Get The App

ઘરેલુ ક્રિકેટમાં 9 સદી ફટકારી તો પણ હરાજીમાં ફક્ત 50 લાખ મળ્યાં, હવે IPLમાં દિલ્હી માટે બનશે ટ્રમ્પ કાર્ડ?

Updated: Mar 17th, 2025


Google News
Google News
ઘરેલુ ક્રિકેટમાં 9 સદી ફટકારી તો પણ હરાજીમાં ફક્ત 50 લાખ મળ્યાં, હવે IPLમાં દિલ્હી માટે બનશે ટ્રમ્પ કાર્ડ? 1 - image


Image: Facebook

IPL 2025: અનુભવી બેટ્સમેન કરુણ નાયર હવે આઈપીએલ 2025 માટે તૈયાર છે. તે પોતાની ટીમ દિલ્હી કેપિટલ્સને પહેલો ખિતાબ અપાવવામાં મહત્ત્વની ભૂમિકા નિભાવવા ઈચ્છે છે. ઘરેલુ ક્રિકેટમાં ધમાલ મચાવનાર કરુણ નાયર હવે વિશ્વની સૌથી લોભામણી ટી20 લીગમાં બેટિંગ કરતો જોવા મળશે. 2024/25 ની ઘરેલુ સીઝનમાં નાયરનું પ્રદર્શન સારું રહ્યું, જેમાં તેની 9 સદી સામેલ હતી. દિલ્હી કેપિટલ્સે આ વખતે આઈપીએલથી તેને માત્ર 50 લાખ રૂપિયામાં ખરીદ્યો છે.

33 વર્ષનો વરુણ નાયર ઘરેલુ ક્રિકેટમાં વિદર્ભ માટે મોટો ખેલાડી સાબિત થયો. તેણે 50 ઓવરના ફોર્મેટમાં રમાયેલી વિજય હજારે ટ્રોફીમાં 8 ઈનિંગમાં 389.50ની સરેરાશથી 779 રન બનાવ્યા, જેમાં 5 સદી અને એક અડધી સદી સામેલ છે. કરુણ નાયરે રણજી ટ્રોફીમાં પણ પોતાના આ ફોર્મને ચાલુ રાખ્યુ અને 53.93 ની સરેરાશથી 863 રન બનાવ્યા, જેમાં 4 સદી સામેલ છે. તેણે કેરળ વિરુદ્ધ રણજી ટ્રોફી ફાઈનલમાં 135 રન બનાવીને પોતાની ટીમને ચેમ્પિયન બનવામાં મહત્ત્વપૂર્ણ ભૂમિકા નિભાવી.

આ પણ વાંચો: IPL 2025: ભાવનગરના ક્રિકેટર ચેતન સાકરિયાને KKRને કર્યો સિલેક્ટ, સ્ટાર બોલર થયો બહાર

દરેક મેચને મહત્ત્વપૂર્ણ માનીને ચાલીશ

નાયરે કહ્યું, 'હું દિલ્હી કેપિટલ્સની ટીમમાં વાપસી કરીને હકીકતમાં ખૂબ ખુશ છું. હું ટીમથી જોડાવા અને રમવા માટે ખૂબ ઉત્સાહિત છું. હું દરેક મેચને છેલ્લી મેચની જેમ મહત્ત્પૂર્ણ માનીને ચાલીશ. મે ખૂબ વધુ ફેરફાર કર્યા નથી અને માત્ર પ્રક્રિયા પર વિશ્વાસ રાખ્યો તથા સમગ્ર સીઝન દરમિયાન આવું કરવાનું ચાલુ રાખ્યુ. આ સીઝન માટે આ મારી રણનીતિ હતી. હું જેટલું જલ્દી થઈ શકે પોતાની પ્રક્રિયા, પોતાનો લય પ્રાપ્ત કરી લઈશ અને હું જલ્દી સારી શરૂઆત કરવા ઈચ્છીશ અને જેમ-જેમ ટુર્નામેન્ટ આગળ વધશે હું સારું કરવાનો પ્રયત્ન કરીશ. મે જે એકમાત્ર બાબત કરી છે તે સ્વયંને પરિસ્થિતિઓ અનુસાર ઢાળવાની છે. મે પોતાની રમતમાં અમુક શૉટ જોડ્યા અને જરૂર પડવા પર તેને અજમાવવાનો આત્મવિશ્વાસ બનાવ્યો. હું હવે તણાવમુક્ત રહેવાનો પણ પ્રયત્ન કરું છું.'

નાયરે દિલ્હી કેપિટલ્સના નવા કેપ્ટન અક્ષર પટેલની ખૂબ પ્રશંસા કરી. તેણે કહ્યું, 'અક્ષર લાંબા સમયથી રમી રહ્યો છે અને તે શાનદાર કેપ્ટન સાબિત થશે. તે એક એવો ખેલાડી છે જે રમતના દરેક પાસા વિશે સારી રીતે જાણે છે અને દરેકની સ્થિતિ અને ભૂમિકાને સમજે છે. હું તેની સાથે કામ કરવાને લઈને ઉત્સાહિત છું.'

કેએલ રાહુલની સાથે રમવાને લઈને પણ ઉત્સાહિત 

કરુણ નાયર આ સીઝનમાં ભારતના સ્ટાર બેટ્સમેન કેએલ રાહુલની સાથે રમવાને લઈને પણ ઉત્સાહિત છે. તેણે કહ્યું, 'હું રાહુલની સાથે રમવાને લઈને ઉત્સાહિત છું. અમે શરૂથી સાથે રમીએ છીએ. તેણે આઈપીએલની છેલ્લી અમુક સીઝનમાં સારું પ્રદર્શન કર્યું છે અને હું તેની સાથે એક ટીમમાં રમવાને લઈને ખુશ છું. મને આશા છે કે આ વખતે દિલ્હી કેપિટલ્સ પોતાનો પહેલો ખિતાબ જીતવામાં સફળ થશે.'

Tags :