હવે X પર લોગીન માટે પાસવર્ડ યાદ રાખવાની જરુર નથી, જાણી લો આ નવુ ફિચર

X Pass-Key Feature:  દેશમાં સોશિયલ મીડિયા પર લોકો ખૂબ જ એક્ટિવ છે. એક વ્યક્તિના ઘણા સોશિયલ મીડિયા એકાઉન્ટ હોય છે. ઘણી વખત લોકો તેમના જુદા જુદા સોશિયલ મીડિયા એકાઉન્ટના પાસવર્ડ ભૂલી જાય છે અથવા તો ક્યારેક પાસવર્ડ હેક થઈ જાય છે જેના કારણે લોકોને ઘણી મુશ્કેલી પડે છે. તેને ધ્યાનમાં રાખીને ઘણી કંપનીઓ લોકો માટે નવા ફીચર્સ લાવવાની તૈયારી કરી રહી છે. દરમિયાન, X તેના એન્ડ્રોઇડ યુઝર્સ માટે એક નવું ફીચર લાવ્યું છે જેનું નામ પાસકી છે. આ ફીચરની મદદથી હવે તમારો પાસવર્ડ ભૂલી જવાનો ડર ખતમ થઈ જશે. 

પાસકી સુવિધા શું છે?

પાસકી એક ડિજિટલ સિક્યોરિટી ટેક્નોલોજી છે, જે પાસવર્ડની જગ્યાએ કામ કરે છે. આ અંતર્ગત યુઝર્સને કોઈપણ વેબસાઈટ કે એપમાં લોગઈન કરવા માટે પાસવર્ડ યાદ રાખવાની જરૂર નથી. તેના બદલે, પાસકી એક વિશિષ્ટ ક્રિપ્ટોગ્રાફિક કીનો (cryptographic key) ઉપયોગ કરે છે જે તે યુઝર્સ માટે જ હોય છે. સરળ ભાષામાં કહીએ તો આ ફીચરની મદદથી તમે તમારા કોઈપણ સોશિયલ મીડિયા એકાઉન્ટમાં પાસવર્ડ વગર લોગઈન કરી શકો છો. તે તમારા બાયોમેટ્રિક ડેટાનો ઉપયોગ કરે છે જેમ કે તમારી ફિંગરપ્રિન્ટ અથવા ચહેરાની ઓળખ.

પાસકી સુવિધા કેવી રીતે સેટ કરવી?

મહત્વનું છેકે, આ ફીચર એન્ડ્રોઈડ યુઝર્સ માટે X પર રજૂ કરવામાં આવ્યું છે. તમે તેને તમારા એકાઉન્ટમાં સરળતાથી સેટઅપ કરી શકો છો.

• સૌથી પહેલા તમારે તમારું X  એકાઉન્ટ ઓપન કરવાનુ છે.
• આ પછી તમારે ‘નેવિગેશન બાર’ પર જઈને તમારા એકાઉન્ટ પર ક્લિક કરવાનું રહેશે. 
• પછી તમારે ‘સેટિંગ્સ એન્ડ પ્રાઈવસી’માં જઈને ‘સિક્યોરિટી’ વિકલ્પ પર ક્લિક કરવાનું રહેશે. 
• જે બાદ છેલ્લે 'એડીશનલ પાસવર્ડ પ્રોટેક્શન' પર ટેપ કરો અને પાસકી ઓપ્શન સિલેક્ટ કરો. 
•  ‘એડ પાસકી’ વિકલ્પ પર ક્લિક કરો.

આ પછી તમારો પાસવર્ડ એડ થઈ જશે ત્યારપછી તમે પાસવર્ડ નાખ્યા વગર તમારા એકાઉન્ટમાં લોગીન કરી શકશો.