મોબાઈલ ચોરાઈ જાયો તો કેવી રીતે Phone Pay, Google Pay અને UPI કરશો બંધ? અહીં જાણો આખી ડિટેઈલ

Image ;Freepik

નવી દિલ્હી,તા. 4 ડિસેમ્બર 2023, સોમવાર 

ભારતમાં આજે ઓનલાઈન પેમેન્ટ સામાન્ય થઈ ગયું છે, હાલમાં દેશમાં લોકો UPI દ્વારા ચૂકવણી કરવાનું પસંદ કરે છે, જે રોકડ લઈ જવા કરતાં વધુ સારો વિકલ્પ છે, પ્રથમ તો તેમાં ફેરફારની કોઈ ઝંઝટ નથી. બીજું, તમારે હંમેશા તમારી સાથે પર્સ રાખવાની જરૂર નથી. ઓનલાઈન પેમેન્ટ માટે, તમારી પાસે માત્ર મોબાઈલ ફોન હોવો જરૂરી છે અને તેના દ્વારા તમે QR કોડ સ્કેન કરીને સરળતાથી પેમેન્ટ કરી શકો છો. 

તમારો મોબાઈલ ફોન ખોવાઈ જાય તો શું થશે? 

જો તમે ફોન ખોવાઈ જાય કે તરત જ તેને બ્લોક ન કરો તો, જો ફોન ખોટા હાથમાં આવી જાય તો તમારું એકાઉન્ટ સંપૂર્ણપણે ખાલી થઈ શકે છે. તેથી તમારા માટે Google Pay, Phone Pay, Paytm અને UPI ID ને કેવી રીતે બ્લોક કઇ રીતે કરી શકાય તેની ડિટેલ્સ લાવ્યા છે. 

Paytm UPI ID ને કેવી રીતે બ્લોક કરવું

Paytm બેંક હેલ્પલાઇન નંબર 01204456456 પર કૉલ કરો.

આ પછી Lost Phone નો ઓપ્શન સિલેક્ટ કરો.

અહીં તમને ખોવાયેલા ફોનનો નંબર દાખલ કરવાનો વિકલ્પ મળશે.

પછી તમારે બધા લોગઆઉટ ફ્રોમ ઓલ ડિવાઇસ ઓપ્શન પસંદ કરવો પડશે.

આ પછી PayTM વેબસાઇટ પર જાઓ અને 24×7 હેલ્પ વિકલ્પ સિલેક્ટ કરો.

આ રીતે તમે Report a Fraud અથવા Message Us વિકલ્પ પસંદ કરી શકો છો.

પછી તમારે પોલીસ રિપોર્ટ સહિત કેટલીક વિગતો આપવી પડશે. બધી વિગતો તપાસ્યા પછી, તમારું Paytm એકાઉન્ટ અસ્થાયી રૂપે બંધ થઈ જશે.

Google Pay UPI ID ને કેવી રીતે બ્લોક કરવું

સૌથી પહેલા કોઈપણ ફોનમાંથી 18004190157 નંબર ડાયલ કરો.

આ પછી કસ્ટમર કેરને  Paytm એકાઉન્ટ બ્લોક કરવા વિશે જાણ કરવી પડશે.

એન્ડ્રોઇડ યુઝર્સે પીસી અથવા ફોન પર ગૂગલ ફાઇન્ડ માય ફોનમાં લોગિન કરવું પડશે. 

આ પછી, Google Payનો તમામ ડેટા રિમોટલી ડિલીટ કરવાનો રહેશે. આ પછી તમારું Google Pay એકાઉન્ટ અસ્થાયી રૂપે બ્લોક થઈ જશે.

જો તમે iOS યુઝર છો, તો તમે Find my app અને Appleના ઓથોરાઇઝડ ટૂલથી તમામ ડેટા ડિલિટ કરીને Google Pay એકાઉન્ટને બ્લોક કરી શકો છો.

ફોનપે યુપીઆઈ આઈડી કેવી રીતે બ્લોક કરવું

સૌથી પહેલા 02268727374 અથવા 08068727374 પર કોલ કરો.

જે મોબાઇલ નંબર સાથે UPI ID લિંક થયેલ છે તેની સામે ફરિયાદ દાખલ કરો.

જ્યારે OTP માટે પૂછવામાં આવશે, ત્યારે તમારે સિમ કાર્ડ અને ડિવાઇસ ખોવાઇ જવાનો વિકલ્પ પસંદ કરવો પડશે.

આ પછી તમે કસ્ટમર કેર સાથે કનેક્ટ થઈ જશો, જ્યાંથી તમે કેટલીક માહિતી આપીને UPI આઈડીને બ્લોક કરી શકો છો.