IPL 2024: ધ્યાન જ ન આપશો...: વિરોધીઓની બોલતી બંધ કરાવવા સ્ટીવ સ્મિથની હાર્દિક પંડ્યાને સલાહ

Steve Smith Gives Advice To Hardik Pandya : IPL 2024માં રોહિત શર્માના સ્થાને મુંબઈની કેપ્ટનશિપ સંભાળનાર હાર્દિકની નિરાશાજનક શરૂઆત રહી હતી કારણ કે મુંબઈની ટીમ પ્રારંભિક બંને મેચ હારી ગઈ હતી. બે હાર ઉપરાંત ગુજરાત ટાઇટન્સના પૂર્વ કેપ્ટન હાર્દિકનું અમદાવાદ અને હૈદરાબાદમાં ચાહકો દ્વારા હૂટિંગ કરવામાં આવ્યું હતું, કારણ કે રોહિતને કેપ્ટનના પદ પરથી જે રીતે હાર્દિકે દૂર કર્યો હતો તેનાથી ચાહકો સ્પષ્ટ રીતે નાખુશ હતા. હૂટિંગ અને ચાહકોની નારાજગી અંગે ઓસ્ટ્રેલિયાના સ્ટાર બેટર સ્ટીવ સ્મિથે હાર્દિક પંડ્યાને સલાહ આપી છે કે મુંબઈ ઈન્ડિયન્સનો નવો કેપ્ટન બનાવ્યા પછી તેણે હૂટિંગ પર ધ્યાન આપવું જોઈએ નહીં કારણ કે આ બધું 'અપ્રાસંગિક' છે.

“તેના પર ધ્યાન ન આપો, તે બધું અપ્રાસંગિક છે….”-સ્મિથની પંડ્યાને સલાહ

સ્મિથે પંડ્યાને સલાહ આપતા કહ્યું, “હું ફક્ત એટલું જ કહીશ કે તેના પર ધ્યાન ન આપો, તે બધું અપ્રાસંગિક છે. બહાર કોઈ નથી જાણતું કે તમે શેમાંથી પસાર થઈ રહ્યા છો. તે ડ્રેસિંગ રૂમમાં કોઈ બહારની વ્યક્તિ નથી.” તેણે વધુમાં કહ્યું હતું કે, “આ તમામ દુર્વ્યવહાર હાર્દિક માટે આઘાતજનક હશે કારણ કે તે પોતાના દેશમાં ભારતીય ચાહકો તરફથી આનો સામનો કરી રહ્યો છે.”

“મને કોઈ પરવાહ નથી”

સ્ટીવ સ્મિથે કહ્યું, “અંગત રીતે, હું તેનાથી પરેશાન નથી થતો. મને કોઈ પરવાહ નથી. હું તેના પર કોઈ ધ્યાન આપતો નથી. તમે જાણો છો કે આ બધો બિનજરૂરી ઘોંઘાટ છે પરંતુ ખેલાડીઓ બધું સાંભળે છે અને દરેક તેની લાગણીઓ અને તેના પર તેઓ કેવી પ્રતિક્રિયા આપે છે તેનો હકદાર છે.”

શું આનાથી હાર્દિકને અસર થઈ રહી છે?

સ્મિથે કહ્યું, 'તો શું આનાથી હાર્દિકને અસર થઈ રહી છે? તે શક્ય છે. તેણે કદાચ જીવનના કોઈપણ ક્ષેત્રમાં આનો અનુભવ કર્યો નથી.” મુંબઈ ઈન્ડિયન્સ દ્વારા રિલીઝ કર્યા બાદ હાર્દિકે વર્ષ 2022માં તેની પ્રથમ સિઝનમાં IPL ટાઇટલ જીતાડવા માટે ગુજરાત ટાઇટન્સનું નેતૃત્વ કર્યું હતું. જો કે તે ગયા વર્ષે નવેમ્બરમાં મુંબઈમાં ફરી જોડાયો હતો અને ટૂંક સમયમાં જ તેને રોહિતની જગ્યાએ કેપ્ટન બનાવવામાં આવ્યો હતો, જે ભારતીય કેપ્ટન રોહિત શર્માના ચાહકોને જરાય સારું લાગ્યું ન હતું.