ્લેયર્સ અને 965 અનકેપ્ડની હરાજી થશે

આઈપીએલની સત્તાવાર જાહેરાત મુજબ ઓક્શનમાં ભારતના 965 અનકેપ્ડ પ્લેયર્સ અને 48 કેપ્ડ પ્લેયર્સ સહિત કુલ 1013 ખેલાડીઓની હરાજી કરવામાં આવશે. આમાંથી 152 અનકેપ્ડ ખેલાડીઓ અગાઉ આઈપીએલ રમી ચુક્યા છે. આ ઉપરાંત 275 ઈન્ટરનેશનલ કેપ્ડ પ્લેયર્સ અને અગાઉ આઈપીએલ રમી ચુકેલા ત્રણ ઈન્ટરનેશનલ અનકેપ્ડ પ્લેયર્સ સહિત કુલ 104 ખેલાડીની પણ હરાજી થશે.

આ પણ વાંચો : ધોનીને ભલે રિટેન કર્યો હોય પણ તે બધી મેચમાં નહીં રમે, રિકી પોન્ટિંગનો દાવો

ઓક્શનમાં કયા દેશના સૌથી વધુ ખેલાડીઓ ?

દક્ષિણ આફ્રિકા - 91
ઓસ્ટ્રેલિયા - 76
ઈંગ્લેન્ડ - 52
ન્યુઝીલેન્ડ - 39
વેસ્ટ ઈન્ડિઝ - 33
અફઘાનિસ્તાન - 29
શ્રીલંકા - 29
બાંગ્લાદેશ - 13
નેધરલેન્ડ - 12
યુએસએ (અમેરિકા) - 10
આયર્લેન્ડ - 9
ઝિમ્બાબ્વે - 8
કેનેડા - 4
સ્કોટલેન્ડ - 2
ઇટાલી - 1
યુએઈ - 1

10 ફ્રેન્ચાઇઝીએ 46 ખેલાડીઓને રિટેન રાખ્યા

ઉલ્લેખનીય છે કે, IPL-2025ની 18મી સિઝન માટે 31મી ઓક્ટોબરના રોજ તમામ 10 ટીમોએ તેમના રિટેન અને રિલીઝ થયેલા ખેલાડીઓની યાદી જાહેર કરી દીધી છે. આ વર્ષનું મેગા ઓકશન ખૂબ મહત્ત્વપૂર્ણ રહેવાનું છે. જેમાં રિષભ પંત, કેએલ રાહુલ, શ્રેયસ અય્યર અને અર્શદીપ સિંહ જેવા ભારતના સ્ટાર ખેલાડીઓ ભાગ લેશે. 10 ફ્રેન્ચાઇઝીસ પાસે 204 સ્લોટ માટે ખર્ચ કરવા માટે સામૂહિક રીતે 641.5 કરોડ રૂપિયા હશે. આ 204 સ્લોટમાંથી 70 વિદેશી ખેલાડીઓ માટે નિર્ધારિત રાખવામાં આવ્યા છે. અત્યાર સુધીમાં 10 ફ્રેન્ચાઇઝીએ 46 ખેલાડીઓને રિટેન રાખ્યા છે.

આ પણ વાંચો : તો રોહિત શર્મા સંન્યાસ લઈ લેશે, જોકે વિરાટ પાસે હજુ સમય છે: ભારતના દિગ્ગજ ક્રિકેટરની ભવિષ્યવાણી

10 ફ્રેન્ચાઇઝીએ રિટેન કરેલા ખેલાડીઓની યાદી

ગુજરાત ટાઇટન્સ