જિબ્લી પાછળ ઘેલા થયેલાં યુઝર્સ માટે સેમ ઓલ્ટમેનને કહ્યું, ‘કોઈ પણ વ્યક્તિ ઇમેજના વર્ઝન 2 માટે તૈયાર નથી’

OpenAI Will not Release New Feature in Near Future: સેમ ઓલ્ટમેન દ્વારા જણાવવામાં આવ્યું છે કે યુઝર્સ હજી સુધી ઇમેજ જનરેશનના વર્ઝન 2 માટે તૈયાર નથી. ચેટજીપીટી દ્વારા ઇમેજ જનરેશન ફીચર લોન્ચ કરતાં, દુનિયાભરના લોકોએ આના પર તૂટી પડ્યા હતા. આ ફીચર વિશ્વભરમાં ટ્રેન્ડમાં આવી ગયું છે. સામાન્ય વ્યક્તિથી લઈને રાજકારણીઓ અને અભિનેતાઓ પણ પોતાની ઇમેજ બનાવી રહ્યા છે. જો કે, હવે સેમ ઓલ્ટમેનનું કહેવું છે કે તેઓ નવા ફીચર રજૂ કરવા માટે થોડો સમય લેશે.

જિબ્લી ફીચરની અસરને કારણે GPU પર વધતો ભાર

સેમ ઓલ્ટમેનના જણાવ્યા મુજબ, જિબ્લી સ્ટુડિયો અસર ટ્રેન્ડમાં આવી ચૂકી છે. લોકોએ આ વિશે અનન્ય ઉત્સાહ દાખવતા, તેમની પ્રોસેસિંગ ક્ષમતા પર ભાર વધી ગયો છે. GPU એટલા ગરમ થઈ રહ્યા છે કે તે નષ્ટ થઈ રહ્યા છે. સતત ઇમેજ ક્રિએશનની પ્રક્રિયાને કારણે મશીનો સતત કામમાં જોડાઈ ગયા છે. આ દબાણને કારણે કાર્યવાહીને વધુ સમય લાગતો છે. સેમ ઓલ્ટમેન દ્વારા ઇમેજ જનરેટ કરવાની મર્યાદા ઘટાડવામાં આવી છે. હવે, ફીચરના ફ્રી વર્ઝનનો ઉપયોગ કરવા મળે છે.

GPUની વધતી માગ

અપેક્ષા કરતાં વધુ ઉપયોગને કારણે, ચેટજીપીટીના પાવરનો અંદાજ ઓછો પડ્યો છે. હવે તેને વધુ GPUની જરૂર છે. સેમ ઓલ્ટમેન દ્વારા એક્સ પર પોસ્ટ કરવામાં આવી કે, ‘અમારાથી શક્ય હોય તેટલી ઝડપે દરેક બાબતને કંટ્રોલમાં લાવવાની કોશિશ કરી રહ્યા છીએ જેથી યુઝર્સને કોઈ પરેશાની ન થાય. જો કોઈ પાસે એક લાખથી વધુ GPU હોય તો અમને તરત જ સંપર્ક કરો.’

આ પણ વાંચો: આતંકવાદને લઈને ઉશ્કેરણી કરતું જોવા મળ્યું AI, કોઈપણ વ્યક્તિનું દિમાગ ભ્રષ્ટ કરી શકે છે...

ઇમેજના નવા વર્ઝન માટે યુઝર્સ તૈયાર નથી

ચેટજીપીટી દ્વારા ઇમેજ જનરેશન ફીચર લોન્ચ કરાયા બાદ, યુઝર્સ દ્વારા અતિશય ઉત્સાહ દર્શાવવામાં આવ્યો. આના કારણે GPU પર ભાર વઘી ગયો. સેમ ઓલ્ટમેનના મતે, યુઝર્સ હજી સુયોજિત રીતે આ ફીચરનો ઉપયોગ ન કરી શકતા હોવાને કારણે તેઓ નવા વર્ઝન માટે હજુ તૈયાર નથી. સેમ ઓલ્ટમેન દ્વારા એક્સ પર પોસ્ટ કરવામાં આવી કે, ‘હવે OpenAI દ્વારા જે પણ લોન્ચ કરવામાં આવશે, તેને વિલંબ સાથે રજૂ કરવામાં આવશે. મશીનોને આરામ આપવાની જરૂર છે. હાલ તમે ઇમેજના વર્ઝન 2 માટે તૈયાર નથી.’