કઈ રીતે ફોટોઝમાં આપી શકાય Ghibli ઈફેક્ટ? લોકોને AIના નવા ફીચરનું ઘેલું લાગ્યું

How to Use Trending Ghibli Effect: ઇન્ટરનેટ પર હાલમાં ઘિબ્લી સ્ટાઇલના ફોટા ખૂબ જ વાઇરલ થયા છે. આ એક ટ્રેન્ડ છે જે હાલ શરૂ થયો છે. યુઝર્સ સોશિયલ મીડિયા પર પોતાના ફોટાઓને ઘિબ્લી સ્ટાઇલમાં કન્વર્ટ કરી રહ્યાં છે. હયાઓ મિયાઝાકીએ એક સ્ટુડિયોની સ્થાપના કરી હતી, જેને 'ઘિબ્લી સ્ટુડિયો' નામ આપવામાં આવ્યું હતું. ટોક્યો સ્થિત આ કંપનીએ ઘણાં સ્મારક એનિમેશન પ્રોજેક્ટ્સ બનાવ્યા છે. તેમણે 'ગ્રેવ ઓફ ધ ફાયરફ્લાઇસ', 'ધ વિન્ડ રાઇઝીસ', 'સ્પિરિટેડ અવે', અને 'માય નેબર ટોટોરો' જેવા કેટલાંક પ્રખ્યાત પ્રોજેક્ટ રજૂ કર્યા છે. હવે, આ એનિમેશનના આધારે લોકો પોતાના ફોટા આ સ્ટાઇલમાં શેર કરી રહ્યાં છે.

OpenAIએ લોન્ચ કર્યું નવીન ફીચર

OpenAI દ્વારા બુધવારે એક નવું ફીચર રજૂ થયું, જેની મદદથી યુઝર્સ તેમના ફોટાને ઘિબ્લી સ્ટાઇલમાં રૂપાંતર કરી શકે છે. આ ફીચર રજૂ થયા બાદ OpenAIના સીઇઓ સેમ ઓલ્ટમેન પણ પોતાનો ફોટો આ શૈલીમાં બનાવ્યું છે. ઘિબ્લી સ્ટુડિયો પણ પોતાના વિવિધ ફોટાઓને ચેટજીપીટીની મદદથી બદલીને શેર કરી રહ્યું છે. આ ફીચર લોકપ્રિય બનતું જતું રહ્યું છે અને આખા વિશ્વમાં ટૂંકા ગાળામાં જ ટ્રેન્ડિંગ થઈ ગયું છે. ભારતમાં પણ, હવે બોલીવુડની જાણીતી ફિલ્મોના દૃશ્યો એનિમેશનમાં રૂપાંતરિત કરીને શેર કરવાં માંડ્યા છે.

ચેટજીપીટી પ્લસના યુઝર્સ માટે વિશેષ ફીચર

ચેટજીપીટીના લેટેસ્ટ વર્ઝનમાં આ ફીચર ઉપલબ્ધ કરાયું છે. ચેટજીપીટી પ્લસ સબ્સ્ક્રિપ્શન સાથે યુઝર્સ DALL-Eની મદદથી ઘિબ્લી સ્ટુડિયો જેવી શૈલીમાં તેમના ફોટાઓને કન્વર્ટ કરી શકે છે. ચેટજીપીટી પ્લસ અને પ્રો વર્ઝનમાં આ સર્વિસ ઉપલબ્ધ છે, અને ચેટજીપીટી પ્લસનું સબ્સ્ક્રિપ્શન મહિને $20થી શરૂ થાય છે. આ ફીચરનો ઉપયોગ કરીને યુઝર્સ ફોટો અપલોડ કરીને તેમને સ્ટુડિયો ઘિબ્લી જેવી શૈલીમાં બદલી શકે છે. આ ઉપરાંત, યુઝર્સ સોરાનો ઉપયોગ કરી ટેક્સ્ટ-ટુ-વીડિયો સેવા પણ લઈ શકે છે, જે પેઇડ સેવાઓમાં સમાવેશ થાય છે.

ફ્રીમાં કેવી રીતે ઉપયોગ કરવો?

ચેટજીપીટીના GPT-3.5 વર્ઝનમાં આ ફીચર ઉપલબ્ધ નથી, પરંતુ GPT-4o નો ઉપયોગ કરીને, યૂઝર્સ આ ફીચર સુધી પહોંચી શકે છે. GPT-4oમાં ઇમેજ જનરેશન ફીચર્સનો સમાવેશ છે, જેની મદદથી યૂઝર્સ ફોટાઓને એનિમેશન શૈલીમાં બદલી શકે છે. ફ્રી ટ્રાયલ પીરિયડની મદદથી યુઝર્સ ચેટજીપીટી પ્લસ નો ઉપયોગ કરીને ફોટા બનાવી શકે છે. પરંતુ આ ઓપરેશન મર્યાદિત સમય માટે જ ઉપલબ્ધ છે.

અન્ય AI પ્લેટફોર્મ્સનો પણ કરી શકાય છે ઉપયોગ

ચેટજીપીટી સિવાય યુઝર્સ ગ્રોક અને જેમિની જેવા પ્લેટફોર્મ્સનો ઉપયોગ કરી શકે છે, જ્યાં આ પ્લેટફોર્મ્સ પર ઇમેજ જનરેશન ફીચર્સ છે. આથી યુઝર્સ ફ્રીમાં ઇમેજ ક્રિએશન માટે આ પ્લેટફોર્મ્સ પસંદ કરી શકે છે. આ સિવાય માઇક્રોસોફ્ટ કોપાઇલટ, ક્રેયોન, ડીપAI, અને પ્લેગ્રાઉન્ડ AI જેવી સર્વિસ પણ ઉપલબ્ધ છે, જ્યાં વિવિધ ઇફેક્ટ્સથી ફ્રીમાં ફોટા જનરેટ કરી શકાય છે.

આ પણ વાંચો: BHIM 3.0 લોન્ચ: ધીમા ઇન્ટરનેટમાં પણ થશે UPI પેમેન્ટ, જાણો 5 ખાસિયત

કમાન્ડ સૌથી મહત્ત્વનો

ફોટો જનરેટ કરવા માટે, યોગ્ય અને વિગતવાર કમાન્ડ મહત્વપૂર્ણ છે. યુઝર્સ ફોટો અપલોડ કર્યા બાદ વિશિષ્ટ ઘિબ્લી ઇફેક્ટ્સ અથવા પાત્રો વિશે લખીને આ કમાન્ડ્સ આપી શકે છે. જો કમાન્ડમાં ભૂલો હોય તો યોગ્ય ઇમેજ જનરેટ થતી નથી.