VIDEO : જયસ્વાલને માથા પર માર્યો બોલ, બે ચોગ્ગા ખાધા બાદ કાંગારૂ બોલરે દાઝ કાઢી

IND vs AUS, Yashasvi Jaiswal Video: ભારત અને ઓસ્ટ્રેલિયા વચ્ચે પાંચ મેચની ટેસ્ટ સિરીઝની બીજી મેચ 6 ડિસેમ્બરથી એડિલેડમાં પિંક બોલથી રમાશે. આ પહેલા ટીમ ઈન્ડિયાએ પિંક બોલથી રમાયેલી પ્રેક્ટિસ મેચમાં ઓસ્ટ્રેલિયાની પ્રાઈમ મિનિસ્ટર XIને છ વિકેટથી હરાવ્યું હતું. પરંતુ આ મેચ દરમિયાન ભારતીય ટીમના યુવા ઓપનિંગ બેટર યશસ્વી જયસ્વાલ અને ફાસ્ટ બોલર જેક નિસ્બેટ વચ્ચે ઉગ્ર બોલાચાલી થઈ હતી. 

જયસ્વાલને માથા પર માર્યો બોલ

ઇનિંગ્સની છઠ્ઠી ઓવર ઓસ્ટ્રેલિયન પીએમ XI માટે જેક નિસ્બેટે ફેંકી હતી. તે સમયે ભારત તરફથી યશસ્વી જયસ્વાલ બેટિંગ કરી રહ્યો હતો. તેણે પહેલા અને બીજા બોલ પર ચોગ્ગા ફટકાર્યા હતા. આ પછી, ત્રીજો બોલ ડોટ રહ્યો અને પછી બોલર નિસ્બેતે ચોથો બોલ ફેંક્યો જે થોડો હિટ હતો. 

Yashasvi Jaiswal Vs Jack Nisbet. 🌟 pic.twitter.com/JrzE4HHkTf

— Mufaddal Vohra (@mufaddal_vohra) December 1, 2024

બોલની સ્પીડ વધુ હતી અને જયસ્વાલ તેને યોગ્ય રીતે જજ કરી શક્યો નહિ. તેણે પોતાનું સંતુલન ગુમાવ્યું અને બોલ તેના હેલ્મેટ પર વાગ્યો. આ પછી જેક નિસ્બેટ થોડીવાર તેની સામે જોતો રહ્યો. જોકે, જયસ્વાલને કોઈ ઈજા થઈ ન હતી અને તે ફરીથી બેટિંગ કરવા માટે તૈયાર હતો. હવે તેનો વીડિયો સોશિયલ મીડિયા પર વાયરલ થઈ રહ્યો છે.

પ્રેક્ટિસ મેચમાં 45 રન બનાવ્યા

યશસ્વી જયસ્વાલે ઓસ્ટ્રેલિયા પીએમ XI સામે શાનદાર બેટિંગ કરી હતી. ત્યારબાદ તેણે 59 બોલ રમીને કુલ 45 રન બનાવ્યા જેમાં 9 ચોગ્ગા સામેલ હતા. જયસ્વાલ છેલ્લા કેટલાક સમયથી શાનદાર ફોર્મમાં છે અને ટીમ ઈન્ડિયા માટે ઘણા રન બનાવી રહ્યો છે. તેણે ઓસ્ટ્રેલિયા સામેની પ્રથમ ટેસ્ટ મેચમાં 161 રનની ઇનિંગ રમી હતી અને ટીમને મેચ જીતવામાં મદદ કરવામાં મહત્વની ભૂમિકા ભજવી હતી.

આ પણ વાંચો: ભારત-ઓસ્ટ્રેલિયા ટેસ્ટ સીરીઝ વચ્ચે દુઃખદ સમાચાર, પૂર્વ ઑસ્ટ્રેલિયન ખેલાડીનું નિધન

હર્ષિત રાણાએ ચાર વિકેટ લીધી

પ્રેક્ટિસ મેચ પણ પિંક બોલથી રમાઈ હતી, જેમાં હર્ષિત રાણાએ અદભૂત બોલિંગ કરી હતી. તેણે ચાર વિકેટ ઝડપી હતી. આ સિવાય આકાશ દીપે બે વિકેટ ઝડપી હતી. બેટિંગમાં યશસ્વી જયસ્વાલ સિવાય, શુભમન ગિલે 50 રનની શાનદાર ઇનિંગ રમી હતી. નીતીશ રેડ્ડી અને વોશિંગ્ટન સુંદરે 42-42 રનબનાવ્યા હતા. ટીમ ઈન્ડિયાએ 46 ઓવરની બેટિંગ કરીને 257 રન બનાવ્યા હતા.