ક્લે કોર્ટ કિંગ નડાલની ટેનિસ જગતને અલવિદા

વિશ્વવિક્રમી ૧૪ ફ્રેન્ચ ઓપન ટાઈટલની સાથે કુલ ૨૨ ગ્રાન્ડ સ્લેમ જીતીને ખળભળાટ મચાવનારા ક્લે કોર્ટ કિંગ નડાલની નિવૃત્તિ સાથે ટેનિસમાં એક સ્વર્ણિમ પ્રકરણનો અંત આવ્યો હતો. બે દશકની આંતરરાષ્ટ્રીય ટેનિસની કારકિર્દીમાં લડાયક મિજાજ માટે જાણીતા નડાલની ફેડરર અને યોકોવિચ સાથેની પ્રતિસ્પર્ધાએ વિશ્વભરના ચાહકોમાં આગવું આકર્ષણ જમાવ્યું હતુ. સ્પેનિશ ટેનિસ લેજન્ડ નડાલે કારકિર્દીમાં ૯૨ ટાઈટલ્સ પોતાના નામે કર્યા હતા. છેલ્લા કેટલાક સમયથી ઈજાના ગ્રહણને કારણે પરેશાન નડાલની નિવૃત્તિએ ટેનિસના ચાહકોને ગમગીન કરી દીધા હતા.