વિરાટ-અનુષ્કાના ઘરે બીજી વખત પારણું બંધાશે! એબી ડી વિલર્સે કરી પુષ્ટિ

Virat Kohli And Anushka Sharma : ભારત અને ઈંગ્લેન્ડ વચ્ચે 5 મેચોની ટેસ્ટ સીરિઝ રમાઈ રહી છે. પરંતુ આ સીરિઝની શરૂઆત પહેલા ભારતીય ટીમના સ્ટાર બેટ્સમેન વિરાટ કોહલીએ પ્રથમ 2 મેચમાંથી પોતાનું નામ પાછું ખેંચી લીધું હતું. એવું કહેવામાં આવ્યું હતું કે વિરાટ કોહલી અંગત કારણોસર પ્રથમ 2 ટેસ્ટ મેચનો ભાગ નહીં હોય. પહેલા એવું કહેવામાં આવી રહ્યું હતું કે વિરાટ કોહલીની માતાની તબિયત સારી નથી. આ કારણોસર તેણે પોતાનું નામ પાછું ખેંચી લીધું હતું. પરંતુ આ પછી વિરાટ કોહલીના ભાઈ વિકાસ કોહલીએ આ વાતોને ફગાવી દીધી હતી. હવે પ્રશ્ન એ છે કે વિરાટે પોતાનું નામ પાછું કેમ ખેંચ્યું? આ અંગે મોટું અપડેટ સામે આવ્યું છે. વિરાટ કોહલી અને અનુષ્કા શર્મા બીજી વખત માતા-પિતા બનવા જઈ રહ્યા છે. આ સમાચારની પુષ્ટિ વિરાટ કોહલીના ખાસ મિત્ર એબી ડી વિલર્સે કરી છે.

એબી ડી વિલર્સે કરી પુષ્ટિ

એબી ડી વિલર્સે તેની યુટ્યુબ ચેનલ પર કહ્યું કે, “તાજેતરના દિવસોમાં વિરાટ કોહલી સાથે મારી વાતચીત થઈ હતી. હાલમાં વિરાટ કોહલી પોતાના પરિવાર સાથે છે. વિરાટ કોહલી બીજી વખત પિતા બનવા જઈ રહ્યો છે. તેથી તે પોતાના પરિવાર સાથે સમય વિતાવી રહ્યો છે.”

વિરાટ-અનુષ્કા 2021માં બન્યા હતા માતા-પિતા

વિરાટ કોહલી અને અનુષ્કા શર્મા 2021માં પહેલીવાર માતા-પિતા બન્યા હતા. તે સમયે અનુષ્કા શર્માએ પુત્રીને જન્મ આપ્યો હતો. વિરાટ કોહલી અને અનુષ્કા શર્માની દીકરીનું નામ વિરુષ્કા છે. હવે એબી ડી વિલર્સની વાત માનીએ તો આ કપલ બીજી વખત માતા-પિતા બનશે.