પાકિસ્તાની બોલરના વર્તન પર ભડક્યો ભારતીય બેટર, મેચમાં થઈ જોરદાર બબાલ

Abhishek Sharma Fumed Over Sufyan Mukim : T20 ઇમર્જિંગ ટીમ્સ એશિયા કપ 2024માં ભારતીય ટીમે પાકિસ્તાનને રોમાંચક મેચમાં 7 રનથી હરાવ્યું હતું. મેચમાં ભારત A ટીમે પહેલા બેટિંગ કરીને 183 રન બનાવ્યા હતા. લક્ષ્યનો પીછો કરતા જે બાદ પાકિસ્તાનની ટીમ 176 રન જ કરી શકી હતી. આ મેચમાં ભારત માટે કેપ્ટન તિલક વર્માએ 44 રન બનાવ્યા હતા. જ્યારે અંશુલ કંબોજે 3 વિકેટ લઈને ભારત માટે જીતનો પાયો નાખ્યો હતો. આ મેચ દરમિયાન ભારતના અભિષેક શર્મા અને પાકિસ્તાન A ટીમના બોલર સુફિયાન મુકીમ વચ્ચે બોલાચાલી થઈ હતી.

SUFIYAN MUQEEM ASKED ABHISHEK SHARMA TO LEAVE THE GROUND 🥶

ABHISHEK COMPLAINED TO THE UMPIRE. IT IS GETTING HEATED IN OMAN 🇮🇳🇵🇰🔥#EmergingAsiaCup2024 #INDvPAK pic.twitter.com/mkArOj2N7h

— Muhammad Noman (@Nomancricket29) October 19, 2024

હકીકતમાં ભારતીય ટીમ જ્યારે પહેલા બેટિંગ કરવા ઉતરી ત્યારે અભિષેક શર્માએ પાકિસ્તાની બોલરો સામે જબદસ્ત પ્રદર્શન કર્યું હતું. શર્માએ 22 બોલમાં 35 રનની શાનદાર ઈનિંગ રમી હતી. પાકિસ્તાની બોલર સુફિયાન મુકિમે પોતાની પહેલી ઓવરના પહેલા બોલ પર અભિષેકને આઉટ કર્યો હતો. આઉટ થયા બાદ પાકિસ્તાની બોલરે અભિષેક તરફ જોયું અને તેને પેવેલિયન જવાનો ઈશારો કર્યો હતો. જેને જોઈને અભિષેક ગુસ્સે થઈ ગયો હતો. અને પાકિસ્તાની બોલર સામે લડવા તૈયાર થઈ ગયો હતો.

આ પણ વાંચો : IND vs NZ: ન્યૂઝીલેન્ડ સામે ટેસ્ટ મેચમાં ક્યાં થઈ ચૂક? જાણો હારના પાંચ મુખ્ય કારણ

ત્યારબાદ અભિષેક અને પાકિસ્તાની સ્પિનર ​​વચ્ચે લાંબી દલીલ થઈ હતી. જેને લઈને અમ્પાયરે હસ્તક્ષેપ કરીને બંને ખેલાડીઓને શાંત પાડ્યા હતા. અભિષેક અને સુફિયાન મુકીમ વચ્ચેની ચર્ચાએ પણ ક્રિકેટ ચાહકોને જૂની યાદો તાજી કરી દીધી હતી. કે જ્યારે પાકિસ્તાન અને ભારતના ખેલાડીઓ ક્રિકેટના મેદાન પર એકબીજા સામે જુસ્સાથી રમતા હતા. હવે ભારત અને પાકિસ્તાનના યુવા ખેલાડીઓએ ફરી એકવાર મેદાન પર તે હરીફાઈને જીવંત કરી દીધી છે.