WTC Final Day 4 : ચોથા દિવસના અંતે ભારતના 4 વિકેટે 164 રન, જીતવા માટે 280 રનની જરૂર

ભારત અને ઓસ્ટ્રેલિયા (India VS Australia)ની વચ્ચે શરૂ થયેલી વર્લ્ડ ટેસ્ટ ચેમ્પિયનશિપની ફાઈનલ મેચ ઓવલમાં રમાઈ રહી છે. વર્લ્ડ ટેસ્ટ ચેમ્પિયનશિપની ફાઈનલનો આજે ચોથો દિવસ છે. ઓસ્ટ્રેલિયાએ પ્રથમ ઈનિંગમાં 469 રન બનાવ્યા હતા. જવાબમાં ભારતે પ્રથમ ઈનિંગમાં 296 રન બનાવ્યા હતા. ચોથા દિવસના લંચ બ્રેક સુધી ઓસ્ટ્રેલિયાને 6 વિકેટે 201 રન કરી લીધા હતા. તેની સાથે હવે તેની સરસાઈ 374 રન પર પહોંંચી ગઈ હતી. ઓસ્ટ્રેલિયાને 444 રનનું લક્ષ્ય આપ્યું હતું. ભારતે તેની ઈનિંગની શરૂઆતથી ટી બ્રેક સુધીમાં ઓપનર શુભમન ગિલની વિકેટ ગુમાવી દીધી હતી. ત્યારબાદ ભારતને 92 રને બીજો ઝટકો લાગ્યો. કેપ્ટન રોહિત શર્મા 43 રન કરી આઉટ થઈ ગયો હતો. તેના પછી ઉપરા ઉપરી પૂૂૂૂૂૂૂજારાએ પણ કમિન્શ ઓવરમાં કેરીને કેચ થમાવી પોતાની વિકેટ ફેંકી દીધી. આમ ભારતને  ત્રીજો ઝટકો લાગ્યો હતો. હવે કોહલી અને અજિંક્યા રહાણે ક્રિઝ પર છે.  ચોથા દિવસના અંતે  ભારતના 164 રન પૂરાં થઈ ચૂક્યા છે. કોહલી 44 અને રહાણે 20 રન પર રમતમાં છે. 

INDvsAUS WTC Final Day 2 Live Update :

62.6 ઓવર- ઓસ્ટ્રેલિયાની બીજી ઈનિંગમાં છઠ્ઠી વિકેટ 167 રનમાં પડી, જાડેજાએ કેમેરોન ગ્રીનને આઉટ કર્યો.

56.5 ઓવર- ઓસ્ટ્રેલિયાનો સ્કોર પાંચ વિકેટ ગુમાવીને 150 રનને પાર થયો છે

46.4 ઓવર- ઓસ્ટ્રેલિયાએ પાંચમી વિકેટ ગુમાવી, લેબુશેન 41 રન બનાવીને આઉટ થયો છે 

અત્યાર સુધીની મેચમાં શું થયું?

ભારતીય કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. ટોસ હાર્યા બાદ પ્રથમ બેટિંગ કરનાર મોહમ્મદ સિરાજે ચોથી ઓવરમાં ઓસ્ટ્રેલિયન ટીમને પહેલો ઝટકો આપ્યો હતો. તેણે ઉસ્માન ખ્વાજાને વિકેટકીપર કેએસ ભરતના હાથે કેચ કરાવ્યો. ખ્વાજા ખાતું પણ ખોલાવી શક્યા ન હતા. બેના સ્કોર પર પ્રથમ વિકેટ પડી ગયા બાદ ડેવિડ વોર્નરે માર્નસ લાબુશેન સાથે બીજી વિકેટ માટે 69 રનની ભાગીદારી કરી હતી. વોર્નર લંચ પહેલા શાર્દુલ ઠાકુરના હાથે વિકેટકીપર ભરતના હાથે કેચ આઉટ થયો હતો. તે 60 બોલમાં આઠ ચોગ્ગાની મદદથી 43 રન બનાવીને આઉટ થયો હતો. લંચ સુધીમાં ઓસ્ટ્રેલિયાએ બે વિકેટ ગુમાવીને 73 રન બનાવ્યા હતા.

મોહમ્મદ શમીએ લંચ બાદ વિકેટ ઝડપી હતી

મોહમ્મદ શમીએ લંચ બાદ જ માર્નસ લાબુશેનને ક્લીન બોલ્ડ કર્યો હતો. તે 62 બોલમાં ત્રણ ચોગ્ગાની મદદથી 26 રન બનાવીને આઉટ થયો હતો. લબુશેનની વિકેટ 24.1 ઓવરમાં પડી હતી. આ પછી ટ્રેવિસ હેડ અને સ્ટીવ સ્મિથે જબરદસ્ત બેટિંગ કરી હતી અને સમગ્ર દિવસ દરમિયાન એકપણ વિકેટ પડવા દીધી ન હતી અને પ્રથમ દિવસની રમતના અંત સુધીમાં ઓસ્ટ્રેલિયાનો સ્કોર ત્રણ વિકેટે 327 રન હતો. બીજા દિવસે ભારતીય બોલરોએ શાનદાર વાપસી કરી હતી અને ઓસ્ટ્રેલિયાની ટીમ વધુ 142 રન ઉમેરીને ઓલઆઉટ થઈ ગઈ હતી. ઓસ્ટ્રેલિયાએ પ્રથમ દાવમાં 469 રન બનાવ્યા હતા. ટ્રેવિસ હેડ 163 રને આઉટ થયો હતો. આ સાથે જ સ્ટીવ સ્મિથે પોતાની ટેસ્ટ કારકિર્દીની 31મી સદી ફટકારી હતી. તે 121 રન બનાવીને આઉટ થયો હતો. કેમેરોન ગ્રીન છ રન, એલેક્સ કેરી 48 રન, મિચેલ સ્ટાર્ક પાંચ રન, પેટ કમિન્સ નવ રન અને લિયોન નવ રન બનાવીને આઉટ થયા હતા. ભારત તરફથી સિરાજે ચાર વિકેટ ઝડપી હતી. શમી અને શાર્દુલને બે-બે વિકેટ મળી હતી. જાડેજાએ એક વિકેટ લીધી હતી.

WTC Final Day 3 : ત્રીજા દિવસના અંતે ઓસ્ટ્રેલિયાએ 296 રનની લીડ મેળવી વધુ વિગતો જાણવા અહીં ક્લિક કરો

ભારતનો ટોપ ઓર્ડર ફેલ થયો હતો

ઓસ્ટ્રેલિયાના 469 રનના જવાબમાં ભારતનો ટોપ ઓર્ડર સંપૂર્ણપણે નિષ્ફળ ગયો હતો. કેપ્ટન રોહિત શર્મા 15 રન, શુભમન ગિલ 13 રન, ચેતેશ્વર પુજારા 14 રન, વિરાટ કોહલી 14 રન બનાવીને આઉટ થયા હતા. ભારતે 71 રન સુધી ચાર વિકેટ ગુમાવી દીધી હતી. આ પછી રવિન્દ્ર જાડેજા અને રહાણેએ પાંચમી વિકેટ માટે 71 રનની ભાગીદારી નોંધાવી હતી. જાડેજા સ્લિપમાં ઓફ સ્પિનર ​​નાથન લિયોનના હાથે કેચ આઉટ થયો હતો. તે 48 રન બનાવી શક્યો હતો. બીજા દિવસની રમતના અંત સુધીમાં ભારતે તેની પ્રથમ ઇનિંગમાં પાંચ વિકેટ ગુમાવીને 151 રન બનાવ્યા હતા.

WTC Final Day 2 : બીજા દિવસની રમતના અંતે ભારતનો સ્કોર 151/5, વધુ વિગતો જાણવા અહીં ક્લિક કરો

અજિંક્ય રહાણે અને શાર્દુલે સદીની ભાગીદારી કરી

ત્રીજા દિવસની શરૂઆતમાં શ્રીકર ભરત પાંચ રન બનાવીને આઉટ થયો હતો, પરંતુ અજિંક્ય રહાણે અને શાર્દુલે સદીની ભાગીદારી કરીને ભારતને ફોલોઓનથી બચાવ્યું હતું. રહાણે 89 અને શાર્દુલ 51 રન બનાવીને આઉટ થયા હતા. આ પછી ભારતના પૂંછડિયા બેટ્સમેનો કંઈ ખાસ કરી શક્યા ન હતા અને ભારતનો પ્રથમ દાવ 296 રનમાં સમેટાઈ ગયો હતો. ઓસ્ટ્રેલિયાને પ્રથમ દાવમાં 173 રનની લીડ મળી હતી. કેપ્ટન કમિન્સે ત્રણ વિકેટ ઝડપી હતી. સ્કોટ બોલેન્ડ, મિશેલ સ્ટાર્ક અને કેમેરોન ગ્રીનને બે-બે વિકેટ મળી હતી. નાથન લિયોને એક વિકેટ લીધી હતી.

સ્મિથ અને લેબુશેને ત્રીજી વિકેટ માટે 62 રનની ભાગીદારી નોંધાવી

બીજા દાવમાં ઓસ્ટ્રેલિયાની શરૂઆત કંઈ ખાસ રહી ન હતી. ડેવિડ વોર્નર એક રન બનાવીને સિરાજનો શિકાર બન્યો હતો. આ પછી ખ્વાજા પણ 13 રન બનાવીને ઉમેશના હાથે આઉટ થયો હતો. આ પછી સ્મિથ અને લાબુશેને ત્રીજી વિકેટ માટે 62 રનની ભાગીદારી નોંધાવી હતી, પરંતુ જાડેજાએ સ્મિથને આઉટ કરીને આ ભાગીદારીને તોડી નાખી હતી. આ પછી તેણે ટ્રેવિસ હેડને પણ આઉટ કર્યો હતો. હવે લાબુશેન 41 અને ગ્રીન સાત રન બનાવીને ક્રીઝ પર છે. બીજી ઇનિંગમાં ઓસ્ટ્રેલિયાનો સ્કોર 123/4 છે. ઓસ્ટ્રેલિયાની કુલ લીડ 296 રનની થઈ ગઈ છે.

WTC Final Day 1 : પ્રથમ દિવસની રમતના અંતે ઓસી.નો સ્કોર 327/3, વધુ વિગતો જાણવા અહીં ક્લિક કરો

બંને ટીમોની પ્લેઈંગ ઈલેવન 

ભારતીય ટીમ : રોહિત શર્મા (કેપ્ટન), શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, શ્રીકર ભરત (વિકેટ કીપર), રવિન્દ્ર જાડેજા, શાર્દુલ ઠાકુર, ઉમેશ યાદવ, મોહમ્મદ શમી, મોહમ્મદ સિરાજ. 

ઓસ્ટ્રેલિયાની ટીમ : ડેવિડ વોર્નર, ઉસ્માન ખ્વાજા, માર્નસ લેબુશેન, સ્ટીવ સ્મિથ, ટ્રેવિસ હેડ, કેમેરોન ગ્રીન, એલેક્સ કેરી (વિકેટ કીપર), પેટ કમિન્સ (કેપ્ટન), મિશેલ સ્ટાર્ક, નાથન લિયોન, સ્કોટ બોલેન્ડ.