2025માં સ્માર્ટફોનની કિંમતોમાં વધારો: AI ફીચર્સ અને 5G પાર્ટ્સના કારણે વધુ ખર્ચા કરવા પડશે

Increase Mobile Price: આ વર્ષ પૂરું થવા આવ્યું છે અને આપણે નવા વર્ષ તરફ ઝડપી બનીને પ્રયાણ કરી રહ્યાં છીએ. નવા વર્ષ વિશે અનેક અટકળો ચાલી રહી છે, જેમ કે 2025માં સ્માર્ટફોન ખરીદવા માટે વધુ પૈસા ચૂકવવા પડશે. 2024માં AI ફીચર્સ વાળા ફોન ચર્ચામાં હતાં, પણ એ મોડીનમાં માત્ર કેટલાંય મોડલમાં ઉપલબ્ધ હતા. હવે, મોટાભાગના સ્માર્ટફોનમાં આ ફીચર્સ જોવા મળશે.

AIનો ક્રેઝ અને ખર્ચ

અત્યારે પ્રીમિયમ સ્માર્ટફોનમાં AI ટેક્નોલોજી ઉપલબ્ધ છે, અને તેની પ્રાઇઝમાં વધારો ગણી શકાય એવો છે. હવે, ધીમે ધીમે નાના-નાના ફોનમાં પણ AIનો સમાવેશ થશે, જેના કારણે બજેટ ફોનની કિંમતોમાં વધારો થશે. સ્માર્ટફોન કંપનીઓ હવે AI માટે સારા પ્રોસેસરનો ઉપયોગ કરી રહી છે, જેમ કે CPU, NPU અને GPUનું પર્ફોર્મન્સ સુધારવા માટે. આથી, AI ફીચર્સના કારણે આ પ્રોસેસરના ખર્ચમાં વધારો થશે અને તેની સીધી અસર મોબાઇલની કિંમત પર પડશે.

હાર્ડવેર અને સોફ્ટવેરમાં સુધારા

AIના કારણે માત્ર હાર્ડવેર જ નહીં, પણ સોફ્ટવેર પર પણ કંપનીઓને મોટા પાયે કામ કરવું પડશે. આ માટે કંપનીઓ ઘણું ઇનવેસ્ટ કરી રહી છે, જેની અસર પણ સ્માર્ટફોનની કિંમતો પર પડશે. પરંતુ, વધુ ખર્ચને કારણે યૂઝરને વધુ સારી પ્રોડક્ટ મળવાની શકયતા છે.

વધતા ખર્ચ

2025માં કોઈ પણ AI ફોનનો ઉપયોગ કરવા માટે યૂઝરે વધુ પૈસા ખર્ચ કરવા પડશે, આ નવીન ફીચર્સને કારણે. આ ફીચર્સ યૂઝર માટે મદદરૂપ છે કે નહીં તે તેઓએ નક્કી કરવું પડશે. હાલના સમયના AI ફીચર્સ ઘણાં યૂઝર્સ માટે કામના નથી. આથી, AI ફીચર્સ વાળો ફોન લેવો કે નહીં એ યૂઝરે નક્કી કરવું પડશે.

આ પણ વાંચો: લગ્નના આમંત્રણના નામે થઈ રહ્યાં છે સ્કેમ: વોટ્સએપ પર મેસેજ મોકલી બેન્ક એકાઉન્ટ ખાલી કરવામાં આવી રહ્યાં છે

AIની પાછળ ગાંડા બનીને પૈસા ખર્ચ કરવું કે જરૂરી ફીચર્સ વાળો ફોન ખરીદી તેનો ઉપયોગ કરવો એ દરેક યૂઝરનો અંગત મત હોઈ શકે છે. AIના ફીચર્સ જોઈને ફોન ખરીદવાની ઇચ્છા થઈ શકે છે, પરંતુ એક વાર ખરીદ્યા બાદ ફીચર્સને યાદ રાખવું મુશ્કેલ બની શકે છે.