'મને લાગતું હતું કે હું તેને દરેક બોલ પર આઉટ..', જેમ્સ એન્ડરસન કિંગ કોહલી વિશે આ શું બોલી ગયો?

Image: Facebook

Virat Kohli and James Anderson Rivalry: ક્રિકેટની દુનિયામાં અમુક રાઈવલરી એવી હોય છે જે હંમેશા યાદ રહે છે. તેને જોઈને જ મજા આવે છે. જેમ્સ એન્ડરસન અને વિરાટ કોહલીની પ્રતિદ્વંદિતા પણ કંઈક આવી જ હતી. વિરાટ કોહલી વર્તમાન સમયના મહાન બેટ્સમેન. એન્ડરસનની ગણતરી પણ મહાન ઝડપી બોલર્સમાં થાય છે. એન્ડરસને લોર્ડ્સ મેદાન પર વેસ્ટઈન્ડિઝ સામે રમવામાં આવેલી ટેસ્ટ મેચ બાદ પોતાના ઈન્ટરનેશનલ કરિયરને અલવિદા કહી દીધુ. તે બાદ જમણા હાથના આ ઝડપી બોલરે કોહલીની સાથે પોતાની રાઈવલરીને લઈને વાત કરી છે. 

વર્ષ 2014માં જ્યારે કોહલીએ પહેલી વખત ઈંગ્લેન્ડનો પ્રવાસ કર્યો હતો ત્યારે એન્ડરસને તેને ખૂબ પરેશાન કર્યો હતો. તે બાદ કોહલીએ વાપસી કરી અને જ્યારે 2018માં તે ઈંગ્લેન્ડ ગયો તો એન્ડરસનને પરેશાન કરી દીધો. એન્ડરસન એક પણ વખત કોહલીને આઉટ કરી શક્યો નહીં. આ બંનેની પ્રતિદ્વંદિતાનો આનંદ સમગ્ર ક્રિકેટ જગત લેતું હતું. એક સ્વિંગનો બાદશાહ તો એક રનનો અંબર લગાવવામાં માહિર.

એન્ડરસને શું કહ્યું

લોર્ડ્સમાં પોતાની અંતિમ ટેસ્ટ મેચ રમ્યા બાદ એન્ડરસને તેમની તરફ કોહલીની વચ્ચેની પ્રતિસ્પર્ધા પર પણ વાત કરી. તેમણે કહ્યું, તમે ખૂબ ઉતાર-ચઢાવ જોવો છો. અમુક સિરીઝોમાં તમે શાનદાર અનુભવ કરો છો અને અમુકમાં નહીં, બેટ્સમેન તમારા કરતાં સારું રમી જાય છે. વિરાટ કોહલી જ્યારે શરૂઆતમાં આવ્યો હતો તો મને લાગતું હતું કે હું તેને દરેક બોલ પર આઉટ કરી શકું છું પરંતુ તાજેતરમાં જ મને લાગ્યું કે હું તેને આઉટ જ નહીં કરી શકતો. તમે ખૂબ ઓછું અનુભવો છો. 

આવી રહી રાઈવલરી

કોહલી અને એન્ડરસન પહેલી વખત વર્ષ 2014માં સામ-સામે આવ્યા હતા. આ દરમિયાન 10 ઈનિંગમાં એન્ડરસને પાંચ વખત કોહલીને આઉટ કર્યો હતો. 2016માં જ્યારે ઈંગ્લેન્ડની ટીમ ભારત પ્રવાસે આવી તો કોહલીએ એન્ડરસન પર ખૂબ રન બનાવ્યા. 2018માં ટીમ ઈન્ડિયાએ ફરીથી ઈંગ્લેન્ડનો પ્રવાસ કર્યો અને આ વખતે તમામ રાહ જોઈ રહ્યાં હતાં કે કોહલી કેવી રીતે એન્ડરસનનો સામનો કરે છે. કોહલીએ આ વખતે અડગ રહીને તેનો સામનો કર્યો. એન્ડરસન આ વખતે કોહલીને એક પણ આઉટ કરી શક્યો નહીં અને કોહલીના બેટથી આ પ્રવાસ પર 700થી વધુ રન નીકળ્યા. ત્રણ વર્ષ બાદ 2021માં એન્ડરસને કોહલીને ઈંગ્લેન્ડમાં બે વખત આઉટ કર્યો.