VIDEO : ‘બેટા જ્યારે તું અંડર-19 રમી રહ્યો હતો, ત્યારે તારો બાપ...’ વિરાટ કોહલી અંગે પાકિસ્તાની ખેલાડીના નિવેદનથી હંગામો

નવી દિલ્હી, તા.02 ફેબ્રુઆરી-2023, ગુરુવાર

ક્રિકેટના મેદાનમાં ભારત અને પાકિસ્તાન વચ્ચે જ્યારે પણ મેચ રમાય છે, ત્યારે ખેલાડીઓથી લઈને ચાહકો સહિતના લોકોમાં જુદાં જ પ્રકારનું જનુન અને ઉત્સાહ જોવા મળે છે. હાલ બંને ટીમો દ્વિપક્ષીય ક્રિકેટ મેચ રમી રહી નથી, તેમ છતાં ટીમોના પૂર્વ અને વર્તમાન ખેલાડીઓ નિવેદનબાજી કરવાથી અટકાતા નથી, ત્યારે હવે 38 વર્ષના પાકિસ્તાની બોલર આમિર સોહોલે વિરાટ કોહલીના સ્લેજિંગની ઘટના શેર કરી છે, જેના કારણે ક્રિકેટ જગતમાં હંગામો મચી ગયો છે. 

સોહેલ ખાને કોહલી સાથે થયેલી તકરારનો કિસ્સો શેર કર્યો

તાજેતરમાં જ સોહેલ ખાને  વન-ડે વર્લ્ડકપ-2015 દરમિયાન વિરાટ કોહલી સાથે થયેલી સામાન્ય તકરારનો કિસ્સો શેર કર્યો છે. જ્યારે ભારતે 2015ના વર્લ્ડકપમાં પાકિસ્તાનનો સામનો કર્યો હતો, ત્યારે સોહેલ ખાને શ્રેષ્ઠ પ્રદર્શન કર્યું હતું. આ ડાબોડી બોલરે મેચમાં 55 રન આપી 5 વિકેટ ઝડપી હતી. જોકે સોહેલ ખાન પાકિસ્તાનને જીત અપાવી શક્યો ન હતો. આ મેચમાં વિરાટ કોહલીએ 107 રનની ધમાકેદાર બેટીંગ કરી હતી.

When Sohail Khan sledged Virat Kohli…. pic.twitter.com/ALicS0W0D7

— Usama Zafar (@Usama7) November 20, 2022

વર્લ્ડકપની મેચમાં કોહલી-સોહેલ વચ્ચે ઉગ્ર તકરાર થઈ હતી

આ મેચમાં વિરાટ કોહલી અને સોહેલ ખાન વચ્ચે ઉગ્ર તકરાર થઈ ગઈ હતી. તકરાર દરમિયાન સોહેલ ખાન બેટીંગ કરી રહ્યો હતો. સોહેલ ખાને તાજેતરમાં જ આ શબ્દનો ખુલાસો કર્યો છે. સોહેલ ખાને કહ્યું કે, મેચ દરમિયાન વિરાટ કોહલી મારી પાસે આવી કહ્યું કે, ટીમમાં નવો હોવા છતાં હું વધારે બોલું છું, ત્યારે મેં તેને કહ્યું - બેટા, જ્યારે તું ભારત માટે અંડર-19 રમી રહ્યો હતો, ત્યારે હું પાકિસ્તાન માટે ટેસ્ટ ક્રિકેટ રમી રહ્યો હતો. (બેટા, જ્યારે તું અંડર-19 રમતો હતો, તારો બાપ ટેસ્ટ ક્રિકેટ રમતો હતો.) સોહેલ ખાને નાદિર અલીના પોડકાસ્ટમાં કહ્યું કે, ‘મેં આવું કહ્યું હતું. જો તમે ધ્યાનથી જોશો તો મિસ્બાએ દખલગીરી કરી અને તેઓ મારા પર ગુસ્સે થઈ ગયા. તેણે મને ચુપ રહેવા કહ્યું.’ સોહેલે વધુમાં કહ્યું કે, હું 2006થી પાકિસ્તાન માટે ટેસ્ટ ક્રિકેટ રમી રહ્યો છું, તેમ છતાં ઈજાગ્રસ્ત થઈ ગયો હતો. સોશિયલ મીડિયા પર સોહેલ ખાનનો આ વીડિયો જોરદાર વાયરલ થઈ રહ્યો છે.