ઓસ્ટ્રેલિયન ધરતી પર સદી ફટકારી જયસ્વાલે રેકોર્ડબૂક હચમચાવી, કાંગારૂ બોલર્સના પરસેવા છૂટ્યાં

IND Vs AUS 1st Test Day 3 And Yashasvi Jaiswal First Hundred: ભારતીય ટીમના સ્ટાર ઓપનર યશસ્વી જયસ્વાલે પર્થ ટેસ્ટમાં સદી ફટકારી. ઓસ્ટ્રેલિયાની ધરતી પર આ તેની પ્રથમ સદી છે. આ સદી સાથે તેણે કેટલાક રેકોર્ડ પણ બનાવ્યા. ભારતીય ટીમની બીજી ઇનિંગમાં યશસ્વી જયસ્વાલે સિક્સર સાથે આ સદી પૂરી કરી હતી. ટેસ્ટ ક્રિકેટમાં યશસ્વીની આ ચોથી સદી છે.

યશસ્વીએ ખાસ શૈલીમાં કરી ઉજવણી... 

પર્થ ટેસ્ટના ત્રીજા દિવસે (24 નવેમ્બર) યશસ્વી જયસ્વાલે સદી ફટકાર્યા બાદ તરત જ તેની પ્રતિષ્ઠિત શૈલીમાં ઉજવણી કરી. યશસ્વીની આ સદી 205 બોલમાં 8 ચોગ્ગા અને 3 છગ્ગાની મદદથી ફટકારી હતી. ઓસ્ટ્રેલિયાની ધરતી પર તેની પ્રથમ ટેસ્ટમાં યશસ્વી જયસ્વાલે બીજી ઈનિંગમાં સદી ફટકારીને પોતાની યોગ્યતા સાબિત કરી હતી. તેણે જોશ હેઝલવૂડના બોલ પર અપર કટ ફટકારીને શાનદાર શૈલીમાં આ સિદ્ધિ હાંસલ કરી હતી.

8 રેકોર્ડ સર્જાયા... 

22 વર્ષીય જયસ્વાલે સદી ફટકાર્યા બાદ કે.એલ. રાહુલ (77) તરત જ આઉટ થઈ ગયો હતો. પરંતુ બંનેએ ખાસ ભાગીદારીનો રેકોર્ડ પણ બનાવ્યો હતો. ઉલ્લેખનીય છે કે યશસ્વીની આ સદી સાથે 8 રેકોર્ડ સર્જાયા...

1: AUS માં 200 રન બનાવનાર ભારતની પ્રથમ ઓપનિંગ જોડી

કે.એલ. રાહુલ અને યશસ્વી જયસ્વાલ ઓસ્ટ્રેલિયામાં ટેસ્ટ ઇનિંગ્સમાં 200 રન બનાવનાર પ્રથમ ભારતીય ઓપનિંગ જોડી બની. 

ઓસ્ટ્રેલિયામાં 200થી વધુ રનની ભાગીદારી કરનાર ઓપનિંગ જોડી

323 - જેક હોબ્સ, વિલ્ફ્રેડ રોડ્સ (ઈંગ્લેન્ડ), મેલબોર્ન, 1912

283 - જેક હોબ્સ, હર્બર્ટ સટક્લિફ (ઇંગ્લેન્ડ), મેલબોર્ન, 1925

234 - બોબ બાર્બર, જ્યોફ્રી બોયકોટ (ઈંગ્લેન્ડ), સિડની, 1966

223 - બિલ એથે, ક્રિસ બ્રોડ (ઇંગ્લેન્ડ), પર્થ (WACA), 1986

203 - માઈકલ આથર્ટન, ગ્રેહામ ગૂચ (ઈંગ્લેન્ડ), એડિલેડ, 1991

201 - યશસ્વી જયસ્વાલ, કે.એલ. રાહુલ (ભારત), પર્થ (ઓપ્ટસ), 2024

SENA દેશોમાં ભારત માટે સૌથી વધુ ઓપનિંગ રન

213 - સુનીલ ગાવસ્કર, ચેતન ચૌહાણ વિ. ઈંગ્લેન્ડ, ધ ઓવલ, 1979

203 - વિજય મર્ચન્ટ, મુશ્તાક અલી વિરુદ્ધ ઈંગ્લેન્ડ, માન્ચેસ્ટર, 1936

201 - યશસ્વી જયસ્વાલ, કેએલ રાહુલ વિ ઓસ્ટ્રેલિયા, પર્થ (ઓપ્ટસ), 2024

191 - સુનીલ ગાવસ્કર, ક્રિસ શ્રીકાંત વિ ઓસ્ટ્રેલિયા, સિડની, 1986

165 - સુનીલ ગાવસ્કર, ચેતન ચૌહાણ વિ ઓસ્ટ્રેલિયા, મેલબોર્ન, 1981

2 : યશસ્વી જયસ્વાલ પ્રથમ 15 ટેસ્ટમાં 1500 રન બનાવનાર પ્રથમ એશિયન બેટ્સમેન બની ગયો છે.

3: ચેતેશ્વર પુજારા પછી, તે સૌથી ઝડપી 1500 ટેસ્ટ રન બનાવનાર બીજો ભારતીય છે. જયસ્વાલે 28 ઇનિંગ્સમાં આ સિદ્ધિ હાંસલ કરી હતી.

4: યશસ્વી જયસ્વાલ ઓસ્ટ્રેલિયામાં પોતાની પ્રથમ ટેસ્ટમાં સદી ફટકારનાર ત્રીજો ભારતીય છે.

ઓસ્ટ્રેલિયામાં પ્રથમ ટેસ્ટ સદી ફટકારનાર ભારતીય બેટ્સમેન

101 - એમ.એલ. જયસિમ્હા, બ્રિસ્બેન, 1967-68

113 - સુનીલ ગાવસ્કર, બ્રિસ્બેન, 1977-78

101* - યશસ્વી જયસ્વાલ, પર્થ, 2024

5: ઓસ્ટ્રેલિયામાં સદી ફટકારનાર તે બીજો સૌથી યુવા ભારતીય ઓપનર છે. તેણે 22 વર્ષ 330 દિવસની ઉંમરમાં આ સિદ્ધિ હાંસલ કરી હતી.

6: 23 વર્ષની ઉંમર પહેલા એક કેલેન્ડર વર્ષમાં સૌથી વધુ ટેસ્ટ સદી (ભારત)

4 - સુનીલ ગાવસ્કર 1971માં

4 - 1993માં વિનોદ કાંબલી

3 - 1984માં રવિ શાસ્ત્રી

3 - 1992માં સચિન તેંડુલકર

3 - 2024માં યશસ્વી જયસ્વાલ

- ઓસ્ટ્રેલિયામાં ટેસ્ટ સદી ફટકારનાર છેલ્લો ભારતીય ઓપનર કે.એલ. રાહુલ (110) હતો જેણે 2014-15માં SCGમાં સદી ફટકારી હતી.

7: 23 વર્ષની ઉંમર પહેલા સૌથી વધુ ટેસ્ટ સદી (ભારત)

8 - સચિન તેંડુલકર

5 - રવિ શાસ્ત્રી

4 - સુનીલ ગાવસ્કર

4 - વિનોદ કાંબલી

4 - યશસ્વી જયસ્વાલ

8 : યશસ્વી જયસ્વાલે સિક્સર ફટકારીને શાનદાર રેકોર્ડ બનાવ્યો

યશસ્વી જયસ્વાલ ટેસ્ટ કેલેન્ડર વર્ષમાં સૌથી વધુ સિક્સર મારનાર બેટ્સમેન બની ગયો છે. યશસ્વીએ આ વર્ષે ટેસ્ટ ક્રિકેટમાં અત્યાર સુધીમાં 35 સિક્સર ફટકારી છે. યશસ્વીએ કિવી દિગ્ગજ બ્રેન્ડન મેક્કુલમને પછાડ્યો હતો જેણે 2014માં ટેસ્ટ મેચમાં કુલ 33 સિક્સર ફટકારી હતી. બેન સ્ટોક્સ, વીરેન્દ્ર સેહવાગ અને એડમ ગિલક્રિસ્ટ આ મામલે યશસ્વી કરતા ઘણા પાછળ છે.

ટેસ્ટમાં એક કેલેન્ડર વર્ષમાં સૌથી વધુ છગ્ગા

35 યશસ્વી જયસ્વાલ (2024)*

33 બ્રેન્ડન મેક્કુલમ (2014)

26 બેન સ્ટોક્સ (2022)

22 એડમ ગિલક્રિસ્ટ (2005)

22 વીરેન્દ્ર સેહવાગ (2008)