ગાવસ્કરે બળતામાં ઘી હોમ્યું, વિરાટ કોહલીના પરફોર્મન્સનું ક્રેડિટ જુઓ કોને આપ્યું, ફેન્સ ભડક્યાં

Image: Facebook

Sunil Gavaskar Reaction on Virat Kohli: ભારતના પૂર્વ દિગ્ગજ ક્રિકેટર સુનીલ ગાવસ્કર ગત દિવસોમાં કોહલીના સ્ટ્રાઈક રેટ વાળા નિવેદન પર પ્રતિક્રિયા આપવાના કારણે ખૂબ ચર્ચામાં રહ્યો હતો. કોહલીએ પોતાના સ્ટ્રાઈક રેટ પર સવાલ ઊભા કરનારને જડબાતોડ જવાબ આપ્યો હતો, તેની પર ગાવસ્કરે કોહલીને ખોટો ઠેરવ્યો હતો, તેને લઈને સોશિયલ મીડિયા પર ખૂબ ચર્ચા છેડાઈ ગઈ હતી. હવે ગાવસ્કરે એક વાર ફરીથી આ આગને ભડકાવવાનું કામ કર્યું છે. ગાવસ્કરે ફરીથી કોહલીના પ્રદર્શન પર પ્રતિક્રિયા આપી છે.

ગાવસ્કરે કોહલીના પ્રદર્શનનું ક્રેડિટ કોને આપ્યું

સુનીલ ગાવસ્કરે કોહલીના પ્રદર્શનને લઈને મોટું નિવેદન આપ્યું છે. તેની પર કોહલીના કરોડો ચાહકો એકવાર ફરીથી ભડકી ઉઠ્યાં છે. ગાવસ્કરે કહ્યું, જ્યારે વિરાટ કોહલીએ પોતાના કરિયરની શરૂઆત કરી ત્યારે તેનું કરિયર રોકાયેલું હતું. શરૂઆતી સમયમાં તે કંઈ ખાસ પ્રદર્શન કરી રહ્યો નહોતો પરંતુ તેમ છતાં મહેન્દ્ર સિંહ ધોનીએ તેને તક આપી. ધોનીએ તેને ઘણી મેચમાં તક આપી, તે સારું રમતો નહોતો. તેમ છતાં તેને ટીમમાં રાખ્યો. આ કારણે આજે આપણે વિરાટ કોહલીને ઓળખી રહ્યાં છીએ. 

ગાવસ્કર પર ભડક્યાં કોહલીના ચાહકો

ગાવસ્કરે પોતાના નિવેદનથી સ્પષ્ટ કરી દીધું છે કે જો માહીએ કરિયરના શરૂઆતી સમયમાં કોહલીને તક આપી ન હોત તો આજે વિરાટ કોહલીનું નામ આટલું મોટું ન હોત. ધોનીએ કોહલીના કરિયરને એક આકાર આપવાનું કામ કર્યું છે. વિરાટ કોહલી આજે વિશ્વનો નંબર વન ક્રિકેટર છે, આ સ્થાન પ્રાપ્ત કરવા માટે તે લગભગ 16 વર્ષથી પ્રયત્ન કરી રહ્યો છે. હવે ગાવસ્કરે જ્યારે કોહલીના આ શાનદાર પ્રદર્શન માટે ધોનીને ક્રેડિટ આપ્યું છે તો ચાહકો તેની પર ભડકી ઉઠ્યાં છે. ચાહકો એક વાર ફરીથી ગાવસ્કરને સોશિયલ મીડિયા પર ટ્રોલ કરી રહ્યાં છે.