IND vs BAN: બુમરાહ, કુલદીપ અને પંડ્યાને પછાડી આ 24 વર્ષના ખેલાડીએ રચ્યો ઈતિહાસ

Ravi Bishnoi : ભારતીય ક્રિકેટ ટીમના યુવા સ્પિનર ​​રવિ બિશ્નોઈને બાંગ્લાદેશ સામેની ત્રીજી T20 મેચમાં પ્લેઈંગ 11માં તક આપવામાં આવી હતી. અર્શદીપ સિંહની જગ્યાએ રવિ બિશ્નોઈને ટીમમાં સ્થાન આપવામાં આવ્યું હતું. બિશ્નોઈએ પણ શાનદાર પ્રદર્શન કરતા 4 ઓવરમાં 30 રન આપીને સૌથી વધુ 3 વિકેટ ઝડપી હતી.

5⃣0⃣ wickets and counting in T20Is for Ravi Bishnoi! 👏👏

Bangladesh 116/4 in the 13th over of the chase

Live - https://t.co/ldfcwtHGSC#TeamIndia | #INDvBAN | @IDFCFIRSTBank pic.twitter.com/AL2v1jlSJj

— BCCI (@BCCI) October 12, 2024

આ સાથે જ બિશ્નોઈએ પોતાની T20I કારકિર્દીમાં 50 વિકેટ પૂરી કરી લીધી હતી. તેણે મેળવેલી આ સિદ્ધિ સાથે જ ઈતિહાસ રચી દીધો હતો. બિશ્નોઈ હવે T20Iમાં 50 વિકેટ લેનાર ભારતનો સૌથી યુવા બોલર બની ગયો છે. તેણે આ સિદ્ધિ 24 વર્ષ અને 37 દિવસની ઉંમરમાં હાંસલ કરી છે.

આ પણ વાંચો : સંજુ સેમસને એ કરી બતાવ્યું જે ધોની-પંત પણ ના કરી શક્યા, બન્યો પ્રથમ ભારતીય વિકેટકીપર

આ સાથે જ રવિ બિશ્નોઈએ અર્શદીપ સિંહનો રેકોર્ડ તોડી નાખ્યો છે. અર્શદીપે આ કારનામું 24 વર્ષ અને 196 દિવસની ઉંમરમાં T20Iમાં 50 વિકેટ પૂરી કરીને કર્યું હતું. આ પછી જસપ્રિત બુમરાહનું નામ છે. બુમરાહે 25 વર્ષ અને 80 દિવસની ઉંમરમાં 50 T20I વિકેટ પૂરી કરી હતી. હાર્દિક પંડ્યાએ 28 વર્ષ અને 295 દિવસમાં આ રેકોર્ડ બનાવ્યો હતો.