VIDEO : CSKના આ બેટ્સમેનથી અજાણતાં ક્રિકેટ ચાહકનો આઈફોન તૂટી ગયો, બાદમાં આપી આ મોટી ગિફ્ટ

Image: Facebook

IPL 2024: ચેન્નઈ સુપર કિંગ્સના ક્રિકેટર ડેરિલ મિશેલથી ક્રિકેટ પ્રેક્ટિસ દરમિયાન અજાણે એક શક્સિશાળી શોટની સાથે એક ચાહકનો આઈફોન તૂટી ગયો. તે ચાહક ત્યારે ચેન્નઈના પ્લેયરોનો વીડિયો બનાવી રહ્યો હતો. ઘટના પંજાબ કિંગ્સ વર્સેસ ચેન્નઈ સુપર કિંગ્સની વચ્ચે મેચ દરમિયાન ઘટી. આ મામલો ક્રિકેટ ચાહકો દ્વારા સોશિયલ મીડિયા પર શેર કર્યા બાદ સામે આવ્યો છે. આ ઘટના મેચ પહેલાની છે જ્યારે ડેરિલ મિશેલ બેટિંગની પ્રેક્ટિસ કરી રહ્યો હતો.

મેચ પહેલા ચેન્નઈના અમુક ઉત્સાહી ચાહકો ધર્મશાલા સ્ટેડિયમમાં આવી ગયા હતા. રમવા માટે તૈયાર થયા પહેલા મિશેલે સૌનો ઉત્સાહ વધારવા ઈચ્છ્યો. મિશેલનો શોટ ક્રિકેટ ચાહકના ફોન પર લાગ્યો સાથે જ એક ચાહક ઈજાગ્રસ્ત પણ થઈ ગયો. ડેરિલ મિશેલે આ જોઈને તાત્કાલિક લોકોની માફી માગી. આ સિવાય વળતર તરીકે મિશેલે સીએસકેના ચાહકને પોતાના મોંઘા બેટિંગ ગ્લવ્ઝ ભેટમાં આપ્યા.

જોકે આ સમગ્ર ઘટના અજાણતા થઈ હતી પરંતુ મિશેલના હૃદયસ્પર્શી સ્વભાવે ચાહકોનું દિલ જીતી લીધુ. સમગ્ર ઘટનાનો વીડિયો સોશિયલ મીડિયા પર સામે આવ્યો છે અને સીએસકે ચાહકો દ્વારા તેને ખૂબ શેર કરવામાં આવ્યો છે.

ઉલ્લેખનીય છે કે ચેન્નઈ ધર્મશાલામાં જીત બાદ 11 મેચમાંથી 12 સ્કોર સાથે પોઈન્ટ ટેબલમાં ત્રીજા સ્થાને છે. ચેન્નઈની પાસે દીપક ચહર અને મથીશા પથિરાના જેવા મુખ્ય ખેલાડી નથી તેમ છતાં ચેન્નઈ ખૂબ મજબૂત જોવા મળી રહી છે.