ધોની IPLમાં રમશે કે નહીં? ચેન્નઈ સુપર કિંગ્સે કહ્યું, 'હજુ સુધી કોઈ જવાબ આવ્યો નથી પણ...'

CSK CEO On MS Dhoni : આગામી IPL 2025માં ચેન્નાઈ સુપર કિંગ્સ(CSK) માટે એમએસ ધોની રમશે કે નહીં તે હજુ સુધી નિશ્ચિત થયું નથી. હવે CSKના CEO કાસી વિશ્વનાથને એક ઈવેન્ટ દરમિયાન આગામી સિઝનમાં ધોનીના રમવા અંગે મોટું અપડેટ આઓયું છે. અહીં તમને જણાવી દઈએ કે તાજેતરમાં ધોનીને અનકેપ્ડ પ્લેયર્સની યાદીમાં સામેલ કરવાની અપેક્ષાઓ ચરમસીમાએ હતી.

જ્યારે BCCI અધિકારીઓએ IPL ટીમના માલિકો સાથે બેઠક યોજી હતી. ત્યારે એવી અફવાઓ ફેલાઈ હતી કે, CSKએ અનકેપ્ડ પ્લેયરના નિયમને પાછો લાવવાની માંગ કરી હતી. પરંતુ બાદમાં ખબર પડી કે BCCI પોતે જ આ નિયમને પાછો લાવવા માંગતું હતું. આ હેઠળ કોઈપણ ખેલાડી કે જેણે છેલ્લા 5 વર્ષ કે તેથી વધુ સમયથી આંતરરાષ્ટ્રીય ક્રિકેટ નથી રમ્યું તેને અનકેપ્ડ ખેલાડીઓની યાદીમાં રાખવામાં આવશે.

આ પણ વાંચો : દિગ્ગજ ક્રિકેટરના ફેન્સ પર તૂટી પડી ભીડ, લાકડીઓ વડે માર્યો, પ્રતિંબધના વિરોધમાં દેખાવ કરી રહ્યો હતો

હજુ પણ એમએસ ધોની અંગે કોઈ સ્પષ્ટતા નથી કે શું CSK તેને અનકેપ્ડ ખેલાડી તરીકે જાળવી રાખશે કે તેના માટે અલગ યોજના બનાવવામાં આવશે. જો ધોનીને અનકેપ્ડ ખેલાડી બનાવવામાં આવે તો તેનો પગાર 3 ગણો ઘટીને 4 કરોડ રૂપિયા થઈ જશે. તેણે છેલ્લી સિઝન રમવા માટે 12 કરોડ રૂપિયાનો પગાર લીધો હતો.