વોટ્સએપ પર આવ્યું નવું ફીચર, હવે Paytm અને ગૂગલ પેની જેમ કરી શકશો પેમેન્ટ, જાણીલો ડિટેઈલ્સ

નવી દિલ્હી,તા.20 સપ્ટેમ્બર 2023, બુધવાર 

મેટા-માલિકીની ઇન્સ્ટન્ટ મેસેજિંગ એપ્લિકેશન WhatsApp પર એક નવું અપડેટ આવ્યું છે. વોટ્સએપે એક બ્લોગ પોસ્ટમાં આ અંગેની માહિતી આપી હતી. વોટ્સઅપ પોતાના યુઝર્સને સમયે સમયે નવી અપડેટ અને સુવિધાઓ પુરી પાડતુ રહે છે. 

વોટ્સએપ પેમેન્ટ ફીચર

બ્લોગ પોસ્ટમાં પ્રમાણે, યુઝર્સ ચેટ કરતી વખતે સરળતાથી ખરીદી કરી શકશો. આજથી, ભારતમાં લોકો તેમના કાર્ટમાં વસ્તુઓ ઉમેરી શકે છે અને ભારતમાં ચાલતી તમામ UPI એપ્સ દ્વારા ડેબિટ અને ક્રેડિટ કાર્ડ જેવી તેમની કોઈપણ પસંદગીની પદ્ધતિથી ચૂકવણી કરી શકે છે.

જેમાં WhatsApp યુઝર્સ UPI એપ્લિકેશન, ડેબિટ કાર્ડ, ક્રેડિટ કાર્ડ અને નેટ બેંકિંગનો ઉપયોગ કરીને ઑનલાઇન ચુકવણી કરી શકશે.

ટેક નિષ્ણાતોના મતે, WhatsAppના આ અપડેટનો હેતુ યુઝર્સને WhatsApp દ્વારા ખરીદી કરવા માટે પ્રોત્સાહિત કરવાનો છે. 

WhatsAppના બ્લોગમાં વધુમાં જણાવવામાં આવ્યું છે કે WhatsApp Razorpay અને PayU સાથે પાર્ટનરશિપ કરીને ખુશ છે. UPI એપમાં હવે Google Pay, PhonePe, Paytmનો સમાવેશ થાય છે. 

પહેલા યુઝર્સ આ એપ્સ દ્વારા વોટ્સએપ પર પેમેન્ટ કરી શકતા હતા, પરંતુ વોટ્સએપની બહાર રીડાયરેક્ટ થયા પછી જ, પરંતુ હવે આવું કરવાની જરૂર રહેશે નહીં.

100 મિલિયન યુઝર્સે WhatsApp પેમેન્ટ ફીચરનો ઉપયોગ કરવો પડશે

વોટ્સએપ દ્વારા આપવામાં આવેલી માહિતી અનુસાર, ભારતમાં વોટ્સએપના 500 મિલિયન યુઝર્સ છે, પરંતુ WhatsApp પેનો ઉપયોગ માત્ર 100 મિલિયન યુઝર્સ જ કરે છે. આવી સ્થિતિમાં વોટ્સએપે આ મોટા ફેરફાર માટે એક નવું ફીચર ઉમેર્યું છે. 

અત્યાર સુધી WhatsApp એન્ડ ટુ એન્ડ શોપિંગ Jio માર્ટ અને ચેન્નાઈ અને બેંગ્લોર મેટ્રો સિસ્ટમમાં ઉપલબ્ધ હતું. આવી સ્થિતિમાં વોટ્સએપનું નવું ફીચર પેમેન્ટ માટે વધુ વિકલ્પો ઉમેરવાની સુવિધા આપશે.