ICCના ટેસ્ટ રેન્કિંગમાં મોટા ફેરફાર, બાબરની ખરાબ હાલત, વિરાટ-જયસ્વાલ ચમક્યાં

ICC Test Ranking 2024: ICC (ઈન્ટરનેશનલ ક્રિકેટ કાઉન્સિલ)ના ટેસ્ટ રેન્કિંગમાં મોટો ફેરફાર જોવા મળ્યો છે. બુધવાર (28 ઓગસ્ટ)ના રોજ જાહેર કરવામાં આવેલી ICC રેન્કિંગમાં બાબર આઝમ હવે 6 સ્થાન નીચે ઉતરી નવમા સ્થાને આવી ગયો છે. વિરાટ કોહલી અને યશસ્વી જયસ્વાલના રેન્કિંગમાં ઉછાળો આવ્યો છે.

બાબર આઝમના પતનનું કારણ તાજેતરમાં રાવલપિંડીમાં રમાયેલી ટેસ્ટ મેચ હતી. આ ટેસ્ટ મેચમાં બાબરે પ્રથમ દાવમાં 0 રન અને બીજા દાવમાં 22 રન બનાવ્યા હતા. આ ટેસ્ટ મેચમાં પાકિસ્તાનનો 10 વિકેટે પરાજય થયો હતો.

વિરાટ કોહલી રેન્કિંગમાં આઠમા ક્રમે

જ્યારે વિરાટ કોહલી અને યશસ્વી જયસ્વાલને એકપણ ટેસ્ટ મેચ રમ્યા વિના જંગી નફો થયો છે. વિરાટ કોહલી હવે આઈસીસીની તાજેતરની રેન્કિંગમાં 2 સ્થાન આગળ વધી આઠમા ક્રમે પહોંચ્યો છે. જ્યારે યશસ્વી જયસ્વાલ સાતમા સ્થાને છે. જો રૂટ આ ફોર્મેટમાં 881 રેટિંગ પોઈન્ટ સાથે નંબર વન બેટ્સમેન છે. હેરી બ્રુક 3 ક્રમ વધી ચોથા નંબરે પહોંચ્યો છે. મોહમ્મદ રિઝવાને રાવલપિંડી ટેસ્ટ મેચમાં સદી ફટકારીને સાત ક્રમની છલાંગ સાથે 10માં ક્રમે પહોંચ્યો છે. પાકિસ્તાનનો વાઈસ કેપ્ટન સઈદ શકીલ બાંગ્લાદેશ સામેની સદીના કારણે એક ક્રમ વધી 13માં સ્થાને પહોંચી ગયો છે.

આ પણ વાંચોઃ T20 ક્રિકેટ જગતમાં નંબર-1 રહી ચૂકેલા બેટરની નિવૃત્તિની જાહેરાત, ભલભલા બોલર્સને હંફાવ્યા હતા

આ ખેલાડીઓના પર્ફોર્મન્સમાં ઉછાળો

બાંગ્લાદેશના બેટ્સમેન મુશફિકુર રહિમે કારકિર્દીમાં સર્વોચ્ચ રેટિંગ હાંસલ કર્યું છે. જે સાત ક્રમ વધી 17માં ક્રમે, શ્રીલંકાના દિનેશ ચંદીમલ (ચાર સ્થાન આગળ 23માં ક્રમે) અને કામિન્દુ મેન્ડિસ (ન્યુ ઈંગ્લેન્ડના આંતરરાષ્ટ્રીય ખેલાડી જેમી સ્મિથ 22 સ્થાન આગળ વધી 42માં સ્થાને છે) પહોંચ્યો છે.

અશ્વિન નંબર વન સ્પિનર

ભારતીય સ્પિનર રવિચંદ્રન અશ્વિન ટેસ્ટ બોલર્સની રેન્કિંગમાં ટોચ પર યથાવત છે. સ્પિનર પ્રભાત જયસૂર્યાએ માન્ચેસ્ટરમાં ઇંગ્લેન્ડ સામે પાંચ વિકેટ ઝડપી નવમા સ્થાને પહોંચી ગયો છે. ઇંગ્લેન્ડના ફાસ્ટ બોલર ક્રિસ વોક્સ (16માં સ્થાને) અને શ્રીલંકાના અસિથા ફર્નાન્ડો (10 ક્રમ વધી 17માં ક્રમે) છે, જ્યારે પાકિસ્તાનના રાઈટ હેન્ડેડ બોલર નસીમ શાહ 33માં સ્થાને છે.

જાડેજા નંબર વન ટેસ્ટ ઓલરાઉન્ડર

ટેસ્ટ ઓલરાઉન્ડર્સની યાદીમાં ક્રિસ વોક્સ એક ક્રમ આગળ વધી આઠમા સ્થાને પહોંચ્યો છે, જ્યારે ભારતીય સ્પિનર રવિન્દ્ર જાડેજા આ શ્રેણીમાં પ્રથમ સ્થાને છે.