આઇફોનમાં ફોટો હાઇડ કરવા છે? આ સ્ટેપ્સને કરો ફોલો...

iPhone Photo Hide: આઈફોનમાં ફોટો હાઇડ કરવા માટે ઘણી બધી એપ્લિકેશન આવે છે. આ એપ્લિકેશન કેટલી સિક્યોર એ કહેવું મુશ્કેલ છે. આ સાથે જ ઘણી એપ્લિકેશન એવી છે જેના પ્રીમિયમ ફિચર્સ માટે પૈસા ચૂકવવા પડે છે. જોકે આ બધી સમસ્યાનો હલ આઈફોનમાં પહેલેથી જ છે. આ ફોટો હાઇડ કરવા આજકાલ ખૂબ જ જરૂરી બની ગયું છે. મોબાઇલ આપણે ઘણી વાર આપણાં નિકટના વ્યક્તિને આપીએ છીએ. આ વ્યક્તિને ભલે આપણે મોબાઇલ આપીએ, પરંતુ એ પર્સનલ ફોટો પણ જોઈ શકે એટલી નિકટની વ્યક્તિ હોય એ જરૂરી નથી. ફોટોની લાઇબ્રેરીમાં વેકેશનના ફોટો કે પછી પ્રાઇવેટ ઘણાં ફોટો હોય છે અને એથી જ એને લોકોની નજરથી દૂર રાખવા જરૂરી છે.

આ ફોટોને હાઇડ કરવા માટે એપલ દ્વારા અગાઉ હાઇડ ફિચર આપ્યું હતું. જોકે એ સમયે એને લોક નહોતું કરી શકાતું. તેમ જ એ હાઇડ ફોલ્ડરને પણ હાઇડ કરવા માટેનું ફિચર પણ ત્યાર બાદ લોન્ચ કરવામાં આવ્યું હતું. આથી ફેસ આઇડી, ટચ આઇડી અથવા તો પાસકોડ દ્વારા ફોટોને પ્રોટેક્ટ કરી શકાય છે. આ હાઇડ ફોટોને ફોટોની એપમાંથી પણ હાઇડ કરી શકાય છે.

એન્ડ્રોઇડ અથવા તો સેમસંગમાં ફોટો હાઇડ કરવા છે ખૂબ જ સરળ. આટલું કરો...

ફોટો કેવી રીતે હાઇડ કરશો?

1. આ માટે સૌથી પહેલાં ફોટો એપ લોન્ચ કરો.
2. ત્યાર બાદ લાઇબ્રેરી ટેબ સિલેક્ટ કરવી.
3. આ ટેબમાં ગયા બાદ જે પણ ફોટો હાઇડ કરવા હોય એને સિલેક્ટ કરવા. ત્યાર બાદ ત્રણ ડોટ વાળું મેન્યુ સિલેક્ટ કરવું.
4. મેન્યુ પર ક્લિક કરતાં એક પોપ-અપ મેન્યુ ઓપન થશે એમાં હાઇડ લખ્યું હશે એને ક્લિક કરવું.
5. ત્યાર બાદ વધુ એક મેન્યુ ઓપન થશે એના પર કન્ફર્મ હાઇડ કરવા છે કે નહીં એ પૂછવામાં આવશે અને એમાં હાઇડ ફોટો ઓપ્શન પસંદ કરવો.
6. ક્લિક કરતાં જ તમામ ફોટો હાઇડ થઈ જશે. આ ફોટો હવે લાઇબ્રેરી અથવા તો આલ્બમમાં નહીં દેખાશે.

હાઇડ કરેલા ફોટો પ્રોટેક્ટેડ છે કે નહીં એ ચેક કેવી રીતે કરશો?

1. આ માટે સૌથી પહેલાં ફોટો એપ ઓપન કરી એમાં લાઇબ્રેરીની જગ્યાએ આલ્બમ સિલેક્ટ કરો.
2. ત્યાર બાદ નીચે સ્કોલ કરી યુટિલિટી સેક્શનમાં હાઇડ નામની ટેબ હશે એના પર ટચ કરવું.
3. એ ઓપન કરતી વખતે પાસકોડ, ફેસ આઇડી અથવા તો ટચ આઇડી પૂછે તો સમજવું કે ફોટો પ્રોટેક્ટેડ છે.
4. ફોટો પ્રોટેક્ટેડ ન હોય તો સેટિંગ્સમાં જઈને, સ્ક્રોલ કરી ફોટો ઓપન કરવું અને એમાં ફેસ આઇડી અથવા તો ટચ આઇડી હોય તો એને ઓન કરી દેવું.

હિડન ફોલ્ડરને કેવી રીતે ફોટોમાં હાઇડ કરવું?

1. આ માટે સૌથી પહેલાં સેટિંગ્સમાં જવું.
2. ત્યાર બાદ સ્ક્રોલ કરી ફોટો ઓપન કરવું.
3. એમાં ‘શો હિડન આલ્બમ’ લખ્યું હશે એને ડિસેબલ કરવું. બાય ડિફોલ્ટ એ અનેબલ હોય છે. ઓન હશે તો એ ફોલ્ડર ફોટોમાં દેખાશે અને ઓફ હશે તો બંધ હશે.

હાઇડ કરેલાં ફોટો કેવી રીતે અનહાઇડ કરવા?

1. આ માટે સૌથી પહેલાં હાઇડ આલ્બમમાં જવું.
2. ત્યાર બાદ જ ફોટો અનહાઇડ કરવા હોય એને સિલેક્ટ કરવા.
3. આ સિલેક્ટ કર્યા બાદ ત્રણ ડોટ વાળા મેન્યુમાં જઈને અનહાઇડ પર ક્લિક કરવું.
4. આ ક્લિક કરતાં જ એ ફોટો ફરી આલ્બમ અને લાઇબ્રેરીમાં દેખાતા થઈ જશે.