જાપાન લાકડામાંથી બનેલો વિશ્વનો પહેલો સેટેલાઇટ લોન્ચ કરશે, આ પ્રયોગ પાછળનું કારણ છે ખાસ

(Image courtesy- Kyoto university)

Japan to launch world first Wooden Satellite: જાપાનના વૈજ્ઞાનિકોએ લિગ્નોસેટ નામનો લાકડાનો સેટેલાઈટ બનાવ્યો છે. આ સેટેલાઈટ મેગ્નોલિયા લાકડામાંથી બનાવવામાં આવ્યો છે. જે ઇન્ટરનેશનલ સ્પેસ સ્ટેશન (ISS) પર હાથ ધરવામાં આવેલા પ્રયોગ છે. આ ઉનાળામાં આ સેટેલાઈટને અમેરિકન રોકેટથી લોન્ચ કરવાની યોજના છે. 

પર્યાવરણને બચાવવા એક કોશિશ

એક અહેવાલ મુજબ, આ લાકડાના સેટેલાઈટને ક્યોટો યુનિવર્સિટી અને લોગિંગ કંપની સુમિતોમો ફોરેસ્ટ્રીના સંશોધકો દ્વારા બનાવવામાં આવ્યો છે. તેને બનાવવા પાછળનો વિચાર એ પણ છે કે લાકડા જેવી બાયોડિગ્રેડેબલ સામગ્રીનો ઉપયોગ કરવાના વિચારને ચકાસવા માટે, તે જોવા માટે કે શું તે ધાતુઓના પર્યાવરણને અનુકૂળ વિકલ્પ તરીકે કામ કરી શકે છે જેમાંથી હાલમાં તમામ ઉપગ્રહો બનાવવામાં આવે છે.

વિવિધ પ્રકારના લાકડાનું કર્યું પરીક્ષણ 

જાપાની અવકાશયાત્રી અને ક્યોટો યુનિવર્સિટીના એરોસ્પેસ એન્જિનિયર ટાકાઓ ડોઈએ જણાવ્યું હતું કે પૃથ્વીના વાતાવરણમાં ફરી પ્રવેશતા સેટેલાઈટ બળી જાય છે જેના નાના એલ્યુમિનિયમ કણો બને છે. આ કણો અવકાશમાં ઘણા વર્ષો સુધી તરતા રહે છે. જેથી પૃથ્વીના પર્યાવરણને નુકસાન થશે. આ સમસ્યાનો સામનો કરવા માટે, ક્યોટોના સંશોધકોએ લાકડાના ઉપગ્રહો બનાવવાની દિશામાં પગલાં લીધાં. આ માટે, વિવિધ પ્રકારના લાકડાનું પરીક્ષણ કરવામાં આવ્યું હતું. જેના નમૂના ISS ને મોકલવામાં આવ્યા હતા, જેનું એક વર્ષ સુધી પરીક્ષણ કરવામાં આવ્યું હતું.

પરીક્ષણ પૂર્ણ

આ પરીક્ષણમાં લાકડાને કોઈ નુકસાન થયું નથી. જોકે, વૈજ્ઞાનિકોનું માનવું છે કે આવું એટલા માટે થયું છે કારણ કે અવકાશમાં ઓક્સિજન નથી, જે લાકડાને બાળી શકે છે. મેગ્નોલિયાના ઝાડના લાકડાનો ઉપયોગ સેટેલાઇટ બનાવવા માટે કરવામાં આવ્યો છે, તે સૌથી મજબૂત હોવાનું જાણવા મળ્યું છે.