30 બોલમાં આટલી સિક્સર... ટીમ ઈન્ડિયાના નિવૃત ખેલાડી પર ભારે પડ્યો ઓસ્ટ્રેલિયન પ્લેયર

World Championship of Legends 2024: યુસુફ પઠાણની તોફાની ઈનિંગ્સ છતાં ઈન્ડિયા ચેમ્પિયન્સને વર્લ્ડ ચેમ્પિયનશિપ ઓફ લિજેન્ડ્સ 2024માં હારનો સામનો કરવો પડ્યો હતો. ટૂર્નામેન્ટની 11મી મેચમાં ભારત ચેમ્પિયન્સનો સામનો ઓસ્ટ્રેલિયા ચેમ્પિયન્સ સામે થયો હતો. જેમાં ટીમ ઇન્ડિયા 23 રનથી હારી હતી. 4 મેચમાં ટીમની આ સતત બીજી હાર છે. 

નોર્થમ્પટનના કાઉન્ટી ગ્રાઉન્ડ ખાતે રમાયેલી મેચમાં ઈન્ડિયા ચેમ્પિયન્સે ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરવા આવેલા ઓસ્ટ્રેલિયાએ 20 ઓવરમાં 5 વિકેટ ગુમાવીને 199 રન બનાવ્યા હતા. જવાબમાં ભારતીય ટીમ નિર્ધારિત ઓવરમાં 6 વિકેટ ગુમાવીને 176 રન બનાવી શકી હતી. 

ઓસ્ટ્રેલિયા માટે સારી શરૂઆત

ટોસ હારીને પ્રથમ બેટિંગ કરવા ઉતરેલી ઓસ્ટ્રેલિયાએ 20 ઓવરમાં 5 વિકેટ ગુમાવીને 199 રન બનાવ્યા હતા. ડેનિયલ ક્રિશ્ચિયને સૌથી મોટી ઇનિંગ્સ રમી હતી. તેણે 33 બોલનો સામનો કર્યો તેમજ 3 ચોગ્ગા અને 7 છગ્ગાની મદદથી મહત્તમ 69 રન બનાવ્યા. 

તેમજ ઓપનિંગ કરવા આવેલા શોન માર્શે શાનદાર બેટિંગ કરી હતી, પરંતુ તે અડધી સદી ચૂકી ગયો હતો. તેણે 27 બોલમાં 7 ચોગ્ગા અને એક છગ્ગાની મદદથી 41 રન બનાવ્યા હતા. ટીમ ઈન્ડિયાના ધવલ કુલકર્ણીએ 4 ઓવરમાં 48 રન આપીને સૌથી વધુ બે વિકેટ લીધી હતી.

ક્યાં 10 સિક્સર અને ક્યાં માત્ર 2!

ઓસ્ટ્રેલિયાએ 10 છગ્ગા ફટકાર્યા હતા અને ભારતીય ટીમએ માત્ર 2 જ ફટકાર્યા હતા. એકલા છગ્ગાની આ સંખ્યાએ બંને ટીમો વચ્ચે જીત અને હાર નક્કી થઈ હતી. જો કે, જો ભારતીય સિક્સર ફટકારી શક્યા ન હતા, તો આમાં ઓસ્ટ્રેલિયાના બોલરોની ભૂમિકાને નકારી શકાય નહીં. 

ડેનિયલ ક્રિશ્ચિયન એકલો ભારે પડ્યો 

ડેનિયલ ક્રિશ્ચિયન પહેલી જ પારીથી વિસ્ફોટક ઈનિંગ્સ રમી ચૂક્યો હતો. બોલથી પણ તેણે ભારતીય ચેમ્પિયનના કેપ્ટન યુવરાજ સિંહની મોટી વિકેટ લીધી હતી. ડેનિયલ ક્રિશ્ચિયનને મેચમાં તેના શાનદાર પ્રદર્શન અને ટીમને જીત તરફ લઈ જવા બદલ પ્લેયર ઓફ ધ મેચ પસંદ કરવામાં આવ્યો હતો.