ટીમ ઈન્ડિયાને લાગ્યો ઝટકો, અક્ષર પટેલ રાજકોટ વનડેથી બહાર, અશ્વિનની વર્લ્ડ કપમાં થશે એન્ટ્રી?

તા. 25 સપ્ટેમ્બર 2023, સોમવાર

અક્ષર પટેલ (Akshar patel) ઓસ્ટ્રેલિયા (ind vs aus) સામે અને છેલ્લી વનડે (ODI)માં નહીં રમે. ક્રિકબઝના રિપોર્ટ પ્રમાણે ભારતના સ્ટાર ઓલરાઉન્ડર અક્ષર પટેલ ડાબા ક્વાડ્રિસેપ્સમાં ખેંચાણ આવવાથી પીડિત છે. તેને રાજકોટમાં વનડે માટે શરતી પસંદગી કરવામાં આવ્યો હતો. પરંતુ ટીમમાં સામેલ કરવા માટે તે સંપૂર્ણ રીતે ઠીક નહોતો. તે હાલમાં બેંગ્લોરમાં રાષ્ટ્રીય ક્રિકેટ એકાદમી (NCA)માં સારવાર હેઠળ છે. ક્વાડ્રિસેપ્સની એથ્લેટ્સ પર ઈજાઓ થઈ હતી. જેમાં સ્નાયુઓમાં ખેંચાણ આવવાની સંભાવના રહેલી છે. 

અશ્વિને પહેલા બે એકદિવસીય મેચમાં કર્યુ હતું શાનદાર પ્રદર્શન

ડાબા હાથમાં સ્પિનર અક્ષર પટેલની જગ્યા પર હવે ઓસ્ટ્રેલિયાની સામે વનડે સીરીઝ માટે રવિચંદ્રન અશ્વિનને વિશ્વ કપ 2023 માં સમાવેશ કરવામાં આવે તેવી સંભાવના જોવા મળી રહી છે. અશ્વિને પહેલા બે એકદિવસીય મેચમાં શાનદાર પ્રદર્શન કર્યુ હતું. અશ્વિને અત્યાર સુધી 2 મેચમાં 4 વિકેટ લીધી છે. તેણે પોતાની બોલિંગથી ઓસ્ટ્રેલિયાના બેસ્ટમેનોને હેરાન કરી દીધા હતા. ખાસ કરીને ઈન્દોરમાં એક દિવસીય મેચમાં તેનું જોરદાર પ્રદર્શન રહ્યુ હતું. 

રવિચંદ્રનને ટીમમાં સામેલ કરવાની ઉઠી હતી માંગ

તેનાથી રવિચંદ્રન અશ્વિનને ભારતની વિશ્વ કપ ટીમમાં સામેલ કરવાની માંગ ઉઠી હતી. જો કે, વેબસાઈટમાં ભારતીય ક્રિકેટ કંટ્રોલ બોર્ડ (BCCI) સાથે જોડાયેલ સુત્રો દ્વારા કહેવામાં આવ્યું કે અક્ષર પટેલ વિશ્વ કપમાં ભાગ લેવા માટે સમયથી પહેલા ભારતીય ટીમમાં વાપસીની રાહ પર હતા. રિપોર્ટ પ્રમાણે અક્ષર પટેલ વિશ્વ કપના અભ્યાસ માટે તૈયાર કરવામાં આવ્યો છે. તેનાથી અજીત અગરકર એન્ડ કંપની ગંભીર દુવિધામાં પડી શકે છે. જો કે, આ લેવલે અશ્વિનની સંભાવના આશાજનક લાગી રહી છે. 

બ્રેકિંગ ન્યૂઝ, મહત્વની ખબરો અને રસપ્રદ Video માટે જોઈન કરો ગુજરાત સમાચારની WHATSAPP CHANNEL. જોઈન કર્યા બાદ Bell Icon ખાસ ઓન કરજો, જેથી તમને મહત્વની Notification મળતી રહે.