WTC Final : ત્રીજા દિવસના અંતે ઓસ્ટ્રેલિયાએ બીજી ઇનિંગમાં 4 વિકેટ ગુમાવી 296 રનની લીડ મેળવી

ભારત અને ઓસ્ટ્રેલિયા (India VS Australia)ની વચ્ચે શરૂ થયેલી વર્લ્ડ ટેસ્ટ ચેમ્પિયનશિપની ફાઈનલ મેચ ઓવલમાં રમાઈ રહી છે. વર્લ્ડ ટેસ્ટ ચેમ્પિયનશિપની ફાઈનલનો આજે ત્રીજો દિવસ છે. આ પહેલા ઓસ્ટ્રેલિયાની ટીમ મેચના બીજા દિવસે પ્રથમ ઈનિંગમાં 469 રનમાં ઓલઆઉટ થઈ ગઈ હતી. તેના જવાબમાં ભારતીય ટીમે બીજા દિવસની રમત પૂરી થવા સુધી પાંચ વિકેટે 151 રન બનાવી લીધા હતા. ભારતે ટોસ જીતીને પહેલા બોલીંગ કરવાનો નિર્ણય કર્યો હતો.

INDvsAUS WTC Final Day 2 Live Update :

36.3 ઓવર- ઓસ્ટ્રેલિયાની ચોથી વિકેટ પડી. ટ્રેવિસ હેડ 18 રન બનાવીને આઉટ થયો

30.1 ઓવર- ઓસ્ટ્રેલિયાની ત્રીજી વિકેટ પડી. સ્ટીવ સ્મિથ 34 રન બનાવીને આઉટ થયો

14.1ઓવર- ઓસ્ટ્રેલિયાની બીજી વિકેટ પડી. ઉસ્માન ખ્વાજા 13 રન બનાવીને આઉટ થયો.

3.3 ઓવર- ઓસ્ટ્રેલિયાની પ્રથમ વિકેટ પડી. ડેવિડ વોર્નર 1 રન બનાવીને આઉટ થયો.

ઓસ્ટ્રેલિયાની બીજી ઇનિંગ શરુ 

ભારતની ટીમ પ્રથમમાં ઈનિંગ 296 રનમાં ઓલઆઉટ

69.4 ઓવર- ભારતની દસમી વિકેટ પડી. મોહમ્મદ શમી 13 રન બનાવી આઉટ થયો.

68.3ઓવર - ભારતની નવમી વિકેટ પડી. શાર્દુલ ઠાકુર 51 રન બનાવીને આઉટ થયો 

67.6 ઓવર - શાર્દુલ ઠાકુરે 108 બોલમાં પોતાની ફિફ્ટી પૂરી કરી છે.

61.6 ઓવર - ભારતની સાતમી વિકેટ પડી. અજિંક્ય રહાણે 129 બોલમાં 89 રન બનાવીને આઉટ થયો.

60 ઓવર - ત્રીજા દિવસે લંચ સુધી ભારતનો સ્કોર 260/6, બંને વચ્ચે સાતમી વિકેટ માટે 108 રનની ભાગીદારી થઈ છે.

45.6 ઓવર - અજિંક્ય રહાણેએ પેટ કમિન્સના બોલ પર છગ્ગો ફટકારીને 92 બોલમાં પોતાની ફિફ્ટી પૂરી કરી હતી. 

38.2 ઓવર - ભારતની છઠ્ઠી વિકેટ પડી,  કેએસ ભરત પાંચ રન બનાવીને આઉટ, સ્કોટ બોલેન્ડે તેને ક્લીન બોલ્ડ કર્યો હતો.

અત્યાર સુધીની મેચમાં શું થયું?

ભારતીય કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. ટોસ હાર્યા બાદ પ્રથમ બેટિંગ કરનાર મોહમ્મદ સિરાજે ચોથી ઓવરમાં ઓસ્ટ્રેલિયન ટીમને પહેલો ઝટકો આપ્યો હતો. તેણે ઉસ્માન ખ્વાજાને વિકેટકીપર કેએસ ભરતના હાથે કેચ કરાવ્યો. ખ્વાજા ખાતું પણ ખોલાવી શક્યા ન હતા. બેના સ્કોર પર પ્રથમ વિકેટ પડી ગયા બાદ ડેવિડ વોર્નરે માર્નસ લાબુશેન સાથે બીજી વિકેટ માટે 69 રનની ભાગીદારી કરી હતી. વોર્નર લંચ પહેલા શાર્દુલ ઠાકુરના હાથે વિકેટકીપર ભરતના હાથે કેચ આઉટ થયો હતો. તે 60 બોલમાં આઠ ચોગ્ગાની મદદથી 43 રન બનાવીને આઉટ થયો હતો. લંચ સુધીમાં ઓસ્ટ્રેલિયાએ બે વિકેટ ગુમાવીને 73 રન બનાવ્યા હતા.

WTC Final Day 2 : બીજા દિવસની રમતના અંતે ભારતનો સ્કોર 151/5, વધુ વિગતો જાણવા અહીં ક્લિક કરો

સ્મિથે ટેસ્ટ કારકિર્દીની 31મી સદી ફટકારી

મોહમ્મદ શમીએ લંચ બાદ જ માર્નસ લાબુશેનને ક્લીન બોલ્ડ કર્યો હતો. તે 62 બોલમાં ત્રણ ચોગ્ગાની મદદથી 26 રન બનાવીને આઉટ થયો હતો. લબુશેનની વિકેટ 24.1 ઓવરમાં પડી હતી. આ પછી ટ્રેવિસ હેડ અને સ્ટીવ સ્મિથે જબરદસ્ત બેટિંગ કરી હતી અને સમગ્ર દિવસ દરમિયાન એકપણ વિકેટ પડવા દીધી ન હતી અને પ્રથમ દિવસની રમતના અંત સુધીમાં ઓસ્ટ્રેલિયાનો સ્કોર ત્રણ વિકેટે 327 રન હતો. બીજા દિવસે ભારતીય બોલરોએ શાનદાર વાપસી કરી હતી અને ઓસ્ટ્રેલિયાની ટીમ વધુ 142 રન ઉમેરીને ઓલઆઉટ થઈ ગઈ હતી. ઓસ્ટ્રેલિયાએ પ્રથમ દાવમાં 469 રન બનાવ્યા હતા. ટ્રેવિસ હેડ 163 રને આઉટ થયો હતો. આ સાથે જ સ્ટીવ સ્મિથે પોતાની ટેસ્ટ કારકિર્દીની 31મી સદી ફટકારી હતી. તે 121 રન બનાવીને આઉટ થયો હતો. કેમેરોન ગ્રીન છ રન, એલેક્સ કેરી 48 રન, મિચેલ સ્ટાર્ક પાંચ રન, પેટ કમિન્સ નવ રન અને લિયોન નવ રન બનાવીને આઉટ થયા હતા. ભારત તરફથી સિરાજે ચાર વિકેટ ઝડપી હતી. શમી અને શાર્દુલને બે-બે વિકેટ મળી હતી. જાડેજાએ એક વિકેટ લીધી હતી.

WTC Final Day 1 : પ્રથમ દિવસની રમતના અંતે ઓસી.નો સ્કોર 327/3, વધુ વિગતો જાણવા અહીં ક્લિક કરો

ભારતનો ટોપ ઓર્ડર સંપૂર્ણપણે ફેલ

ઓસ્ટ્રેલિયાના 469 રનના જવાબમાં ભારતનો ટોપ ઓર્ડર સંપૂર્ણપણે ફેલ થયો હતો. કેપ્ટન રોહિત શર્મા 15 રન, શુભમન ગિલ 13 રન, ચેતેશ્વર પુજારા 14 રન, વિરાટ કોહલી 14 રન બનાવીને આઉટ થયા હતા. ભારતે 71 રન સુધી ચાર વિકેટ ગુમાવી દીધી હતી. આ પછી રવિન્દ્ર જાડેજા અને રહાણેએ પાંચમી વિકેટ માટે 71 રનની ભાગીદારી નોંધાવી હતી. જાડેજા સ્લિપમાં ઓફ સ્પિનર ​​નાથન લિયોનના હાથે કેચ આઉટ થયો હતો. તે 48 રન બનાવી શક્યો હતો. બીજા દિવસની રમતના અંત સુધીમાં ભારતે તેની પ્રથમ ઇનિંગમાં પાંચ વિકેટ ગુમાવીને 151 રન બનાવી લીધા છે. ફોલોઓન બચાવવા માટે ભારતને 269 રન એટલે કે વધુ 118 રન બનાવવા પડશે. અજિંક્ય રહાણે 29 રને અને શ્રીકર ભરત પાંચ રન બનાવીને અણનમ છે. ઓસ્ટ્રેલિયાએ પ્રથમ દાવમાં 469 રન બનાવ્યા હતા. એટલે કે ભારતીય ટીમ હજુ તેના સ્કોરથી 318 રન પાછળ છે.

બંને ટીમોની પ્લેઈંગ ઈલેવન 

ભારતીય ટીમ : રોહિત શર્મા (કેપ્ટન), શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, શ્રીકર ભરત (વિકેટ કીપર), રવિન્દ્ર જાડેજા, શાર્દુલ ઠાકુર, ઉમેશ યાદવ, મોહમ્મદ શમી, મોહમ્મદ સિરાજ. 

ઓસ્ટ્રેલિયાની ટીમ : ડેવિડ વોર્નર, ઉસ્માન ખ્વાજા, માર્નસ લેબુશેન, સ્ટીવ સ્મિથ, ટ્રેવિસ હેડ, કેમેરોન ગ્રીન, એલેક્સ કેરી (વિકેટ કીપર), પેટ કમિન્સ (કેપ્ટન), મિશેલ સ્ટાર્ક, નાથન લિયોન, સ્કોટ બોલેન્ડ.