ચેમ્પિયન્સ ટ્રોફી સેમિફાઇનલ પહેલા મોટા સમાચાર, શમી ટીમ ઇન્ડિયાથી બહાર થાય તેવી શક્યતા

Image: Facebook

Mohammed Shami: બે દિવસના આરામ બાદ ટીમ ઇન્ડિયા કામ પર પાછી ફરી ચૂકી છે એટલે કે ન્યૂઝીલૅન્ડ વિરુદ્ધ તૈયારી શરુ થઈ ચૂકી છે. નેટ્સ પર આમ તો બધું જ ઠીક લાગી રહ્યું હતું પરંતુ જ્યારે નજર ટીમના ઝડપી બોલર મોહમ્મદ શમી પર ગઈ ત્યારે શમી ના તો નેટ્સ પર બોલિંગ કરી રહ્યો હતો અને ના તેણે ફીલ્ડિંગ સેશનમાં ભાગ લીધો.

સૂત્રોથી જાણ થઈ કે શમીનું ન્યૂઝીલૅન્ડ વિરુદ્ધ રમવું મુશ્કેલ છે અને અટકળો એ પણ લાગી રહી છે કે તે સમગ્ર ટુર્નામેન્ટથી બહાર થઈ શકે છે. હવે દરેકના મનમાં એ ખ્યાલ આવી શકે છે કે શું શમીને માત્ર પગમાં સમસ્યા છે કે તેમના ઘૂંટણની ઈજા એક વખત ફરી ઉભરી આવી છે. પ્રેક્ટિસ સેશનમાં શમી જે રીતે પોતાના બંને ઘૂંટણને સ્ટ્રેપ કરીને રાખતાં નજર આવ્યા તે કોઈ સારા સંકેત નથી.

શમીની ફિટનેસ અપડેટ

પાકિસ્તાન વિરુદ્ધ જ્યારે શમીએ જે રીતે આઉટ ઑફ કંટ્રોલ બોલિંગથી શરુઆત કરી અને પછી તે થોડી જ વારમાં મેદાનથી પાછા જતા રહ્યા ત્યારે એ અટકળો લાગવા લાગી હતી કે શમી સંપૂર્ણરીતે ફિટ નથી અને હવે બે દિવસ બાદ જે પ્રેક્ટિસ સેશન થયું તેણે તો લગભગ મોહર જ લગાવી દીધી કે શમી કદાચ જ ન્યૂઝીલૅન્ડ વિરુદ્ધ રમી શકશે. સૂત્રોથી મળતી જાણકારી અનુસાર શમી પગની ઈજાથી તો પરેશાન છે જ જેની પર બોલિંગ કરતાં લેન્ડ કરે છે તેમાં તેને મુશ્કેલી પડી રહી છે. તમને યાદ હશે પાકિસ્તાન વિરુદ્ધ પહેલી ઓવરમાં શમીએ 5 વાઇડ ફેંક્યા હતા. જેનું એક મોટું કારણ એ હતું કે તે બોલિંગ ક્રીજ પર ઠીકથી લેન્ડ થઈ શક્યા નહોતા.

આ પણ વાંચો: અફઘાનિસ્તાન સામે કારમા પરાજય બાદ આઘાતમાં જોસ બટલર, કૅપ્ટનશિપ છોડવાના આપ્યા સંકેત

10 વર્ષથી પરેશાન છે શમી

ઓસ્ટ્રેલિયામાં રમાયેલા વર્લ્ડ કપ દરમિયાન મોહમ્મદ શમીના ઘૂંટણમાં તકલીફ શરુ થઈ ગઈ હતી અને ત્યારે તે ઇન્જેક્શન લઈને તમામ મેચ રમ્યો હતો જેનો ઉલ્લેખ શમીએ પોતે કર્યો હતો. તે બાદથી સતત શમી આ સમસ્યાથી લડતો રહ્યો અને વર્ષ 2023 વર્લ્ડ કપ દરમિયાન શમીના ઘૂંટણની સમસ્યા એક વખત ફરી ઉભરી આવી અને ઓસ્ટ્રેલિયા વિરુદ્ધ ફાઇનલમાં પણ તે ઈન્જેક્શન લઈને મેદાન પર ઉતર્યો. તે મેચમાં પણ શમી તે બોલિંગ કરી શક્યો નહીં જે તેણે લીગ મેચમાં કરી હતી. પરિણામે ભારત ફાઇનલ હારી ગયું. આ ફાઇનલ બાદ શમીએ ઘૂંટણની સર્જરી કરાવી અને ઇંગ્લૅન્ડ વિરુદ્ધ ટી-20 સીરિઝથી મેદાન પર પાછો આવ્યો પરંતુ અસલી રંગ તેણે બાંગ્લાદેશ વિરુદ્ધ જમાવ્યો અને પોતાની 10 ઓવરનો કોટા પણ પૂરો કર્યો.