અમેરિકામાં ફરી શરુ થઈ ગયું ટિક-ટોક, ટ્રમ્પે એક્ઝિક્યુટિવ ઑર્ડર પાસ કર્યો

TikTok Start Again in USA: અમેરિકામાં ટિક-ટોકની સર્વિસ ફરી શરુ થઈ ગઈ છે. ટિક-ટોકની પેરન્ટ કંપની બાઇટડાન્સ દ્વારા રવિવારે તેમની સર્વિસને અમેરિકામાં બંધ કરી દેવામાં આવી હતી. જોકે ડોનાલ્ડ ટ્રમ્પે એક્ઝિક્યુટિવ ઑર્ડર પાસ કરીને ફરી સર્વિસ શરુ કરી દીધી છે.

ટ્રમ્પનો માન્યો આભાર

ટિક-ટોક દ્વારા ડોનાલ્ડ ટ્રમ્પનો આભાર માનવામાં આવ્યો છે. ટિક-ટોકના સર્વિસ પ્રોવાઇડરને જરૂરી તમામ માહિતી આપી હતી અને તેમને સાંત્વના પણ આપી હોવાથી સર્વિસને ફરી શરુ કરવામાં આવી છે. આ વિશે કંપનીએ સ્ટેટમેન્ટમાં કહ્યું હતું કે ‘અમે પ્રેસિડન્ટ ટ્રમ્પનો આભાર માનીએ છીએ કે તેમણે અમને જરૂરી તમામ માહિતી આપી છે. આ સાથે જ એ વાતની ખાતરી આપી છે કે તેમના સર્વિસ પ્રોવાઇડરને કોઈ પણ પેનલ્ટી ભરવી નહીં પડે. ટિક-ટોક પર 170 મિલિયન ફોલોઅર્સ છે અને 7 મિલિયન સ્મોલ બિઝનેસ કામ કરી રહ્યા છે.’

સેન્સરશિપ વિરુદ્ધ ડોનાલ્ડ ટ્રમ્પ

ટિક-ટોક પર સેન્સરશિપ લગાવવામાં આવશે એવી વાતો ચાલી હતી કારણ કે કંપની પર એવો આરોપ મૂકવામાં આવ્યો હતો કે તે યુઝરના ડેટા કલેક્ટ કરે છે. કંપની દ્વારા એ વિશે વાંધો ઉઠાવવામાં આવ્યો હતો. આ સાથે જ કંપનીએ ટ્રમ્પ સાથે મળીને ભવિષ્યમાં બિઝનેસ સાથે કરવા માટેની વાત કરી હતી. ટ્રમ્પ દ્વારા એ પણ કહેવામાં આવ્યું હતું કે પોતાની ઇનોગ્રેશન દરમિયાન બ્રોડકાસ્ટિંગ માટે આ પ્લેટફોર્મની તેને પણ જરૂર છે.

ટિક-ટોક થયું ધીમે-ધીમે શરુ

ટિક-ટોક દ્વારા સર્વિસ બંધ કરી દેવામાં આવી હતી. જોકે તેમણે પોતાની સર્વિસ ધીમે-ધીમે ફરી શરુ કરી છે. સૌથી પહેલાં તેમણે વેબ-બ્રાઉઝર દ્વારા સર્વિસ શરુ કરી હતી. ત્યાર બાદ કેટલાક યુઝર મોબાઇલ દ્વારા એનો ઉપયોગ કરી શક્યા હતા. જોકે આ ઍપ્લિકેશન હજી પણ એપલ અને ગૂગલ સ્ટોર પર ઉપલબ્ધ નથી.

આ પણ વાંચો: ઈન્સ્ટાગ્રામે લોન્ચ કરી વીડિયો એડિટિંગ એપ, યુઝર્સ માટે શોર્ટ વીડિયો બનાવવા સરળ થઈ જશે

ટિક-ટોક માટે ટ્રમ્પની ઓફર

ટ્રમ્પ દ્વારા ટિક-ટોકને એક ઓફર આપવામાં આવી છે. અમેરિકાના યુનિટમાં 50 ટકા બાઇટડાન્સ અને 50 ટકા અમેરિકાનો હિસ્સો હોય એવી ઓફર આપી છે. આથી બન્ને દેશને એનો ફાયદો રહે છે. આ પાર્ટનરશિપ દ્વારા ટિક-ટોક પર જે પણ આરોપ લાગ્યા છે એ નીકળી શકે છે અને અમેરિકામાં એ સરળતાથી કામ કરી શકે છે.