કોહલીને પ્રપોઝ કરનાર ક્રિકેટરે લેસ્બિયન પાર્ટનર સાથે કર્યા લગ્ન, તસવીરો વાઇરલ

Danielle Wyatt Ties The Knot With Prtner Georgie Hodge: ઈંગ્લેન્ડની મહિલા ક્રિકેટર ડેનિયલ વેટે પોતાના લેસ્બિયન પાર્ટનર જ્યોર્જી હોજ સાથે લગ્નના બંધનમાં બંધાઈ ગઈ છે. બંનેએ માર્ચ 2023માં સગાઈ કરી હતી.

ડેનિયલ વેટ અર્જુન તેંડુલકરની ખૂબ સારી મિત્ર છે અને તેના બોલિંગના ખૂબ વખાણ કરે છે. જ્યારે પણ અર્જુન ઈંગ્લેન્ડ જાય છે ત્યારે તે વેટને જરૂર મળે છે. આ સિવાય જ્યારે વેટ ભારત આવે છે ત્યારે તે અર્જુનને મળવાની એકપણ તક છોડતી નથી. વેટે 2017માં સોશિયલ મીડિયા પર વિરાટ કોહલીને પ્રપોઝ કર્યું હતું. તે કોહલીની બહુ મોટી ફેન છે. વેટની પાર્ટનર જ્યોર્જી હોજ કાબેઝ (Caa Base) ફૂટબોલ ક્લબની હેડ છે. આ કપલે 2023માં એકબીજાને પ્રપોઝ કર્યું હતું.

ડેનિયલ વેટ અને જ્યોર્જી હોજના લગ્નની તસવીરો સોશિયલ મીડિયા પર વાઈરલ થઈ રહી છે. યુઝર્સ કોમેન્ટ કરીને પોતાનો પ્રતિભાવ આપી રહ્યા છે. ડેનિયલ વેટ ઈંગ્લેન્ડ મહિલા ક્રિકેટ ટીમની વિકેટકીપર અને બેટર છે. તેણે ઘણાં રેકોર્ડ પોતાના નામે કર્યા છે. તે ફ્રેન્ચાઇઝી ક્રિકેટ પણ રમે છે. વેટ આગામી મહિલા T20 વર્લ્ડકપમાં ઇંગ્લેન્ડ તરફથી રમતી જોવા મળી શકે છે. વેટ તાજેતરમાં ધ હન્ડ્રેડ લીગમાં સધર્ન બ્રેવ્સ તરફથી રમતા જોવા મળી હતી.