T20 વર્લ્ડ કપથી બહાર થઈ ભારતીય ટીમ! રસાકસીભરી મેચમાં ઓસ્ટ્રેલિયા સામે થઈ હાર

India vs Australia Women Match : રવિવારે (13 ઓક્ટોબર) મહિલા T20 વર્લ્ડ કપ 2024માં ભારતીય ટીમ અને ઓસ્ટ્રેલિયા વચ્ચે ખૂબ જ રોમાંચક મેચ રમાઈ હતી. છેલ્લી ઓવરમાં ભારતીય ટીમને જીતવા માટે 14 રનની જરૂર હતી, પરંતુ તે સ્કોર કરી શકી ન હતી. આ રીતે કરો યા મરો મેચમાં ભારતીય ટીમને 9 રનથી હારનો સામનો કરવો પડ્યો હતો.

આ મેચમાં ઓસ્ટ્રેલિયાએ ટોસ જીતીને પ્રથમ બેટિંગ કરીને 152 રનનો ટાર્ગેટ આપ્યો હતો. જેના જવાબમાં ભારતીય ટીમ 9 વિકેટ ગુમાવીને 142 રન જ બનાવી શકી અને મેચ હારી ગઈ. આ હાર સાથે ભારતીય ટીમ હવે બહાર થવાના આરે છે.