વોટ્સએપ શાનદાર અપડેટ લાવ્યું, સ્ટેટસ અપડેટ્સમાં ગ્રૂપ ચેટને મેન્શન કરવાનું ફીચર રોલઆઉટ
Updated: Dec 19th, 2024
WhatsApp: વોટ્સએપ છેલ્લા ઘણાં સમયથી ગ્રૂપ ચેટ્સને સ્ટેટસમાં મેન્શન કરનારા ફીચર પર કામ કરી રહ્યું છે. આ ફીચર આવવાથી યુઝર્સ એકસાથે આખા ગ્રૂપને મેન્શન કરી શકશે. તેમને અલગથી એક-એક કોન્ટેક્ટને સ્ટેટસમાં ટેગ કરવાની જરૂર નહીં પડે. હવે સમાચાર મળી રહ્યા છે કે, આ ફીચરનું ટેસ્ટિંગ શરુ થઈ ગયું છે. તે કેટલાક બીટા યુઝર્સ માટે રોલઆઉટ કરી દેવામાં આવ્યું છે.
Wabetainfoએ પોતાના રિપોર્ટમાં જણાવ્યું છે કે, ગૂગલ પ્લે સ્ટોર પર ઉપલબ્ધ WhatsApp Android 2.24.26.17 બીટા અપડેટથી અપકમિંગ ફીચરનો ખુલાસો થશે. આ ફીચરનું નામ ગ્રૂપ ચેટ મેન્શન ઇન સ્ટેટસ અપડેટ છે. તેના દ્વારા સ્ટેટસમાં ગ્રૂપ ચેટ મેન્શન કરવાની સુવિધા મળશે.
જો તમે ઓફિશિયલ ટ્વીટમાં જોડાયેલ સ્ક્રીનશોટને જોશો તો આ ટૂલ બીટા યુઝર્સ માટે ઉપલબ્ધ છે. જ્યારે યુઝર્સ કોઈ ગ્રૂપને સ્ટેટસમાં મેન્શન કરશે ત્યારે ગ્રૂપના તમામ મેમ્બર્સને નોટિફિકેશન મળશે, જેનાથી તેમને ખબર પડી જશે કે તેમને સ્ટેટસમાં ટેગ કરવામાં આવ્યા છે. તેનું નોટિફિકેશન એ યુઝર્સને પણ મળશે જેને રિસ્ટ્રિક્ટ કરવામાં આવ્યા હશે. આ ફીચર આવવાથી અલગથી ગ્રૂપના મેમ્બરને ટેગ કરવાની જરૂર નહીં પડશે.
ગ્રૂપ મેમ્બર પણ શેર કરી શકશે સ્ટેટસ
આ ફીચર હેઠળ વોટ્સએપ ગ્રૂપના મેમ્બર પણ મેન્શન સ્ટેટસને પોતાના કોન્ટેક્ટ સાથે શેર કરી શકશે. તેનાથી યૂઝરને પોતાના વિચારો શેર કરવાની પૂરી આઝાદી મળશે. આ સુવિધા યુઝર્સને ખૂબ કામ આવશે. તેનાથી સ્ટેટસ વધુમાં વધુ યુઝર્સ સુધી પહોંચશે.
જેમ વોટ્સએપનું ગ્રૂપ ચેટ મેન્શન ફીચર હાલમાં ટેસ્ટિંગ ઝોનમાં છે. એવી અટકળો લગાવવામાં આવી રહી છે કે આ ફીચરને જાન્યુઆરી 2025ના મધ્ય સુધીમાં રોલઆઉટ કરવામાં આવી શકે છે. હાલમાં વોટ્સએપ દ્વારા ફીચરના લોન્ચિંગ સાથે સબંધિત કોઈ માહિતી આપવામાં નથી આવી.
