માથું ખંજવાળવાનો 33 હજાર રૂપિયાનો દંડ, કાર ચાલક મેમો જોઈને ચોંક્યો, કોર્ટ પહોંચ્યો મામલો

33 thousand fined for scratching head while driving: રેડ લાઈટ ઓળંગવી નહીં, સ્પીડ લિમીટમાં રાખવી, ટુ-વ્હીલર પર હેલ્મેટ પહેરવું વગેરે જેવા નિયમો લોકોએ  કોઈપણ વાહન ચલાવતી વખતે ધ્યાનમાં રાખવાના હોય છે. જો આ નિયમોનો ભંગ થાય છે, તો દંડ લાદવામાં આવે છે અથવા ચલણ જારી કરવામાં આવે છે. આજકાલ, કેમેરાએ રસ્તાઓ પર મેન્યુઅલ મોનિટરિંગનું સ્થાન લીધું છે. જે નાની નાની ગેરરીતિઓ પણ પકડી રહી છે અને સીધા ફોન નંબર પર ચલણ મોકલવામાં આવે છે. 

માથું ખંજવાળવાનો દંડ રૂ. 33,198

તાજેતરમાં એક ટિમ નામના ડચ વ્યક્તિને 380 યુરો એટલે કે રૂ. 33198નો દંડ ફટકારવામાં આવ્યો હતો. હકીકતમાં, AI સંચાલિત કેમેરાએ તેને ડ્રાઇવિંગ દરમિયાન ફોન પર વાત કરતા પકડી લીધો હતો. તે વ્યક્તિ દાવો કરે છે કે તે માત્ર તેનું માથું ખંજવાળતો હતો અને સિસ્ટમે ભૂલ કરી હતી. 

AI સંચાલિત કેમેરાએ કરી ભૂલ 

સેન્ટ્રલ જ્યુડિશિયલ કલેક્શન એજન્સીમાં કેમેરામાંથી લીધેલા તેના ફોટોગ્રાફને તપાસવાનું નક્કી કર્યું. પ્રથમ નજરમાં, એવું લાગે છે કે ટિમ ખરેખર તેના ફોન પર વાત કરી રહ્યો છે, પરંતુ નજીકથી જોવામાં આવે છે કે તેના હાથમાં ખરેખર કંઈ નથી. તે ફક્ત પોતાનુ માથું ખંજવાળી રહ્યો છે અને AI કેમેરાએ તેની આ  હાથની સ્થિતિનું અર્થઘટન ફોનને પકડ્યો હોય એવો કર્યો છે. સૌથી વધુ ચોંકાવનારી વાત એ છે કે જે વ્યક્તિએ ફોટો તપાસ્યો અને તેના દંડની પુષ્ટિ કરી તેણે પણ સ્વીકાર્યું કે કેમેરાથી ભૂલ થઈ હતી. આઇટી વિભાગે આ બાબતે એલ્ગોરિધમ સમજાવતા પોતાના અંગત અનુભવથી કહ્યું કે, પોલીસ કેમેરા સિસ્ટમ, મોનોકેમ, કેવી રીતે કામ કરે છે અને તે શા માટે ભૂલો કરી શકે છે. તેમ છતાં અધિકારી પોતે પણ મોનોકેમનું પરીક્ષણ કરી શક્યો ન હતો. 

આઇટી નિષ્ણાતનું આ બાબતે શું કહેવું છે?

આ બાબતે આઇટી નિષ્ણાતે કહ્યું કે મોનોકેમ જેવી સિસ્ટમને એક ટ્રેનીગ સેટ, બીજો વેરિફિકેશન સેટ અને ત્રીજો ટેસ્ટ સેટ એમ ત્રણ સમૂહમાં વિભાજિત કરવું જોઈએ. પ્રથમ સેટનો ઉપયોગ એલ્ગોરિધમને શીખવવા માટે થાય છે કે કઈ ઓબ્જેક્ટ કઈ ઈમેજ પર છે અને તેમની પાસે કઈ પ્રોપર્ટીઝ (રંગ, રેખાઓ વગેરે) છે, બીજા સેટનો ઉપયોગ એલ્ગોરિધમના ઘણા હાયપર-પેરામીટર્સને ઑપ્ટિમાઇઝ કરવા માટે કરવામાં આવે છે. ત્રીજાનું પરીક્ષણ સિસ્ટમ ખરેખર કેટલી સારી રીતે કામ કરે છે તેના માટે કરવી.

જોકે, આ કેસમાં સત્તાવાર નિર્ણય માટે 26 અઠવાડિયા સુધી રાહ જોવી પડશે. આ મુદ્દો નેધરલેન્ડ અને બેલ્જિયમ જેવા પડોશી દેશોમાં વાયરલ થયો છે, જ્યાં કેટલીક સંસ્થાઓ ડ્રાઇવિંગ કરતી વખતે મોબાઇલ ફોનના ઉપયોગને ઓળખી શકે તેવા કેમેરા લગાવવાની માંગ કરી રહી છે, પરંતુ ટિમનો કેસ આ સાબિત કરે છે કે આવા કેમેરા 100% ભરોસાપાત્ર નથી.