પૂર્વ ક્રિકેટરના પુત્રએ લિંગ પરિવર્તન કરાવ્યું: આર્યનમાંથી બન્યો અનાયા, ક્રિકેટ કરિયર ખતમ

Sanjay Bangar Son Gender Transformation : ભારતીય ક્રિકેટ ટીમના પૂર્વ કોચ સંજય બાંગરનો પુત્ર આર્યન તાજેતરમાં સોશિયલ મીડિયા પર એક વીડિયો શેર કરીને બધાને ચોંકાવી દીધા છે. આ વાઈરલ વીડિયો તેના હોર્મોનલ ટ્રાન્સફોર્મેશન સફરનો છે. જેમાં તે છોકરામાંથી છોકરી કઈ રીતે બન્યો તે જોઈ શકાયછે. તેણે એક લાંબો મેસેજ પણ લખ્યો છે. અને આ ટ્રાન્સફોર્મેશન પર પોતાનો અનુભવ શેર કર્યો છે.

View this post on Instagram

A post shared by Lok Prakashan Limited (@gujaratsamacharofficial)

આર્યનમાંથી બની અનાયા

તાજેતરમાં જ સંજય બાંગરના પુત્ર આર્યનએ પોતાનું લિંગ બદલાવ્યું છે. હવે આર્યન છોકરામાંથી છોકરી બની ગયો છે. તેણે દવા અને સર્જરી દ્વારા પોતાના શરીરને બદલી નાખ્યું છે. તેણે પોતે જ તેના ઈન્સ્ટાગ્રામ એકાઉન્ટ પર આ માહિતી આપી હતી. જ્યાં તેણે પોતાનું નામ બદલીને અનાયા રાખ્યું હતું. 

મારા માટે આ જીત મહત્ત્વની 

આર્યન (હવે અનાયા) છોકરી બન્યા બાદ ખૂબ જ ખુશ છે. તેની ઈન્સ્ટાગ્રામ પોસ્ટમાં તેણે લખ્યું હતું કે, 'ક્રિકેટ રમવાનું મારું સપનું સાકાર કરવા માટે મેં ઘણું બલિદાન આપ્યું છે. આ સફર મારા માટે આસાન ન હતી. પરંતુ મારા માટે આ હાંસલ કરેલી જીત અન્ય તમામ બાબતો કરતાં વધુ મહત્ત્વની છે.'

ટ્રાન્સફોર્મેશનનો અભુભવ કઠોર

અનાયાએ આગળ લખ્યું, 'ટ્રાન્સફોર્મેશન દરમિયાન અનુભવાતા શારીરિક ફેરફારો એક કઠોર વાસ્તવિકતા બની તમરી સામે આવે છે. આ અનુભવ માત્ર શારીરિક રીતે જ નહીં, પણ માનસિક અને ભાવનાત્મક રીતે પણ મુશ્કેલ હોઈ છે. કારણ કે તમે લાંબા સમયથી તમારી ઓળખ અને તમારા શરીરને લાંબા સમયથી એક નજરે જોયું હોય છે. હું મારા સ્નાયુઓ, યાદશક્તિ અને એથ્લેટિક ક્ષમતાઓ ગુમાવી રહ્યો છું. જેના પર હું એક સમયે આધાર રાખતો હતો.'

અનેક ક્રિકેટ ક્લબમાં રમી ચૂક્યો છે આર્યન

અહીં તમને જણાવી દઈએ કે આર્યન( હવે અનાયા) તેના પિતા સંજય બાંગરની જેમ એક ક્રિકેટર છે. તે ડાબોડી બેટર છે. અને સ્થાનિક ક્રિકેટ ક્લબ, ઈસ્લામ જીમખાના માટે ક્રિકેટ રમે છે. આ સિવાય તેણે લેસ્ટરશાયરમાં હિંકલે ક્રિકેટ ક્લબ માટે પણ રમી ચૂક્યો છે.

હાલમાં ક્યાં રહે છે અનાયા?

હાલમાં અનાયા માન્ચેસ્ટરમાં રહે છે. જ્યાં તે દેશના એક ક્લબ માટે ક્રિકેટ રમી રહી છે. જો કે તે કઈ ક્લબ માટે રમે છે. તે હજુ સુધી જાણી શકાયું નથી. પરંતુ હાલમાં જ વર્તમાન ઈન્સ્ટાગ્રામ રીલમાં જોવા મળ્યું હતું કે તેણે એક મેચમાં 145 રન બનાવ્યા હતા.